(၂၄-၅-၂၀၂၄) ရက်နေ့၊ နံနက် (၁၀:၀၀) အချိန်တွင် ပေါက်ခေါင်းမြို့နယ်၊ သစ်တောဦးစီးဌာနမှမြို့နယ်ဦးစီးအရာရှိ ဦးနေမျိုးဝင်း(၂)နှင့် ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ ဦးစီးမှူး ဒေါ်ချစ်နှင်းသုန်တို့သည် ၂၀၂၄ ခုနှစ်၊ ကမ္ဘာ့ပတ်ဝန်းကျင် ထိန်းသိမ်းရေးနေ့ အထိမ်းအမှတ်အဖြစ် " သဲကန္တာရတိုက်ဖျက်ရေးနှင့် မိုးခေါင်ရေရှား ဒဏ်ခံနိုင်ရေး မြေယာပြန်လည်ပြုပြင်ပေး "ခေါင်းစဥ်ဖြင့် ပတ်ဝန်းကျင်ထိန်းသိမ်းရေး ဆိုင်ရာအသိပညာပေး Talk Showအား ပေါက်ခေါင်းမြို့နယ်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ Community Centre ခန်းမ၌ ပြုလုပ်ခဲ့ပါသည်။ အဆိုပါ အသိပညာ ပေး Talk Show တွင်ကမ္ဘာပတ်ဝန်းကျင် ထိန်းသိမ်းရေးနေ့ ဖြစ်ပေါ်လာပုံ ၂၀၂၄ ခုနှစ်အတွက် သတ်မှတ်ထားသည့်ဆောင်ပုဒ်၊ သဲကန္တာရအဓိပ္ပါယ်၊ သဲကန္တာရ ဖြစ်ထွန်းရခြင်း နှင့်အကျိုးသက်ရောက်မှုများ၊ သဲကန္တာရဖြစ်ထွန်းမှုနှင့်မိုးခေါင်ရေရှားမှုဒဏ် လျော့နည်း အောင်ဆောင်ရွက်ရမည့်လုပ်ငန်းများနှင့် ကမ္ဘာပတ်ဝန်းကျင်ထိန်းသိမ်းရေး နှင့်ပတ်သက်၍ သစ်တောဦးစီးဌာနမှ ဆောင်ရွက်ပေးနေသည့် လုပ်ငန်းများကို အသိပညာပေးနေသည့် လုပ်ငန်းများကိုအသိပညာပေးဟောပြောဆွေးနွေးခဲ့ပါကြောင်း သိရှိရပါသည်။

ဧရာ၀တီတိုင်းဒေသကြီး၊ ပုသိမ်ခရိုင်၊ ငပုတောမြို့ အ-ထ-က(၁) န၀ရတ်ခန်းမတွင် သဘာ၀ပတ်၀န်းကျင်သစ်တောသစ်ပင်နှင့်ဇီ၀မျိုးစုံမျိုးကွဲများထိန်းသိမ်းရေးဆိုင်ရာအသိပညာပေးဟောပြောပွဲအခမ်းအနားကို(၂၄-၅-၂၀၂၄)ရက်နေ့ နံနက်ပိုင်းတွင်ကျင်းပပြုလုပ်ရာ ပုသိမ်ခရိုင်၊ သစ်တောဦးစီးဌာန လက်ထောက်ညွှန်ကြားရေးမှူး၊ ဦးထွန်းထွန်းမင်း၊ မြို့နယ် သစ်တောဦးစီးဌာန ဦးစီးအရာရှိ ဦးစိုးတင့်နှင့် ၀န်ထမ်းများ၊ အ-ထ-က(၁) ကျောင်းအုပ် ဆရာမကြီးနှင့်ဆရာ / ဆရာမများ၊ ကျောင်းသား/ကျောင်းသူများ (၁၀၀)ဦး တက်ရောက် ခဲ့ကြပါသည်။ အခမ်းအနားတွင် လက်ထောက်ညွန်ကြားရေးမှူး ဦးထွန်းထွန်းမင်းမှ သစ်တောသစ်ပင်နှင့်ဇီ၀မျိုးစုံထိန်းသိမ်ရေးသည် ရာသီဥတုနှင့် သက်ရှိသတ္တဝါးများအတွက် အလွန်အရေးပါကြောင်း၊ တောရိုင်းတိရစ္ဆာန်များ သက်ဖြတ်ခံရမှု မရှိစေရေးနှင့် သစ်တော ပြုန်းတီးမှု့များမဖြစ်ပေါ်စေရေးအတွက် ဝိုင်း၀န်းထိန်းသိမ်းဆောင်ရွက်ကြရန် လိုအပ်ကြောင်း ပြောကြားခဲ့ပြီး၊ ဦးစီးအရာရှိ ဦးစိုးတင့်မှ သဘာ၀ပတ်၀န်းကျင်ထိန်းသိမ်းရေး ဆိုင်ရာအကြောင်းအရာများကိုအကျယ်တ၀င့်ရှင်းလင်းပြောကြားပါသည်။ ဆက်လက်ပြီး မြို့နယ်သစ်တောဦးစီးအရာရှိရုံး မြို့မပျိုးဥယျာဉ်တွင် မိုးရာသီ သစ်ပင်များအခမဲ့ဖြန့်ဝေစိုက်ပျိုးရန်ပျိုးထောင်ထားရှိမှု့အား သွားရောက်လေ့လာခဲ့ကြရာ လက်ထောက်ညွှန်ကြားရေးမှူးနှင့်ဦးစီးအရာရှိတို့မှ အသေးစိတ်ရှင်းလင်းပြသခဲ့ပါကြောင်းသိရှိရပါသည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန ဝန်ထမ်းမိသားစုက မြန်မာသက္ကရာဇ် ၁၃၈၆ ခုနှစ်သို့ ကူးပြောင်းသည့် အချိန်အခါသမယကို ကြိုဆိုသောအားဖြင့် မြန်မာ့ရိုးရာမဟာသင်္ကြန်အကြို ပျော်ပွဲရွှင်ပွဲနှင့် စတုဒီသာကျွေးမွေးခြင်း အခမ်းအနားကို ၂၀၂၄ ခုနှစ်၊ ဧပြီလ ၁၂ ရက်နေ့ နေ့လယ်ပိုင်းတွင် သစ်တောဦးစီးရုံးချုပ် အင်ကြင်းခန်းမတွင် ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး၊ ဦးခင်မောင်ရီ တက်ရောက်၍ မြန်မာ့နှစ်သစ်ကူးအမှာစကားမြွတ်ကြားခဲ့ပါသည်။