(၂၅-၄-၂၀၂၄) ရက်နေ့၊ ညနေပိုင်းတွင် သယံဇာတနှင့် သဘာဝပတ်ဝန်းကျင်ထိန်းသိမ်း ရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီသည် ဒုတိယဝန်ကြီး ဦးမင်းသူ အမြဲတမ်း အတွင်းဝန်တို့လိုက်ပါလျက် ၂၆-၄-၂၀၂၄ ရက်နေ့တွင် မြန်မာအပြည်ပြည်ဆိုင်ရာ ကွန်ဗင်းရှင်း စင်တာ (MICC-II) ၌ ကျင်းပပြုလုပ်မည့် ၂၀၂၃- ၂၀၂၄ ပညာသင်နှစ်၊ လူရည်ချွန်မောင်မယ်များ ဩဝါဒခံယူပွဲတွင် ခင်းကျင်းပြသရန် ပြင်ဆင်ထားသည့် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ပညာပေးပြခန်းအား လှည့်လည်ကြည့်ရှုစစ် ဆေးရာသစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးကပြခန်းခင်းကျင်း ပြသထားရှိမှုအခြေအနေအား ရှင်းလင်းတင်ပြရာ ပြည်ထောင်စုဝန်ကြီးက လိုအပ်သည်များ လမ်းညွှန်မှုပြုကြောင်း သိရှိရပါသည်။

သစ်တောဦးစီးဌာန၏ ၂၀၂၃-၂၀၂၄ ဘဏ္ဍာနှစ်လုပ်ငန်းဆောင်ရွက်မှုနှင့် ၂၀၂၄-၂၀၂၅ ဘဏ္ဍာနှစ် မြန်မာနိုင်ငံသစ်တောများ ပြန်လည်တည်ထောင်ရေး လုပ်ငန်းများ၊ ရငွေနှင့် ထုတ်လုပ်မှု လျာထားချက်များ ပြည့်မီစွာ အကောင်အထည်ဖော်ဆောင်ရွက်နိုင်ရေး လုပ်ငန်းညှိနှိုင်းအစည်းအဝေးကို ယနေ့နံနက်ပိုင်းတွင် သစ်တောဦးစီးဌာနရုံးချုပ်၊ အင်ကြင်းခန်းမ၌ ကျင်းပပြုလုပ်ရာ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ၊ ဒုတိယဝန်ကြီး ဦးမင်းသူ၊ အမြဲတမ်း အတွင်းဝန်နှင့် ဌာနအကြီးအကဲများ၊ ဒုတိယညွှန်ကြား ရေးမှူးချုပ်များ၊ နေပြည်တော်နှင့် တိုင်းဒေသ ကြီး/ပြည်နယ်များမှ တာဝန်ခံများနှင့် တာဝန်ရှိသူများ တက်ရောက်ကြသည်။

(၂၀.၅.၂၀၂၄)ရက်နေ့ နံနက်ပိုင်း(၁၀:၀၀)နာရီအချိန်တွင် ကျွန်းစုမြို့နယ်၊ သစ်တောဦးစီးဌာနမှ မြို့နယ်ဦးစီးမှူး ဦးသန်းဇော်ဝင်းနှင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာန ဦးစီးအရာရှိ ဒေါ်အေးသန္တာဖြိုးတို့သည် ၂၀၂၄ ခုနှစ်၊ ကမ္ဘာ့ပတ်ဝန်းကျင် ထိန်းသိမ်းရေးနေ့ အထိမ်းအမှတ်အဖြစ် “သဲကန္တရတိုက်ဖျက်ရေးနှင့် မိုးခေါင်ရေရှားဒဏ်ခံနိုင်ရေး၊ မြေယာပြန်လည်ပြုပြင်ပေး” ခေါင်းစဉ်ဖြင့် ပတ်ဝန်းကျင်ထိန်းသိမ်းရေးဆိုင်ရာ အသိပညာပေး Talk show အား ကျွန်းစုမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီး ဌာနခန်းမ၌ ပြုလုပ်ခဲ့ပါသည်။ အဆိုပါအသိပညာပေး Talk Showတွင် ကမ္ဘာ့ပတ်ဝန်းကျင်ထိန်းသိမ်းရေးနေ့ ဖြစ်ပေါ်လာပုံ၊ နှစ်စဉ်ဆောင်ရွက်ခဲ့ပုံ၊ ၂၀၂၄ ခုနှစ်အတွက် သတ်မှတ်ထားသည့်ဆောင်ပုဒ်၊ သဲကန္တာရဖြစ်ထွန်းရခြင်းနှင့် အကျိုးသက်ရောက်မှုများ၊ မိုးခေါင်ရေရှားမှု ဒဏ်လျော့နည်းအောင် ဆောင်ရွက်ရမည့်လုပ်ငန်းများ၊ မြေယာပြုပြင်းဆောင်ရွက်ရာတွင် သစ်တောကဏ္ဍ၊ သစ်တောသစ်ပင်များမှပေးစွမ်းသည့် အကျိုးကျေးဇူးများနှင့် ကမ္ဘာ့ပတ်ဝန်းကျင်ထိန်းသိမ်းရေးနှင့် ပတ်သက်၍ သစ်တောဦးစီးဌာနမှ ဆောင်ရွက်ပေးနေသည့် လုပ်ငန်းများကို အသိပညာပေးဟောပြော ဆွေးနွေးခဲ့ကြောင်း သိရှိရပါသည်။