သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောဦးစီးဌာန၊ ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၌(၅-၂-၂၀၂၅)ရက်နေ့(၁၅:၀၀)နာရီတွင် ဥတ္တရသီရိမြို့နယ်၊ မင်းကုန်းကျေးရွာ၊အခြေခံပညာအထက်တန်းကျောင်း၌ မြို့နယ်အဆင့် "သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုး/မြူငွေ့ လျှော့ချရေးဆိုင်ရာ အသိပညာပေးဟောပြောပွဲ" အစီအစဉ်ကို ကျင်းပပြုလုပ်ခဲ့ပါသည်။
ဟောပြောပွဲအခမ်းအနားသို့ အခြေခံပညာအထက်တန်းကျောင်းမှ ကျောင်းအုပ်ဆရာမကြီးဒေါ်မျိုးမျိုးကျော် ဦးဆောင်သော ဆရာ/ဆရာမများ၊ ကျောင်းသား၊ ကျောင်းသူများ(၁၁၆)ဦးတက်ရောက်ခဲ့ပါသည်။ ဟောပြောပွဲတွင် သစ်တောဦးစီးဌာန၊ နေပြည်တော်၊ ဥတ္တရသီရိမြို့နယ်မှ တောအုပ်ကြီးဦးသန်းထွန်းနိုင်မှသစ်တောထိန်းသိမ်းရေး၊ ရေသယံဇာတထိန်းသိမ်းရေး၊ မီးခိုးမြူငွေ့ လျှော့ချရေး၊ သစ်တောသစ်ပင်နှင့် သဘာဝပတ်ဝန်းကျင်ထိန်းသိမ်းခြင်းဆိုင်ရာတို့ကိုအသိပညာပေး ဟောပြောဆွေးနွေးခဲ့ပါသည်။ ဆက်လက်၍ကျောင်းအုပ်ဆရာမကြီး မှကျေးဇူးတင်စကားပြောကြားပြီး အခမ်းအနားရုတ်သိမ်းခဲ့ပါကြောင်းသိရှိရပါသည်။

မကွေးတိုင်းဒေသကြီး ချောက်ခရိုင် ချောက်မြို့နယ်သစ်တောဦးစီးဌာနမှ(၅.-၂.၂၀၂၅)ရက်နေ့(၁၀:၃၀)နာရီအချိန်တွင် ချောက်မြို့နယ် ဂွေးချိုကျေးရွာ (အ•ထ•က)ကျောင်းခန်းမတွင်သစ်တောထိန်းသိမ်းရေး၊ရေသယံဇာတထိန်းသိမ်းရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ မြို့နယ်အဆင့်ပြုလုပ်ခဲ့ပါသည်၊ အဆိုပါဟောပြောပွဲတွင် မြို့နယ်သစ်တောဦးစီးဌာန မြို့နယ်ဦးစီးဌာနမှူး ဦးကြည်လင် မှ သစ်တောထိန်းသိမ်းရေး၊ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေးဆိုင်ရာအသိပညာပေးဟောပြောခဲ့ပြီး ချောက်မြို့နယ်ပတ်ဝန်းကျင်ထိန်းသိမ်းရေးဦးစီးဌာန ဦးစီးအရာရှိ ဒေါ်သူသူအောင် မှမီးခိုးမြူငွေ့ညစ်ညမ်းမှုအကြောင်းနှင့် ဘေးအန္တရာယ်ဆိုင်ရာများ အသိပညာပေးဟောပြောခြင်းအား Projector ဖြင့်ပြသရှင်းလင်းဟောပြောခဲ့ပါသည်၊ ဟောပြောပွဲတွင် သစ်တောဦးစီးဌာနမှ ဝန်ထမ်း(၃)ဦးပတ်ဝန်းကျင်ထိန်းသိမ်းရေးဦးစီးဌာနမှဝန်ထမ်း(၄) ဦး မြို့နယ်ပညာရေးမှူးရုံးမှ ဒု-ပညာရေးမှူးဦးသန်းလွင်ဦး (အ•ထ•က)ကျောင်းအုပ်ဆရာမကြီး ဒေါ်မိုးမိုး နှင့်ဆရာဆရာမ (၁၀) ဦး ကျောင်းသား/သူ(၂၆၇) ဦး စုစုပေါင်း(၂၈၅) ဦးတက်ရောက်ပါကြောင်းနှင့် ကျောင်းစာကြည့်တိုက်အတွက်သစ်တောကြေးမုံစာအုပ်များနှင့် ပတ်ဝန်းကျင်ထိန်းသိမ်းရေးဦးစီးဌာနမှ ပတ်ဝန်းကျင်ထိန်းသိမ်းရေးဆိုင်ရာဆရာကိုင်လက်စွဲစာအုပ်များအား ကျောင်းအုပ်ဆရာမကြီးထံပေးအပ်ခြင်းများဆောင်ရွက်ခဲ့ပါကြောင်းသိရှိရပါသည်။

(၅-၂-၂၀၂၅)ရက်နေ့ (၁၀:၃၀)နာရီ အချိန်တွင် ပဲခူးတိုင်းဒေသကြီး သာယာဝတီခရိုင် အုတ်ဖိုမြို့နယ် ၊ ဒီဒူးပင်ကျေးရွာ ၊ ဓမ္မာရုံ၌ “သစ်တောထိန်းသိမ်းရေး၊ ရေသယံဇာတထိန်းသိမ်းရေး ၊မီးခိုးမြူငွေ့ထိန်းသိမ်းရေးနှင့် မီးခိုးမြူငွေ့လျော့ချရေးဆိုင်ရာ” အသိပညာပေးအစီအစဉ်ကျင်းပပြုလုပ်ခဲ့ပါသည်။ မြို့နယ်သစ်တောဦးစီးဌာန၊ ဦးစီးအရာရှိ-ဦးကျော်မိုးမှ"ရာသီဥတု ပြောင်းလဲမှု လျော့ချရေး နှင့်သဘာဝအန္တရာယ်များ ၊ သစ်တောထိန်းသိမ်းရေး ၊ တရားမဝင်သစ်လျော့နည်းပပျောက်ရေး၊ ရေ သယံဇာတထိန်းသိမ်း နှင့် မီးခိုးမြူငွေ့လျော့ချရေးဆိုင်ရာ “ ခေါင်းစဉ်ဖြင့်လည်းကောင်း၊ တောအုပ်ကြီး- ဦးစောမောင်ထွန်း မှ “တောမီးလောင်ခြင်းနှင့်မီးခိုးမြူငွေ့ ညစ်ညမ်းမှု “ ခေါင်းစဉ်ဖြင့်လည်းကောင်းအသိ ပညာပေးဟောပြောခဲ့ရာ ဒီဒူးပင်ကျေးရွာမှ ကျေးရွာသူ/သား (၃၅)ဦး နှင့် သစ်တောဦးစီးဌာနမှ ဝန်ထမ်း (၇)ဦး ၊စုစုပေါင်း (၄၂)ဦးတို့ တက်ရောက်ခဲ့ပါကြောင်းသိရှိရပါသည်။