Welcome to Forest Department
No front page content has been created yet.
သတင်းနှင့်ကြေငြာချက်များ
(၁၀.၆.၂၀၂၄) ရက်နေ့တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ ၌ ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် ဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ် ကျင်းပခဲ့ရာ ဦးဆန်းမြင့်ထွန်း၊ ဒုတိယညွှန်ကြားရေးမှူး၊ စီမံကိန်းနှင့်စာရင်းအင်းဌာနမှ သဘာပတိအဖြစ် ဆောင်ရွက်ခဲ့ပါသည်။ အခမ်းအနားအစီအစဉ်အရ ဒေါက်တာအင်ကြင်းခိုင် (လက်ထောက်ညွှန်ကြားရေးမှူး)မှ ကာဂျစ်စတန်နိုင်ငံတွင် တက်ရောက်ခဲ့သည့် အာရှဒေသသစ် တောကဏ္ဍဆိုင်ရာ ပူးပေါင်းဆောင်ရွက်ရေးအဖွဲ့ (AFoCO) ၏ (၁၀)ကြိမ်မြောက်ညီလာခံနှင့် ပတ်သက်သည့် အတွေ့အကြုံများအားလည်းကောင်း၊ ဦးစိန်မိုး (လက်ထောက်ညွှန်ကြားရေးမှူး) မှ ထိုင်းနိုင်ငံတွင် တက်ရောက်ခဲ့သည့် မဲခေါင်သိပ္ပံမှ မဲခေါင်-ကိုရီးယားပူးပေါင်းဆောင်ရွက်မှု (MKCF) စီမံကိန်း၏ အကဲဖြတ်သုံးသပ်ခြင်းအလုပ်ရုံဆွေးနွေးပွဲ နှင့်ပတ်သက်သည့် အတွေ့အကြုံ များအားလည်းကောင်း၊ ဒေါက်တာသိန်းဆောင် (လက်ထောက်ညွှန်ကြားရေးမှူး) မှ ဘူတန်နိုင်ငံ တွင် တက်ရောက်ခဲ့သည့် ပထမအကြိမ် ဘင်းမ်စတက်တောင်တန်းဒေသအခြေပြုစီးပွားရေး (Mountain Economy)ဆိုင်ရာကျွမ်းကျင်သူများအဖွဲ့အစည်းအဝေး နှင့် ပတ်သက်သည့် အတွေ့အကြုံများအားလည်းကောင်း ရှင်းလင်းတင်ပြခဲ့ကြပြီး တက်ရောက်လာသူများမှ မေးခွန်းများ မေးမြန်းမှုများအပေါ် ပြန်လည်ဖြေကြားဆောင်ရွက်ခဲ့ကြကြောင်းသိရှိရပါသည်။
မြန်မာနိုင်ငံသစ်တောကျောင်း၊ ပြင်ဦးလွင်မြို့၌ (၁၈.၅.၂၀၂၄) ရက်နေ့တွင် အခြေခံသစ်တောပညာသင်တန်းများမှ သင်တန်းသားများအား စံပြသစ်တော တည်ထောင်ခြင်းဆိုင်ရာသဘောတရား၊ စံသတ်မှတ်ချက်များ ရှင်းလင်းပို့ချခြင်းနှင့် သဘာဝမြေဩဇာ ပြုလုပ်နည်း လုပ်ငန်းများပို့ချခြင်းဆိုင်ရာသင်တန်းဖွင့်ပွဲအခမ်းအနားကျင်းပရာ ဦးတင့်ခိုင်၊ ညွှန်ကြားရေးမှူး၊ လေ့ကျင့်ရေးနှင့်သုတေသနဖွံ့ဖြိုးရေးဌာနမှ တက်ရောက်အဖွင့်အမှာစကား ပြောကြားသည်။
စီမံအုပ်ချုပ်မှုဆိုင်ရာထိရောက်မှု ဆန်းစစ်ခြင်းနည်းစနစ် (Management Effectiveness Tracking Tool-METT)အားအသုံးပြု၍ သဘာဝထိန်းသိမ်းရေးနယ်မြေ စီမံအုပ်ချုပ်မှုဆိုင်ရာ အစီရင်ခံစာ ရေးသားခြင်း သင်တန်းဖွင့်ပွဲ အခမ်းအနားကို သစ်တောသုတေသန စုဝေးခန်းမ ရေဆင်း၊ နေပြည်တော်၌ ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချူပ် ဒေါက်တာ သောင်းနိုင်ဦး တက်ရောက်၍ အဖွင့်အမှာစကားပြောကြားပါသည်။ ညွှန်ကြားရေးမှူးချုပ်က ယခုသင်တန်းသည် သစ်တောဦးစီးဌာနနှင့် အာဆီယံ ဇီဝမျိုးစုံမျိုးကွဲဗဟိုဌာနတို့ MOU လက်မှတ် ရေးထိုးဆောင်ရွက်လျက်ရှိသော အာဆီယံအမွေအနှစ် ဥယျာဉ်များအတွက် အသေးစားရန်ပုံငွေ ထောက်ပံ့မှုအစီအစဉ် (Small Grant Programme- SGP) အောက်မှ ကျင်းပခြင်း ဖြစ်ပါကြောင်း၊ ၂၀၂၄ ခုနှစ်အတွင်း အကောင်အထည်ဖော်ရန် သဘောတူထားသော လုပ်ငန်းစီမံကိန်း (၅)ခု အနက် တစ်ခုအပါအဝင်ဖြစ်ပါကြောင်း သင်တန်းကာလအတွင်း Management Effectiveness Tracking Tool (METT) Version 4 ကို အသုံးပြုပြီး သဘာဝထိန်းသိမ်းရေး နယ်မြေများ အုပ်ချုပ် လုပ်ကိုင်မှု ထိရောက်မှုအပေါ် ဆန်းစစ်ပြီး အစီရင်ခံစာ ရေးသားသွားကြရမှာဖြစ်ပါကြောင်း၊ ယနေ့ဖွင့်လှစ်သော သင်တန်းကို သဘာဝထိန်းသိမ်းရေးနယ်မြေတွင် တာဝန်ထမ်းဆောင်နေ သော အုပ်ချုပ်ရေးမှူးများနှင့် ထိန်းသိမ်းရေးဝန်ထမ်းများ၏ စွမ်းဆောင်ရည်ကို ပိုမိုမြင့်မားစေရန် ရည်ရွယ်ကျင်းပခြင်းဖြစ်ပါကြောင်းနှင့် သင်တန်းသားများအနေနှင့် သင်တန်းချိန်ကာလအတွင်း စနစ်တကျလေ့လာသင်ယူပြီး လက်တွေ့အသုံးပြုနိုင်သည်အထိ ရည်ရွယ်သင်ယူသွားကြရန်ပြောကြားခဲ့ပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ သစ်တောသုတေ သနဌာနမှ “ကမ္ဘာမြေလှပရေးနှင့် စားရေရိက္ခာဖူလုံရေး သစ်ပင်စိုက်ပျိုးထိန်း သိမ်းပေးအသိပညာပေးဟောပြောပွဲ’ ကို (၁-၆-၂၀၂၄)ရက်နေ့ နံနက် (၈:၀၀) နာရီတွင် ဇေယျာသီရိမြို့နယ်၊ သစ်တောသုတေသနဌာန၊ရေဆင်း စုဝေးခန်းမ၌ ကျင်းပပြုလုပ်ခဲ့ရာ ဆရာ/ ဆရာမများနှင့် ကျောင်းသာ/ကျောင်းသူများ၊ သုတေသီများ စုစုပေါင်း (၁၀၀)ဦးတက်ရောက်ခဲ့ကြပါသည်။ အခမ်းအနားတွင် သစ်တောဦးစီးဌာန၊ သစ်တောသုတေသနဌာနမှ ညွှန်ကြားရေးမှူး ဦးစိုးတင့်မှ ၂၀၂၄ ခုနှစ် ဇွန်လ (၅) ရက်နေ့တွင် ကျရောက်မည့် ကမ္ဘာ့ပတ်ဝန်းကျင်ထိန်းသိမ်းရေးနေ့ကို ကြိုဆိုဂုဏ်ပြုရန်၊ မျိုးဆက်သစ်ကျောင်းသား၊ကျောင်းသူများအနေဖြင့် မြန်မာနိုင်ငံ၏ ရာသီဥတုပြောင်းလဲမှုနှင့် သစ်တောသစ်ပင်များ၏ အရေးပါပုံကို သိရှိစေရန်အတွက် ယခုလို ဟောပြောပွဲ ကျင်းပခြင်းဖြစ်ကြောင်း ပြောကြားခဲ့ပြီး၊ သစ်တောသုတေသနဌာနမှ တာဝန်ရှိသူများက သစ်တောသစ်ပင်များမှရရှိသော ဂေဟစနစ်ဝန်ဆောင်မှုများ၊ ဇီဝမျိုးစုံမျိုးကွဲများ ထိန်းသိမ်းရေး အားလုံးပါဝင်ဆောင်ရွက်ပေး၊ ကမ္ဘာမြေကျန်းမာဖို့ သစ်ပင်စိုက်ပျိုး ကြပါစို့၊ ရေနှင့်မြေအကြောင်း သိကောင်းစရာများကို ဆွေးနွေးဟောပြောခဲ့သည်။ ယင်းနောက် ဟောပြောပွဲသို့ တက်ရောက်လာသည့် ရေဆင်းအခြေခံပညာ အထက်တန်းကျောင်းနှင့် သစ်တောသုတေသနဌာနခွဲ အခြေခံပညာ မူလတန်းကျောင်းမှ ကျောင်းသား၊ ကျောင်းသူများ အတွက် သစ်တောပညာရပ်ဆိုင်ရာ ဉာဏ်စမ်းဂိမ်းများကစားခြင်းနှင့် အသိပညာမျှဝေခြင်းများ ဆောင်ရွက်ခဲ့ပြီး ဆုရရှိသူများအား ညွှန်ကြားရေးမှူးနှင့် တာဝန်ရှိသူများက ဆုများချီးမြှင့် ပေးအပ်ခဲ့သည်။ ဆက်လက်၍ သစ်တောသုတေသနဌာန၊ သစ်မျိုးစုံ ဥယျာဉ်အတွင်း လှည့်လည် ကြည့်ရှုခြင်းနှင့် သစ်ပင်များစိုက်ပျိုးနည်း၊ ရှင်သန်ကြီးထွား အောင်ပြုစုနည်းတို့ကို ရှင်းလင်းပြောကြားခဲ့ပြီး ကျောင်းသား၊ ကျောင်းသူများနှင့်အတူ အမှတ်တရ စုပေါင်းသစ်ပင်များ စိုက်ပျိုးခဲ့ကြကြောင်း သိရှိရပါသည်။
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် သစ်တောဦးစီးဌာန ဦးဆောင်၍ နွေရာသီကျောင်းပိတ်ရက်၌ ကျောင်းသား/ ကျောင်းသူများအား “သစ်တောနှင့် ဇီဝမျိုးစုံမျိုးကွဲထိန်းသိမ်းရေးဆိုင်ရာ အသိပညာပေးဟောပြောပွဲ”ကို (၂၉-၄-၂၀၂၄) ရက်နေ့၊ နံနက်(၁၀:၀၀)နာရီတွင် ကော့မှူးမြို့နယ်၊ မြို့သစ်ရပ်ကွက်၊ အခြေခံပညာအထက်တန်း ကျောင်း အ.ထ.က(ကော့မှူး)၌ ကျင်းပပြုလုပ်ရာ ကော့မှူးမြို့နယ် မြို့နယ်ပညာရေးမှူး ဒေါ်နုနုကြည်က အဖွင့်အမှာစကားပြောကြားပြီး မြို့နယ်သစ်တောဦးစီးဌာန ဦးစီးမှူး ဦးလူမင်းက ကျောင်းသား/ကျောင်းသူများအား သစ်တောသစ်ပင်နှင့် ဇီဝမျိုးစုံမျိုးကွဲများ ဆိုင်ရာ အသိပညာပေးခြင်း၊ သစ်တောများနှင့် ရာသီဥတုပြောင်းလဲမှုလျော့ချရေး၊ သစ်တော များနှင့် ရေဝေရေလဲဒေသများ ထိန်းသိမ်းခြင်းနှင့် သစ်တောများမှ ပေးစွမ်းနိုင်သော အကျိုး ကျေးဇူးများကို အသိပညာပေးဟောပြောခဲ့ပြီး ဟောပြောပွဲတက်ရောက်လာသူများအား ကမ္ဘာမြေထိန်းသိမ်းခြင်းဆိုင်ရာ အခြေခံနည်းလမ်းများစာအုပ်နှင့် အသိပညာပေးလက်ကမ်း စာစောင်များကို သစ်တောဦးစီးဌာန ဝန်ထမ်းများက ဖြန့်ဝေပေးခဲ့ကြသည်။ ဆက်လက်၍ တွံတေးမြို့နယ်၊ ဘုရားကြီးပျိုးဥယျာဉ်သို့ သွားရောက်ကာ ဦးစီးအရာရှိ ဦးတင်မြတ်က ကျောင်းသား/သူများကို ၂၀၂၄ မိုးရာသီတွင် ဖြန့်ဝေစိုက်ပျိုးမည့် လူထုဖြန့်ပျိုးပင်များ ပျိုးထောင်ခြင်းလုပ်ငန်းကို လက်တွေ့ရှင်းလင်းပြသပြီး သစ်ပင်စိုက်ပျိုးခြင်းကြောင့် ရရှိလာ မည့် အကျိုးကျေးဇူးများကို ရှင်းလင်းပြောကြားဆွေးနွေးခဲ့ကြောင်းနှင့် ဆရာ/ ဆရာမ၊ ကျောင်းသား/ ကျောင်းသူစုစုပေါင်း (၆၀) ဦး တက်ရောက်ခဲ့ကြကြောင်း သတင်းရရှိပါသည်။
(၆-၄-၂၀၂၄) ရက်နေ့၊ နံနက်ပိုင်းတွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် မန္တလေးတိုင်းဒေသကြီး၊ သစ်တောဦးစီးဌာနနှင့် မြန်မာနိုင်ငံသစ်တောကျောင်းမှ တာဝန်ရှိသူများလိုက်ပါ၍ ပြင်ဦးလွင်မြို့၊ မြန်မာနိုင်ငံသစ်တောကျောင်းစာစစ်ဌာနတွင် ကျင်းပသည့် မြန်မာနိုင်ငံ သစ်တောကျောင်း၊ အခြေခံသစ်တောပညာသင်တန်း၊ အမှတ်စဉ် (၁၁၈) ဝင်ခွင့် အရည်အချင်းစစ်စာမေးပွဲ ဖြေဆိုနေမှုအခြေအနေများအား လှည့်လည်ကြည့်ရှူ့ စစ်ဆေးခဲ့ကြောင်းသိရှိရပါသည်။ ထို့အပြင် အခြေခံသစ်တောပညာသင်တန်း၊ အမှတ်စဉ် (၁၁၈) ဝင်ခွင့်အရည် အချင်းစစ်စာမေးပွဲအား နေပြည်တော်စာစစ်ဌာနတွင် ကျင်းပလျက်ရှိရာ သစ်တောဦးစီးဌာန၊ ဒုတိညွှန်ကြားရေးမှူးချုပ်(စီမံခန့်ခွဲရေး)၊ ဦးကျော်ဇေယျ၊ လေ့ကျင့်ရေးနှင့်သုတေသနဖွံ့ဖြိုးရေးဌာန ၊ ညွှန်ကြားရေးမှူး ဦးတင့်ခိုင်နှင့် တာဝန်ရှိသူများမှ ကြီးကြပ် ဆောင်ရွက်လျက်ရှိကြောင်းသိရှိရပါသည်။မြန်မာနိုင်ငံသစ်တောကျောင်း၊ အခြေခံ သစ်တောပညာသင်တန်း၊ အမှတ်စဉ် (၁၁၈) ဝင်ခွင့်အရည်အချင်းစစ်စာမေး ပွဲကို ပြင်ဦးလွင်မြို့နှင့် နေပြည်တော်စာစစ်ဌာနအပါအဝင် စာစစ်ဌာန (၁၄) ခုတွင် ကျင်းပဆောင်ရွက်သွားမည်ဖြစ်ကြောင်းသိရှိရပါသည်။
ပြည်သူ့စစ်မှုထမ်းဥပဒေပါပြဌာန်းချက်များအရကင်းလွတ်ခွင့်၊ ယာယီရွှေ့ဆိုင်းခွင့် စသည့် လုပ်ငန်းစဉ်များဆိုင်ရာ ရှင်းလင်းပွဲအခမ်းအနားကို (၅-၄-၂၀၂၄)ရက်နေ့ မွန်းလွဲ (၄:၀၀)နာရီ အချိန်တွင် ရုံးအမှတ်(၃၉)၊ သစ်တောဦးစီးဌာန၊ အင်ကြင်းခန်းမ၌ ကျင်းပပြုလုပ်ရာ ဦးကျော်ဇေယျ ဒုတိယညွှန်ကြားရေးမှူးချုပ်(စီမံခန့်ခွဲရေး) သစ်တောဦးစီးဌာနမှ အဖွင့်အမှာစကားပြောကြားသည်။ အခမ်းအနားသို့ ဦးစီးရုံးချုပ်မှ ညွှန်ကြားရေးမှူးများ၊ အရာထမ်းအမှုထမ်းများ တက်ရောက်ခဲ့ကြပြီး တာဝန်ရှိသူများမှ ပြည်သူ့စစ်မှုထမ်းဥပဒေပါ ပြဌာန်းချက်များအရကင်းလွတ်ခွင့်၊ ယာယီရွှေ့ဆိုင်းခွင့် စသည့်လုပ်ငန်းစဉ်များဆိုင်ရာ သိသင့်သိထိုက်သည့် အချက်အလက်များကို ရှင်းလင်းဆွေးနွေးခဲ့ကြောင်းသိရှိရပါသည်။
(၅-၄-၂၀၂၄)ရက်နေ့၊ နံနက်ပိုင်းတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး ၊ အင်ကြင်း ခန်းမ၌ ၂၀၂၄-၂၀၂၅ ဘဏ္ဍာနှစ်ရငွေ နှင့် ထုတ်လုပ်မှုကဏ္ဍများ လစဉ် စဉ်ဆက်မပြတ်တိုးတက်မှု ရှိစေရေးကိစ္စနှင့် ပတ်သက်၍ လမ်းညွှန်မှာကြားသည့် အစည်းအဝေး ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ သောင်းနိုင်ဦး၊ ဒုတိယညွှန်ကြားရေးမှူးချုပ် (စီမံခန့်ခွဲရေး)၊ ဦးစီးရုံးချုပ်မှ ညွှန်ကြားရေးမှူးများနှင့် တာဝန်ရှိသူများ၊ နေပြည်တော်/ တိုင်းဒေသကြီး၊ ပြည်နယ်များမှ ညွှန်ကြားရေးမှူးများမှ Online စနစ်ဖြင့် တက်ရောက်ခဲ့ကြပါသည်။ တာဝန်ရှိသူများ၏ တင်ပြချက်မျာအပေါ် ညွှန်ကြားရေးမှူးချုပ်မှ လိုအပ်သည်များကို လမ်းညွှန်မှာကြားခဲ့ကြောင်း သိရှိရ ပါသည်။