သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ရန်ကုန်တိုင်းဒေသကြီး၊ ထန်းတပင်မြို့နယ်၊ ဓနဲရိကျေးရွာအုပ်စု၊ အေးရွာလေးကျေးရွာရှိ အ.မ.ကကျောင်းတွင် (၂၆.၄.၂၀၂၆)ရက်နေ့၊ (၁၁:၄၅) နာရီအချိန်တွင် “သစ်တော ထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေး ဟောပြောပွဲ”ကျင်းပခဲ့ရာ ထန်းတပင်မြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူးပါ သစ်တောဝန်ထမ်း(၁၁)ဦး၊ အေးရွာလေးကျေးရွာမှ အမျိူးသား (၅၁)ဦး စုစုပေါင်း အမျိုးသား(၆၂)ဦးတို့ တက်ရောက်ခဲ့ပါသည်။ ဆွေးနွေးပွဲတွင် သစ်တောဦးစီးဌာန၊ ထန်းတပင်မြို့နယ်၊ မြို့နယ်ဦးစီးဌာနမှူး ဦးနိုင်လင်းထွန်းမှ သစ်တောသစ်ပင်များအကြောင်း၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ သစ်တော များကပေးစွမ်းနိုင်သည့် ဂေဟစနစ်ဆိုင်ရာအကျိုးကျေးဇူးများ၊ ရာသီဥတုပြောင်းလဲမှု လျှော့ချ ရေးတွင် သစ်တောများ၏အရေးပါမှု၊ အကျိုးကျေးဇူးများနှင့် မီးခိုးမြူငွေ့ လျော့ချရေးအတွက် Fire Hotspotsများ လျော့နည်းကျဆင်းအောင် ပတ်ဝန်းကျင်နိုင်ငံများနှင့် ပူးပေါင်းဆောင်ရွက် နေမှုများအကြောင်းနှင့် တောမီးရှို့ခြင်း၊ လယ်ယာများမီးရှို့ခြင်းများမပြုလုပ်ရန်၊ မီးခိုးမြူငွေ့ လေထု ညစ်ညမ်းမှု၏ ဆိုးကျိုးများ၊ မီးခိုးမြူငွေ့ညစ်ညမ်းမှုထိန်းချုပ်ရေး ဆောင်ရွက်နေမှု အခြေအနေများ၊ သစ်တောများ ထိန်းသိန်းရေးအကြောင်းနှင့် သစ်တောမှ ပေးစွမ်းနိုင်သော အကျိုးကျေးဇူး များအကြောင်းတို့ကို တက်ရောက်လာကြသည့် ကျေးရွာနေပြည်သူများကို အသိပညာပေး ဟောပြောခဲ့ပြီး လက်ကမ်းစာစောင်များ ဖြန့်ဝေဆောင်ရွက် ခဲ့ပါကြောင်း သတင်းရရှိသည်။

ရှမ်းပြည်နယ်(အရှေ့ပိုင်း) ကျိုင်းလပ်မြို့၌ ဒေသခံတောင်သူများ စိုက်ပျိုးရေး၊ မွေးမြူရေးလုပ်ငန်းများ တွင် စနစ်တကျပြန်လည်အသုံးချတတ်စေရန် ရည်ရွယ်၍ နယ်စပ်ဖြတ်ကျော်မီးခိုးမြူငွေ့ ညစ်ညမ်းမှုလျှော့ချရေးဆိုင်ရာ အသိပညာပေးဟောပြောဆွေးနွေးပွဲ(ခရိုင်အဆင့်) ကို ဧပြီ ၂၅ ရက်နံနက်ပိုင်းက နမ်ခင်းကျေးရွာအုပ်စု၊ ဝမ်တုံကျေးရွာ ဝမ်တုံရှမ်းဘုန်း ကြီးကျောင်းဝန်းတွင် ကျင်းပသည်။ ရှေးဦးစွာ တာချီလိတ်ခရိုင်ပတ်ဝန်းကျင်ထိန်းသိမ်းရေးဦးစီးဌာန၊ လက်ထောက် ညွှန်ကြားရေးမှူး ဦးလွှမ်းမိုးထက်က "စုပေါင်းကာကွယ် မီးခိုးမြူငွေ့ညစ်ညမ်းမှုအန္တရာယ်" ခေါင်းစဉ်ဖြင့် လည်းကောင်း၊ ခရိုင်သစ် တောဦးစီးဌာန၊ လက်ထောက်ညွှန်ကြားရေးမှူး ဦးသန်းနိုင်-၃က "ရာသီဥတုပြောင်းလဲမှု တောမီးနှင့် မီးခိုးမြူငွေ့ လျော့ချရေး" ခေါင်းစဉ်ဖြင့်လည်းကောင်း၊ စိုက်ပျိုးရေး ဦးစီးဌာနများမှ အော်ဂဲနစ်(Organic) စိုက်ပျိုးရေး အကြောင်းနှင့် လယ်ယာထွက်စွန့်ပစ်ပစ္စည်းမျာ မီးမရှို့ဘဲ စိုက်ပျိုးရေးနှင့် မွေးမြူးရေးလုပ်ငန်းများတွင် စနစ်တကျပြန်လည် အသုံးပြုရေးကို လည်းကောင်း၊ တာချီလိတ်ခရိုင်မီးသတ်ဦးစီးဌာနနှင့် မြေစာရင်းဦးစီးဌာနမှ တာဝန်ရှိသူများက ဌာနအလိုက် အသီးသီးဆွေးနွေးပို့ချကြသည်။ ထို့နောက် တက်ရောက်လာသော ဒေသခံပြည်သူများက သိလိုသည်များကို မေးမြန်းရာ ပြည်သူများ၏ ဆွေးနွေးချက်များအပေါ် သက်ဆိုင်ရာဌာနများက ပြန်လည်ဖြေကြားပြီး ကျိုင်းလပ်မြို့အုပ်ချုပ်ရေးမှူး ဦးအောင်မျိုးထွေးက "တောင်ယာခုတ်ထွင်မီးရှို့ခြင်း၊ ရိုးပြတ်များမီးရှို့ခြင်းနှင့် တောမီးရှို့ခြင်းကြောင့် ထိခိုက်နိုင်မှုများ ပုံစံ(၁)နှင့် တောမီးလောင်ကျွမ်းမှု မရှိစေရေး သတိပြုရန် ပုံစံ(၂)" ဗီနိုင်းပိုစတာအား ဝမ်တုံကျေးရွာ အုပ်ချုပ်ရေးမှူးထံသို့ ပေးအပ်သည်။ အဆိုပါဆွေးနွေးပွဲသို့ နမ်ခင်းကျေးရွာအုပ်စုရှိ ကျေးရွာများမှ ရှမ်း၊ အာခါ၊ လားဟူ ဒေသခံပြည်သူများ တက်ရောက်ခဲ့ပြီး ခရိုင်ပတ်ဝန်းကျင်ထိန်းသိမ်းရေးဦးစီးဌာနက မြန်မာ၊ ရှမ်း၊ လားဟူ၊ အာခါ ဘာသာ များဖြင့် ထုတ်ဝေထားသော မီးခိုမြူငွေ့ညစ်ညမ်းမှုဆိုင်ရာ အသိပညာပေး လက်ကမ်းစာစောင်း ၁၃၀ ကို ဖြန့်ဝေပေးခဲ့ကြောင်း သတင်းရရှိသည်။

ပုလောမြို့နယ်၊သစ်တောဦးစီးဌာနမှ သစ်တောထိန်းသိမ်းရေး၊တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲကို(၂၅-၄-၂၀၂၆)ရက်နေ့၊ နေ့လည်(၁၃:၀၀)နာရီ၌ ပုလောမြို့နယ်သစ်တောဦးစီးဌာနမှူးရုံး၌ ကျင်းပဆောင်ရွက်ခဲ့ရာ ပုလောမြို့၊ အမှတ်(၃)ရပ်ကွက် ရပ်မိရပ်ဖ မိဘပြည်သူနှင့် ပရဟိတအဖွဲ့များမှ ကျား(၇)ဦး၊မ(၃၁)ဦး၊ သစ်တောဝန်ထမ်း (၈)ဦး စုစုပေါင်း (၅၆)ဦး တက်ရောက်ခဲ့ကြပါသည်။ ပုလောမြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူးဦးတင်အောင်မျိုး မှ သစ်တောထိန်းသိမ်းရေး၊တောမီးကာကွယ်ရေးနှင့် မီးခိုးမြူငွေ့လျှော့ချရေး ခေါင်းစဉ်ဖြင့် အကြောင်းအရာများကို တက်ရောက်လာသူများသို့အသိပညာပေးဆွေးနွေးဟောပြောခဲ့ပါသည်။ ဆက်လက်၍ ဟောပြောပွဲတွင်တက်ရောက်လာသူများမှ သိရှိလိုသည်များကို မြို့နယ်ဦးစီးဌာနမှူး ဦးတင်အောင်မျိုးမှ ပြန်လည်ဖြေကြားခဲ့ပါကြောင်းသတင်းရရှိသည်။