၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

သာယာဝတီခရိုင် အုတ်ဖိုမြို့နယ်၊ ဒီဒူးပင်ကျေးရွာ၊ ဓမ္မာရုံ၌ “သစ်တောထိန်းသိမ်းရေး၊ ရေ သယံဇာတထိန်းသိမ်းရေး၊ မီးခိုးမြူငွေ့ထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာ” အသိပညာပေးအစီအစဉ်ကျင်းပ

(၅-၂-၂၀၂၅)ရက်နေ့ (၁၀:၃၀)နာရီ အချိန်တွင် ပဲခူးတိုင်းဒေသကြီး သာယာဝတီခရိုင် အုတ်ဖိုမြို့နယ် ၊ ဒီဒူးပင်ကျေးရွာ ၊ ဓမ္မာရုံ၌ “သစ်တောထိန်းသိမ်းရေး၊ ရေသယံဇာတထိန်းသိမ်းရေး ၊မီးခိုးမြူငွေ့ထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာ” အသိပညာပေးအစီအစဉ်ကျင်းပပြုလုပ်ခဲ့ပါသည်။ မြို့နယ်သစ်တောဦးစီးဌာန၊ ဦးစီးအရာရှိ-ဦးကျော်မိုးမှ"ရာသီဥတု ပြောင်းလဲမှု လျော့ချရေး နှင့်သဘာဝအန္တရာယ်များ ၊ သစ်တောထိန်းသိမ်းရေး ၊ တရားမဝင်သစ်လျော့နည်းပပျောက်ရေး၊ ရေ သယံဇာတထိန်းသိမ်း နှင့် မီးခိုးမြူငွေ့လျော့ချရေးဆိုင်ရာ “ ခေါင်းစဉ်ဖြင့်လည်းကောင်း၊ တောအုပ်ကြီး- ဦးစောမောင်ထွန်း မှ “တောမီးလောင်ခြင်းနှင့်မီးခိုးမြူငွေ့ ညစ်ညမ်းမှု “ ခေါင်းစဉ်ဖြင့်လည်းကောင်းအသိ ပညာပေးဟောပြောခဲ့ရာ ဒီဒူးပင်ကျေးရွာမှ ကျေးရွာသူ/သား (၃၅)ဦး နှင့် သစ်တောဦးစီးဌာနမှ ဝန်ထမ်း (၇)ဦး ၊စုစုပေါင်း (၄၂)ဦးတို့ တက်ရောက်ခဲ့ပါကြောင်းသိရှိရပါသည်။

တနင်္သာရီတိုင်းဒေသကြီး၊ထားဝယ်ခရိုင်၊ ထားဝယ်မြို့နယ်၊ သစ်တောဦးစီးဌာနမှ ထားဝယ်မြို့၊ ဝဲကျွန်းထိန်သစ်ရပ်၊ အ.ထ.က (၄)တွင် သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေးဆိုင်ရာအသိပညာပေးဟောပြောပွဲ"အားကျင်းပ

တနင်္သာရီတိုင်းဒေသကြီး၊ထားဝယ်ခရိုင်၊ထားဝယ်မြို့နယ်၊ သစ်တောဦးစီးဌာနမှ ၅-၂-၂၀၂၅ ရက်နေ့၊ နံနက် (၁၀:၀၀)နာရီအချိန်၌ ထားဝယ်မြို့၊ ဝဲကျွန်းထိန်သစ်ရပ်၊ အ.ထ.က (၄)တွင် " သစ်တောထိန်းသိမ်းရေး၊ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေးဆိုင်ရာအသိပညာပေးဟောပြောပွဲ"အား မြို့နယ်အဆင့် ကျင်းပပြုလုပ် ခဲ့ပါသည်၊၊ အဆိုပါ ဟောပြောပွဲတွင် ထားဝယ်မြို့နယ်၊ သစ်တောဦးစီးဌာန၊ ဦးစီးအရာရှိ ဦးရဲဝင်းအောင်မှ မီးခိုး/မြူငွေ့ဖြစ်ပေါ်လာသည့် အကြောင်းအရင်းများ၊ မီးခိုးမြူငွေ့အမျိုးအစားများ၊မီးခိုးမြူငွေ့၏ ဆိုးကျိုးများ၊ ကာကွယ်နိုင်သည့်နည်းလမ်းများ၊တောမီးအန္တရာယ်နှင့်ကြိုတင်ကာကွယ်နိုင်ရေးနည်းလမ်းများ၊ Fire Hotspot များ နှင့် ရေသယံဇာတများ ထိန်းသိမ်းရေး၊ ရေဝေရေလဲဒေသများမှ ရေချိုများ ရရှိနေမှု၊ ရေဝေရေလဲဒေသများ၏ အရေးပါမှု၊ ရေချိုများ ချွေတာသုံးစွဲရေး ၊ ရေအရင်း အမြစ်များဝိုင်းဝန်းထိန်းသိမ်း ခြင်း ဆိုင်ရာများအား လည်းကောင်း ဟောပြောပို့ချခဲ့ပါသည်။ဆက်လက်၍ ထားဝယ်မြို့နယ် ၊ သစ်တောဦးစီးဌာန၊ တောအုပ်ကြီး ဦးခင်မောင်ဆန်းမှ သစ်တော များမှ ပေးသော အကျိုးကျေးဇူးများ၊သစ်တောများ ထိန်းသိမ်းခြင်းဖြင့် သဘာဝးအန္တရာယ်များ လျှော့ချနိုင်မှုနှင့် ကြိုတင်ကာကွယ်ခြင်း၊ ရာသီဥတုပြောင်းလဲခြင်းနှင့် သစ်ပင်စိုက်ပျိုး၊ပြုစုခြင်း နည်းစနစ်များအား ဟောပြောခဲ့၍ သစ်တောဦးစီးဌာနမှ ဝန်ထမ်း(၄)ဦး၊အ.ထ.က (၄) မှ ဆရာ /ဆရာမ (၅)ဦး၊ ကျောင်းသား/ကျောင်းသူ (၁၄၂ )ဦး၊စုစုပေါင်း (၁၅၁)ဦး တက်ရောက်ခဲ့ပြီး သိရှိလိုသည်များအားပြန်လည်ဖြေကြားခြင်း ၊ဟောပြောပွဲတွင်တက်ရောက်လာသူများအားသစ်ပင်စိုက်ပျိုးမှုလက်ကမ်းစာစောင်များဖြန့်ဝေခြင်းများဆောင်ရွက်ခဲ့ပါကြောင်းသိရှိရပါသည်။

တနင်္သာရီတိုင်းဒေသကြီး၊ထားဝယ်ခရိုင်၊ ရေဖြူမြို့နယ်၊ သစ်တောဦးစီးဌာနမှ ကလိန်အောင်မြို့၊ အ.ထ.က တွင် " သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေး ဆိုင်ရာအသိပညာပေးဟောပြောပွဲ"အားကျင်းပ

တနင်္သာရီတိုင်းဒေသကြီး၊ထားဝယ်ခရိုင်၊ ရေဖြူမြို့နယ်၊ သစ်တောဦးစီးဌာနမှ ၅-၂-၂၀၂၅ ရက်နေ့၊ နံနက်(၁၀:၀၀)နာရီအချိန်၌ ကလိန်အောင်မြို့၊ အ.ထ.က တွင် " သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေး ဆိုင်ရာအသိပညာပေးဟောပြောပွဲ"အား မြို့နယ်အဆင့် ကျင်းပပြုလုပ် ခဲ့ပါသည်၊၊ အဆိုပါ ဟောပြောပွဲတွင် ရေဖြူမြို့နယ်၊ သစ်တောဦးစီးဌာန၊ တောအုပ် ဦးထက်လင်းဦးမှ မီးခိုး/မြူငွေ့ ဖြစ်ပေါ်လာသည့် အကြောင်းအရင်းများ၊ မီးခိုးမြူငွေ့အမျိုးအစားများ၊မီးခိုးမြူငွေ့၏ ဆိုးကျိုးများ၊ ကာကွယ်နိုင်သည့်နည်းလမ်းများ၊ တောမီးအန္တရာယ်နှင့် ကြိုတင်ကာကွယ်နိုင်ရေးနည်းလမ်းများ၊ Fire Hotspot များနှင့် ရေသယံဇာတများ ထိန်းသိမ်းရေး၊ ရေဝေရေလဲဒေသများမှ ရေချိုများ ရရှိနေမှု၊ ရေဝေရေလဲဒေသများ၏ အရေးပါမှု၊ ရေချိုများ ချွေတာသုံးစွဲရေး ၊ ရေအရင်း အမြစ်များဝိုင်းဝန်းထိန်းသိမ်း ခြင်း ဆိုင်ရာများ၊ သစ်တောများမှ ပေးသော အကျိုးကျေးဇူးများ၊ သစ်တောများ ထိန်းသိမ်းခြင်းဖြင့် သဘာဝဘေးအန္တရာယ်များ လျှော့ချနိုင်မှုနှင့် ကြိုတင်ကာကွယ်ခြင်း၊ ရာသီဥတုပြောင်းလဲခြင်းနှင့် သစ်ပင်စိုက်ပျိုး၊ပြုစုခြင်း နည်းစနစ်များအား ဟောပြောခဲ့၍ ကလိန်အောင် မြို့ရဲစခန်းမှ စခန်းမှူး ဝင်းဗိုလ်ပါ (၂) ဦး၊ စရတ(ကရခ)တကကဇင်အောင်နိုင်၊ မီးသတ်ဦးစီးဌာနမှ ဒုဦးစီး မျိုးဆွေဦးပါ(၅)ဦး၊ ဇင်ဘာအုပ်ချုပ်ရေးမှူး ဦးဝင်းဇော် ၊အ.ထ.က မှ ဆရာ /ဆရာမ (၁၀)ဦး၊ ကျောင်းသား/ကျောင်းသူ (၉၁)ဦး၊စုစုပေါင်း (၁၁၀)ဦး တက်ရောက်ခဲ့ပြီး သိရှိလိုသည်များအားပြန်လည်ဖြေကြားခြင်း၊ ဟောပြောပွဲတွင်တက်ရောက်လာသူများအားသစ်ပင်စိုက်ပျိုးမှုလက်ကမ်းစာစောင်များဖြန့်ဝေခြင်းများ ဆောင်ရွက်ခဲ့ပါကြောင်းသိရှိရပါသည်။

ပြည်ခရိုင်၊ ပေါင်းတည်မြို့နယ်၊ မင်းကွက် အ.ထ.က ကျောင်း၌ သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာအသိပညာပေးအစီအစဉ်ကျင်းပ

(၅-၂-၂၀၂၅)ရက်နေ့ (၀၉:၀၀)နာရီ အချိန်တွင် ပြည်ခရိုင်၊ပေါင်းတည် မြို့နယ်၊မင်းကွက် အ.ထ.ကကျောင်း၌ "သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုးမြူငွေ့ လျော့ချရေးဆိုင်ရာ" အသိပညာပေးအစီအစဉ် ကျင်းပပြုလုပ်ခဲ့ပါသည်။ သစ်တောထိန်းသိမ်းရေး ၊ ရေ သယံဇာတထိန်းသိမ်းရေး၊မီးခိုးမြူငွေ့လျော့ချရေးဆိုင်ရာ ခေါင်းစဉ်ဖြင့် တောအုပ်ကြီး- ဦးသိန်းတိုးအောင်မှ အသိပညာပေးဟောပြောခဲ့ရာ ဆရာ/ဆရာမ(၅)ဦး၊ကျောင်းသား /သူ (၁၁၁)ဦးနှင့် သစ်တောဦးစီးဌာနမှ ဝန်ထမ်း (၅)ဦး ၊စုစုပေါင်း (၁၂၁)ဦးတို့ တက်ရောက်ခဲ့ပါကြောင်း သိရှိရပါသည်။

ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၅)အခြေခံပညာအထက်တန်းကျောင်းတွင်သစ်တောထိန်းသိမ်းရေး၊ ရေသယံဇာတထိန်းသိမ်းရေး၊ တောမီး လောင်ကျွမ်းမှုထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာအသိပညာပေးဟောပြောပွဲကျင်းပ

သစ်တောထိန်းသိမ်းရေး၊ ရေသယံဇာတထိန်းသိမ်းရေး၊ တောမီးလောင်ကျွမ်းမှုထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာ အသိပညာပေးဟောပြောပွဲကို ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၅)အခြေခံပညာအထက်တန်းကျောင်းတွင် (၅.၂.၂၀၂၅) ရက်နေ့ (၉:၃၀ နာရီ မှ ၁၀:၃၀ နာရီ အထိ ) ကျင်းပပြုလုပ်ခဲ့ရာ ကျောင်းအုပ်ဆရာမကြီး၊ ဆရာ/ဆရာမ၊ ကျောင်းသား/သူ (၈၅)ဦး တက်ရောက်ခဲ့ပါသည်။ အခမ်းအနားတွင် အလုံမြိုန့ယ်၊ သစ်တောဦးစီးဌာနမှ တောအုပ်ကြီး ဦးကောင်းမြတ်သူ က မီးခိုးမြူငွေ့လျော့ချရေး၊ ရာသီဥတုပြောင်းလဲမှုလျှော့ချရေးနှင့် ရေသယံဇာတထိန်းသိမ်းရေး ဆိုင်ရာများ ဆွေးနွေးပြောကြားပြီး သစ်တောသစ်ပင်များကို ကာကွယ်ထိန်းသိမ်းရန်၊ မီးခိုးမြူငွေ့ ညစ်ညမ်းမှု ထိန်းသိမ်းရန်နှင့် Fire Hosposts များ လျော့နည်း ကျဆင်းအောင် တောမီးရှို့ခြင်းနှင့် တောင်ယာမီးရှို့ခြင်းများ မပြုလုပ်ရန် ဟောပြောဆွေးနွေးကာ တက်ရောက်လာသူများမှ မေးမြန်းမှုကို ပြန်လည်ဖြေကြားဆွေးနွေးခြင်းများ ဆောင်ရွက်ခဲ့ပါကြောင်းနှင့် တက်ရောက်လာသူများအား မီးခိုးမြူငွေ့နှင့်ပတ်သက်သည့် အသိပညာပေးလက်ကမ်းစာစောင်များနှင့် ကျောင်းစာကြည့်တိုက်အတွက် သစ်တောကြေးမုံစာအုပ်များ ဖြန့်ဝေပေးခဲ့ပါကြောင်း သိရှိရပါသည်။

တောတွင်းလက်တွေ့ကွင်းဆင်းဆောင်ရွက်နေသော သစ်တောနှင့် ပတ်ဝန်းကျင်ဆိုင်ရာတက္ကသိုလ် ကျောင်းသား၊ ကျောင်းသူများအား ပြည်ထောင်စုဝန်ကြီး ဦးခင်မောင်ရီသွားရောက်တွေ့ဆုံ၍ လက်တွေ့ကွင်းဆင်းမှုအားကြည့်ရှုစစ်ဆေး

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ယနေ့နံနက်ပိုင်းတွင် သစ်တောဦးစီးဌာန ညွှန်ကြားရေးမှုချုပ်၊ သစ်တောနှင့် ပတ်ဝန်းကျင်ဆိုင်ရာတက္ကသိုလ် ပါမောက္ခချုပ်နှင့် တာဝန်ရှိသူများလိုက်ပါလျက် နေပြည်တော်၊ ဥတ္တရခရိုင်၊ ဥတ္တရသီရိမြို့နယ်ရှိ သစ်တောသုတေသနစခန်း အမှတ် ၅၊ မိုးစွေသို့ သွားရောက်၍ တောတွင်းလက်တွေ့လုပ်ငန်းများ ကွင်းဆင်းဆောင်ရွက်နေသော သစ်တောနှင့်ပတ်ဝန်းကျင်ဆိုင်ရာ တက္ကသိုလ်မှ တတိယနှစ် ကျောင်းသား၊ကျောင်းသူများနှင့်တွေ့ဆုံသည်။

၂၇-၁-၂၀၂၅ ရက်နေ့မှ ၂-၂-၂၀၂၅ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှဖမ်းဆီးရမိခြင်း

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၁၆.၆၂၂၄)တန်၊ သစ်မာ (၉.၄၁၇၄)တန်၊ အခြား (၆၂.၂၃၀၆)တန်၊ စုစုပေါင်း (၈၈.၂၇၀၄)တန်၊ ယာဉ်/ ယန္တရား (၃)စီး၊ တရားခံ (၁၇)ဦး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂-၂-၂၀၂၅ ရက်နေ့တွင် ရှမ်းပြည်နယ် (တောင်ပိုင်း)၊ တောင်ကြီးခရိုင်၊ ညောင်ရွှေမြို့နယ်၊ မိုင်းသောက်ဘိနယ်၊ မိုင်းသောက် ကျေးရွာအနီး၊ ဦးနိုင်ထက်အောင် နှင့် ဦးဇော်မိုး တို့၏ နေအိမ်ဝန်းအတွင်းမှ တရားမဝင် အင်ခွဲသားဆိုဒ်စုံ (၁၀၀၆)ချောင်း (၂၆.၃၁၀၆)တန်၊ အင်ဂျင် (၁)လုံး၊ လွှဝိုင်း (၂)ဝိုင်းနှင့် ဆက်စပ်ပစ္စည်းများအားတရားခံ (၂)ဦးနှင့်အတူဖမ်းဆီးရမိမှုဖြစ်ပါသည်။

ဆေးဖက်ဝင်အပင်မျိုးစိတ်များ လေ့လာဖော်ထုတ်မှတ်တမ်းတင်ခြင်း၊ စိုက်ပျိုးပြုစုထိန်းသိမ်းခြင်းနှင့်ဓာတုဓာတ်ပေါင်းပါဝင်မှုအား ဓါတ်ခွဲစမ်းသပ်ခြင်းဆိုင်ရာနည်းပညာအထောက်အကူပြုသင်တန်းဖွင့်ပွဲအခမ်းအနားကျင်းပ

၃-၂-၂၀၂၅ ရက်၊ တနင်္လာနေ့ နံနက် (၀၈:၃၀)နာရီအချိန်တွင် သစ်တောဦးစီးဌာန၊ သစ်တောသုတေသနဌာန(ရေဆင်း)၊ စုဝေးခန်းမ၌ MLC-Medicinal Plants စီမံကိန်း ၏ "ဆေးဖက်ဝင်အပင်မျိုးစိတ်များ လေ့လာဖော်ထုတ် မှတ်တမ်းတင်ခြင်း စိုက်ပျိုးပြုစုထိန်းသိမ်းခြင်းနှင့် ဓာတုဒြပ်ပေါင်းပါဝင်မှုအား ဓာတ်ခွဲစမ်းသပ်ခြင်း ဆိုင်ရာနည်းပညာ အထောက်အကူပြုသင်တန်း"ဖွင့်ပွဲကျင်းပရာ သစ်တောဦးစီးဌာန၊ ညွှန်ကြားရေးမှုးချုပ် ဒေါက်တာသောင်းနိုင်ဦး တက်ရောက်၍ အဖွင့်အမှာစကားပြောကြားပြီး သင်တန်းသား/သူများနှင့်အတူ မှတ်တမ်းတင်ဓါတ်ပုံရိုက်ကူးခဲ့ပါသည်။ သင်တန်းဖွင့်ပွဲသို့ ဒုတိယညွှန်ကြားရေးမှုးချုပ်များ၊ ညွှန်ကြားရေးမှူးများ၊ ဖိတ်ကြားထားသည့်ဧည်သည်တော်များ၊ သစ်တောသုတေသနဌာနမှ အရာထမ်းများ၊ သုတေသီများ၊ သင်တန်းဆရာများနှင့် သင်တန်းသား/သူများတက်ရောက်ခဲ့ပါသည်။ MLC-Medicinal Plants စီမံကိန်း၏ ယခုသင်တန်းသည် ရှမ်း/ရှေ့ဒေသရှိ မဲခေါင်မြစ်ဝှမ်းဒေသတွင် နေထိုင်ကြသော ဌာနေတိုင်းရင်းသားလူမျိုးစုများ၏ မိရိုးဖလာ ရိုးရာနည်းအရ အပင်များအား ဆေးဖက်အသုံးပြုပုံနှင့် သိပ္ပံနည်းကျ မျိုးခွဲ စစ်ဆေးခြင်းများကို လေ့လာသိရှိနိုင်စေရန်အတွက် စိုက်ပျိုးပြုစုခြင်းနည်းလမ်းများ၊ မြေဆီလွှာထိန်းသိမ်းခြင်း နှင့် သဘာဝမြေဩဇာ ပြုလုပ်နည်းစနစ်များ၊ သဘာဝ ဆေးဖက်ဝင်အပင်များတွင် ပါဝင်သော ဓာတု‌ဒြပ်ပေါင်းများအား GC-MS ဓာတ်ခွဲ ကိရိယာဖြင့် အသုံးပြု၍ ဓာတ်ခွဲ မ်းသပ်ပုံ အဆင့်ဆင့်ကို လက်တွေ့သိရှိနိုင်ရန်နှင့် GC-MS နည်းပညာဆိုင်ရာ အခြေခံသီအိုရီများ သိရှိနိုင်စေရန် ရည်ရွယ်ချက်ဖြင့် (၃-၂-၂၀၂၅) ရက်မှ( ၇-၂-၂၀၂၅)ရက်ထိ (၅) ကြာဖွင့်လှစ်မည်ဖြစ်ပြီး သစ်တောဦးစီး ဌာန၊ တိုင်းရင်းဆေးပညာဦးစီးဌာနနှင့် စိုက်ပျိုးရေးသုတေသနဦးစီးဌာနတို့မှ သင်တန်းသား/သူ စုစုပေါင်း (၂၀) ဦးတက်ရောက်ကြောင်းသတင်းရရှိပါသည်။

Pages

more