သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ AFoCO RETC စီမံကိန်း သင်တန်းကျောင်းသည် AFoCO အဖွဲ့ဝင်နိုင်ငံများမှ သင်တန်းသားများ ဖိတ် ကြား၍ ကာလတိုပုံမှန်သင်တန်း၊ မျိုးဆက်သစ် လူငယ်များအား သစ်တောနှင့် ပတ်ဝန်းကျင် ထိန်း သိမ်းရေးဆိုင်ရာ အသိပညာမျှဝေသည့် အစီအစဉ်များ၊ သင်တန်းကျောင်းဝန်ထမ်းများ၏ စွမ်း ဆောင်ရည်မြှင့်တင်သည့် သင်တန်းအစီအစဉ်များကိုလည်း နှစ်စဉ်ဆောင်ရွက် ကျင်းပလျက် ရှိသည့် အပြင် ဒေသခံ ပြည်သူများအတွက် လူမှုစီးပွားဖွံ့ဖြိုးတိုးတက်ရေး သင်တန်းအစီအစဉ်များကိုလည်း ဆောင်ရွက်လျက်ရှိကြောင်း သတင်းရရှိပါသည်။၂၀၂၅ ခုနှစ်၊ သင်တန်းအစီအစဉ်များအရ ဒေသခံ ပြည်သူများအတွက် စီစဉ်ဖွင့်လှစ်သည့် ‘ဈေးကွက်ဝင်စားသုံးမှိုစိုက်ပျိုးထုတ်လုပ်ခြင်းသင်တန်း’ ကို ၂၀၂၅ ခုနှစ်၊ နိုဝင်ဘာလ ၁၇ ရက်နေ့မှ ၂၁ ရက်နေ့အထိ (၅)ရက်ကြာ ဖွင့်လှစ်ပို့ချမည်ဖြစ်ပြီး၊ သင်တန်းဖွင့်ပွဲအခမ်းအနားကို ၂၀၂၅ ခုနှစ်၊ နိုဝင်ဘာလ (၁၇)ရက်နေ့ နံနက် ၀၉:၃၀ နာရီ၌ AFoCO RETC သင်တန်းကျောင်း၊ မှော်ဘီမြို့၌ ကျင်းပခဲ့ရာ သစ်တောဦးစီးဌာန၊ ဗဟိုသစ်တောလုပ်ငန်းဖွံ့ဖြိုးမှု လေ့ကျင့်ပညာပေးရေးဌာနမှ အရာ ထမ်းများ၊ AFoCO RETC သင်တန်းကျောင်းမှ လက်ထောက် ညွှန်ကြားရေးမှူးနှင့် သင်တန်းကျောင်း မှ တာဝန်ရှိ ပုဂ္ဂိုလ်များ၊ မှော်ဘီမြို့နယ် သစ်တောဦးစီးဌာနမှ ဦးစီးအရာရှိနှင့် စိုက်ပျိုးရေးဦးစီးဌာနမှ သင်တန်းဆရာ/ဆရာမများ၊ သင်တန်းသား/သူများ စုစုပေါင်း (၃၅)ဦးခန့် တက်ရောက်ခဲ့ကြပါသည်။

ရှမ်းပြည်နယ်(အရှေ့ပိုင်း)၊တာချီလိတ်မြို့နယ်၊ သစ်တောဦးစီးဌာနမှကြီးမှူး၍ (၁၆-၁၁-၂၀၂၅)ရက်နေ့ (၁၀:၀၀)နာရီအချိန် တာချီလိတ်မြို့နယ်၊ နာအွန်ကျေးရွာခန်းမတွင် "သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ " ကျင်းပပြုလုပ်ခဲ့ရာ တာချီလိတ်မြို့နယ်၊ ဦးစီးအရာရှိ ဦးရန်လင်းမောင်မောင်ဦးက သစ်တောထိန်းသိမ်းရေး သိကောင်းစရာများကိုလည်းကောင်း၊ တောအုပ်ကြီး ဦးဇင်မင်းခန့်မှ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ သိကောင်းစရာများကိုလည်းကောင်းဟောပြောပို့ချခဲ့ပြီး တက်ရောက်လာသူများက သိလိုသည်များကိုမေးမြန်းခဲ့ရာ တာချီလိတ်မြို့နယ်ဦးစီးအရာရှိမှ ပြန်လည်ဖြေကြားခဲ့ပြီး ဟောပြောပွဲကို(၁၁:၀၀) နာရီချိန်တွင် ပြီးစီးခဲ့ပါသည်။ ဟောပြောပွဲတွင်ကျေးရွာသူ(၈၀)ဦး၊ ကျေးရွာသား (၇၁)ဦး၊ စုစုပေါင်း (၁၅၁) ဦးတက်ရောက်ခဲ့ပါကြောင်း သတင်းရရှိသည်။

(၁၃-၁၁-၂၀၂၅)ရက်​​နေ့ (၁၀၃၀)နာရီအချိန်တွင် "သစ်​တောထိန်းသိမ်း​ရေး၊ ​တောမီးကာကွယ်​​ရေးနှင့် မီးခိုမြူ​ငွေ့​လျှောချ​ရေး အသိပညာ​ပေး​ဟော​ပြောပွဲ(ခရိုင်အဆင့်)" အား မူဆယ်မြို့၊ အ.ထ.က(၂) တွင်​ဆောင်ရွက်ရာ ဦးမိုးဟိန်း(လက်​ထောက်ညွှန်ကြား​ရေးမှူး)၊ ခရိုင်သစ်​တောဦးစီးဌာနမှူးရုံး၊ မူဆယ်ခရိုင်မှ သစ်​တောထိန်းသိမ်း​ရေးဆိုင်ရာနှင့် မီးခိုးမြူ​ငွေ​လျှော့ချ​ရေးလုပ်ငန်းများကိုလည်း​ကောင်း၊ ဦးဆန်းဦး(လက်​​ထောက်ညွှန်ကြား​ရေးမှူး)၊ ခရိုင်စိုက်ပျိုး​ရေးဦးစီဌာနမှ အီးအမ်ဘိုကာချီပြုလုပ်သုံးစွဲခြင်းအ​ကြောင်းအရာအားလည်း​ကောင်း၊ ဦးမိုး​အောင်(လက်​ထောက်ညွှန်ကြား​ရေးမှူး)၊ ​ကျေးလက်​ဒေသဖွံ့ဖြိုးတိုးတက်​ရေးဦးစီးဌာနမှ ​ကျေးလက်​ဒေသစိမ့်စမ်း​ရေသွယ်ခြင်းနှင့် သဘာဝ​ရေးထွက်​တောများထိန်းသိမ်းခြင်းအ​ကြောင်းအရာအားလည်း​ကောင်း၊ ဦးလွမ်းမိုး​အောင်(ဦးစီးအရာရှိ)၊ ခရိုင်မီးသတ်ဦးစီးဌာနမှ ​တောမီးကာကွယ်ခြင်းအ​ကြောင်းအရာအားလည်း​ကောင်း ​ဟော​ပြော​ဆောင်ရွက်ခဲ့ပြီး ​၁၁၅၀ နာရီအချိန်တွင်ပြီးစီးပါသည်။ ဟော​ပြောပွဲသို့ ​ကျောင်းသား ၇၂ ဥိး ၊ ​ကျောင်းသူ ၆၄ ဦး၊ ဌာနဆိုင်ရာဝန်ထမ်းများ/​ကျောင်ဆရာ/ဆရာမများ ကျား၂၀ ဦး၊ မ ၁၀ ဦး၊ စုစု​ပေါင်း ကျား ၉၂ ဦး၊ မ ၇၄၊ ကျား/မ​ပေါင်း ၁၆၆ ဦး တက်​ရောက်ပါသည်။ သတင်းပါရှိ​ရေး ခရိုင်ပြန်/ဆက်ဖြင့်ဆက်သွယ်​​ဆောင်ရွက်ထားရှိပါ​ကြောင်းသတင်းရရှိသည်။