သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ AFoCO RETC စီမံကိန်း သင်တန်းကျောင်းသည် AFoCO အဖွဲ့ဝင်နိုင်ငံများမှ သင်တန်းသားများ ဖိတ်ကြား၍ ကာလတိုပုံမှန်သင်တန်းနှင့် သစ်တောဆိုင်ရာ တိုးချဲ့ပညာပေးအစီအစဉ်များ၊ ဒေသခံ ပြည်သူများ၏ လူမှုစီးပွားများကို အထောက်အကူပြု သင်တန်းများအပြင် မျိုးဆက်သစ် လူငယ်များအား သစ်တောနှင့် ပတ်ဝန်းကျင်ထိန်းသိမ်းရေးဆိုင်ရာ အသိပညာမျှဝေသည့် အစီအစဉ်များကိုလည်း နှစ်စဉ် ဆောင်ရွက် ကျင်းပလျက်ရှိပါသည်။ “သဘာဝပတ်ဝန်းကျင်ထိန်းသိမ်းရေး အသိပညာမျှဝေခြင်း”အစီအစဉ်ကို ၂၀၂၅-၂၀၂၆ ဘဏ္ဍာနှစ် အတွက် တက္ကသိုလ် ကျောင်းသား/ သူများအား (၂)ကြိမ်၊ ရွှေပြည်သာမြို့နယ်အတွင်းရှိ အခြေခံပညာ အထက်တန်းကျောင်းများမှ ကျောင်းသား/သူများအား (၁၀)ကြိမ်နှင့် အခြေခံပညာဆရာ/ ဆရာမများ အား (၂)ကြိမ်၊ စုစုပေါင်း (၁၄)ကြိမ် စီစဉ်ကျင်းပရန် လျာထားခဲ့ရာ အဌမအကြိမ်မြောက် အဖြစ် ၁၈-၈-၂၀၂၅ ရက်နေ့(တနင်္လာနေ့)၌ နံနက်(၀၉:၀၀)နာရီမှ နေ့လည်(၁၂:၀၀)နာရီအထိ၊ AFoCO RETC သင်တန်းကျောင်း၌ စီစဉ်ကျင်းပခဲ့ရာ အ.မ.က-(၅)၊ ရွှေပြည်သာမြို့နယ်မှ ကျောင်းအုပ်ဆရာမကြီး(၁)ဦး၊ ကြီးကြပ်သူဆရာမ(၃)ဦးနှင့် Grade-3 , 4 နှင့် 5 တို့မှ ကျောင်းသား (၃၉)ဦး၊ ကျောင်းသူ(၄၈)ဦး၊ စုစု ပေါင်း (၉၁)ဦး တက်ရောက်ခဲ့ကြပါသည်။

သစ်တောဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ ပြည်ပညာရေးဒီဂရီကောလိပ်တွင် ဒုတိယအကြိမ်မိုးရာသီသစ်ပင်စိုက်ပျိုးပွဲ အခမ်းအနားကို ‌ယနေ့နံနက်ပိုင်းက ကျင်းပခဲ့​သည်။အခမ်းအနားတွင် ဒေသကွပ်ကဲရေးမှူး၊ ဒေသကွပ်ကဲမှုစစ်ဌာနချုပ်၊ ပြည်မှ ပညာရေးဒီဂရီကောလိပ်မှ ပါမောက္ခချုပ် ဒေါက်တာ‌ ဒေါ်မင်းမင်းသိမ့်သို့လည်းကောင်း၊ ခရိုင်စီမံခန့်ခွဲ‌ရေးနှင့်အုပ်ချုပ်ရေးကော်မတီဥက္ကဌမှ ပညာရေးဒီဂရီကောလိပ်မှ ကျောင်းသား/သူများသို့လည်း ကောင်း ပျိုးပင်များ အသီးသီးပေးအပ်ခဲ့သည်။အဆိုပါ အခမ်းအနားသို့ ဒေသကွပ်ကဲမှုစစ်ဌာနချုပ်၊ ပြည်မှ (၁၀)ဦး၊ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီနှင့် ခရိုင်/မြို့နယ်အဆင့်ဌာနဆိုင်ရာ (၉၀)ဦး၊ ဒေသခံပြည်သူ(၁၀၀)ဦး၊ သစ်တောဦးစီးဌာနမှ ဝန်ထမ်း (၅၀)ဦး၊ ပညာရေးဒီဂရီကောလိပ်မှ ကျောင်းသား/သူ (၅၀၀)ဦး စုစုပေါင်း(၇၅၀)ဦးဖြင့်တမာ(၆၆၀)ပင်၊ ပျဉ်းမ(၅၄)ပင်၊ ပိတောက်(၅၄)ပင်၊ မဟော်ဂနီ(၅၄)ပင်၊ ရေတမာ (၅၄)ပင်၊ ပျဉ်းကတိုး(၅၄)ပင်၊ ကံ့ကော်(၅၄)ပင်၊ ခရေ(၁၁၆)ပင်စုစုပေါင်း(၁၁၀၀)ပင်အား စုပေါင်းသစ်ပင်စိုက်ပျိုးခဲ့ပါကြောင်းသတင်းရရှိသည်။

(၁၈-၈-၂၀၂၅) ရက်၊ တနင်္လာနေ့ (၁၀:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ညွှန်ကြား​ရေးမှူးချုပ်ရုံးမှ ​တောအုပ်ကြီးမှဒုတိယညွှန်ကြား​ရေးမှူးထိ သစ်​တောဝန်ထမ်းများ တက်​ရောက်ပြီး ပြည်နယ်/တိုင်းဒေသကြီးများမှ တောအုပ်ကြီး/ ဦးစီးအရာရှိ (၂) ဦးစီက online စနစ်ဖြင့်တက်ရောက်ခဲ့သည်။ အစီအစဉ်အရ ဒေါ်ဖြူဖြူခိုင် (လက်ထောက်ညွှန်ကြားရေးမှူး၊ သဘာဝတောနှင့်စိုက်ခင်းလုပ်ငန်းဌာန)က သဘာပတိအဖြစ် ဆောင်ရွက်ပြီး လက်ထောက်ညွှန်ကြားရေးမှူး ဦးခိုင်ဇော်ဝင်းမှ အင်ဒိုနီးရှားနိုင်ငံတွင် ပြုလုပ်သည့် အာဆီယံဒေသတွင်း ဒီရေတောဂေဟစနစ်စီမံအုပ်ချုပ်ခြင်းဆိုင်ရာ အပြီးသတ်စီမံကိန်းအလုပ်ရုံဆွေးနွေးပွဲအားလည်းကောင်း၊ ဦးစီးအရာရှိ ဒေါ်ခြူးသဉ္ဇာဉာဏ်မှ ကမ္ဘောဒီးယားနိုင်ငံတွင် ပြုလုပ်သည့် ရာသီဥတုပြောင်းလဲမှုလိုက်လျောညီထွေဖြစ်စေခြင်းနှင့် ကမ်းရိုးတန်းဒေသထိန်းသိမ်းကာကွယ်ခြင်းတို့အတွက် ရေဝေရေလဲဒေသစီမံအုပ်ချုပ်မှုဆိုင်ရာ ဒေသအဆင့်အလုပ်ရုံဆွေးနွေးပွဲတက်ရောက်မှုအားလည်းကောင်း၊ တောအုပ်ကြီး ဒေါ်ဆုနဒီအောင်မှ CLMV နိုင်ငံများရှိ တောမီးလောင်ကျွမ်းခြင်းဆိုင်ရာ ကြံ့ကြံ့ခံနိုင်မှုနှင့် ဒေသခံပြည်သူများ၏ အသက်မွေးဝမ်းကျောင်းနှင့် ဈေးကွက်ချိတ်ဆက်မှုအပေါ် စွမ်းဆောင်ရည် မြှင့်တင်ခြင်းဆိုင်ရာ လေ့လာရေးခရီးစဉ်အားလည်းကောင်း အသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်းသိရှိရသည်။