၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ပဲခူးရိုးမစိမ်းလန်းစိုပြည်ရေးဧရိယာအတွင်းမှ တရားမဝင်သစ်များဖမ်းဆီးရမိ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့် အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင် ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမ စိမ်းလန်းစိုပြည်ရေး ဧရိယာအတွင်းမှ (၂၁-၇-၂၀၂၅)ရက်နေ့မှ (၂၇-၇-၂၀၂၅) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၁၈.၀၉၈၄)တန်ဖမ်းဆီးရမိခဲ့ပါသည်။

ကိုရီးယား-မြန်မာ REDD+ လုပ်ငန်းများ ပူးပေါင်းဆောင်ရွက်ခြင်းစီမံကိန်း (FD-KFS REDD+ Project) ၏ သတ္တမအကြိမ်မြောက် စီမံကိန်းလုပ်ငန်းများ ကြီးကြပ်ရေးကော်မတီအစည်းအဝေးကျင်းပ

ကိုရီးယား-မြန်မာ REDD+ လုပ်ငန်းများ ပူးပေါင်းဆောင်ရွက်ခြင်းစီမံကိန်း (FD-KFS REDD+ Project) ၏ သတ္တမအကြိမ်မြောက် စီမံကိန်းလုပ်ငန်းများ ကြီးကြပ်ရေးကော်မတီအစည်းအဝေးကို ၃၀-၇-၂၀၂၅ ရက် ၀၇း၃၀ နာရီအချိန် သစ်တောဦးစီးဌာန၊ညွှန်ကြားရေးမှူးချုပ်ရုံး၊ အစည်းအဝေးခန်းမ၌ကျင်းပရာ ညွှန်ကြားရေးမှူးချုပ်၊‌ ဒေါက်တာသောင်းနိုင်ဦးမှ တက်ရောက် အဖွင့်အမှာစကားပြောကြားသည်။ အစည်းအဝေးသို့ သစ်တောဦးစီးဌာနမှ ဒုတိယညွှန်ကြားရေးမှူးချုပ်(စီမံခန့်ခွဲရေး)၊ ညွှန်ကြား‌ရေးမှူးများနှင့် စီမံကိန်းဝန်ထမ်းများတက်ရောက်ပြီး ကိုရီးယားသမ္မတနိုင်ငံ၊ ကိုရီးယားသစ်တောဌာနမှ တာဝန်ရှိသူများက virtual စနစ်ဖြင့် တက်ရောက်သည်။ အစည်းအဝေးတွင် စီမံကိန်းမှ ၂၀၂၄-၂၀၂၅ ဘဏ္ဍာနှစ်အတွင်း ဆောင်ရွက်ပြီးစီးခဲ့သည့်လုပ်ငန်းများနှင့် ဆက်လက်အကောင်အထည်ဖော်ဆောင်ရွက်မည့်လုပ်ငန်းများအား တင်ပြဆွေးနွေးကြောင်းသတင်းရရှိသည်။

AFoCO ၏ မဟာဗျူဟာစီမံချက်(၂၀၂၄-၂၀၂၅)တွင် ပုံမှန်စီမံကိန်းများအတွက် Full Proposal Development ရေးဆွဲခြင်းဆိုင်ရာဆွေးနွေးပွဲကျင်းပ

သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမတွင်၂၉-၇-၂၀၂၅ ရက်နေ့၊ ညနေ ၅:၀၀ နာရီအချိန်တွင် ညွှန်ကြားရေးမှူးချုပ် ဦးဆောင်၍ AFoCO Secretariat မှ ကိုယ်စားလှယ်များ ဖြစ်သည့် Dr. Park Jeong Ho နှင့် Mr. Han Dong Kim တို့နှင့် ၂၀၂၆ ခုနှစ် အတွက် စီမံကိန်းအဆိုပြုလွှာ ပြင်ဆင်ရေးဆွဲခြင်းနှင့် စပ်လျဉ်း၍ ဆွေးနွေးပွဲ တစ်ရပ် ကျင်းပ ပြုလုပ်ခဲ့ရာ သစ်တောဦးစီးဌာနမှ ဒုတိယညွှန်ကြားရေးမှူးချုပ် (စီမံခန့်ခွဲရေး)၊ ညွှန်ကြားရေးမှူးများ ပါဝင် တက်ရောက်လျက် စုစုပေါင်း ကိုယ်စားလှယ် (၁၅) ဦး တက်ရောက်ခဲ့ကြပါသည်။အဆိုပါဆွေးနွေးပွဲတွင် သစ်တောဦးစီးဌာန၊ ညွှန်ကြားရေးမှူးချုပ်က AFoCO နှင့် ပူးပေါင်း ဆောင်ရွက်မှုများသည် သစ်တောဦးစီးဌာနအတွက် အကျိုးကျေးဇူး များစွာ ရရှိကြောင်း၊ ယခုကဲ့သို့ စီမံကိန်းအဆိုပြုလွှာများ ပူးပေါင်းရေးဆွဲ ဆောင်ရွက်ခြင်းဖြင့် မြန်မာနိုင်ငံ၏ ထာဝစဉ် တည်တံ့ စေသော သစ်တောစီမံအုပ်ချုပ်ခြင်းနှင့် သစ်တောများ ပြန်လည်ပြုစုထိန်းသိမ်းခြင်းတို့မှတစ်ဆင့် ဒေသခံများ ပူးပေါင်းပါဝင်သော သစ်တောထိန်းသိမ်းခြင်း လုပ်ငန်းများကို ထိရောက်အောင် ဆောင်ရွက် သွားနိုင်မည်ဖြစ်ပါကြောင်း ပြောကြားခဲ့ပြီး မြန်မာနိုင်ငံတွင် ထာဝစဉ်တည်တံ့စေသော သစ်တောစီမံ အုပ်ချုပ်မှုဆိုင်ရာ လုပ်ငန်းများဖြစ်သည့် သစ်တောစိုက်ခင်းများတည်ထောင်ခြင်း၊ (၁၃) ခရိုင် အထူး စိမ်းလန်းစိုးပြည်ရေး အစီအစဉ်များနှင့် စိုက်ခင်းတည်ထောင်ပြီးစီးမှုကို မျှဝေဆွေးနွေးခဲ့ပြီး စီမံကိန်း အဆိုပြုလွှာအတွက် အကောင်အထည်ဖော်မည့် ရှမ်းပြည်နယ်၊ တောင်ပိုင်းရှိ ဘက်စုံရေဝေရေလဲ ဒေသ စီမံအုပ်ချုပ်မှု ဆောင်ရွက်နိုင်မည့် အလားအလာများနှင့် အင်းလေးကန်ဝန်းကျင် စိမ်းလန်း စိုပြည်ရေး ဆောင်ရွက်ခဲ့မှုများကို မျှဝေဆွေးနွေးခဲ့ပါသည်။AFoCO Secretariat မှ ကိုယ်စားလှယ်များက ယခု စီမံကိန်းအဆိုပြုလွှာပြင်ဆင် ရေးဆွဲ ခြင်းကို ဘက်စုံရေဝေရေလဲဒေသစီမံအုပ်ချုပ်ခြင်းနှင့် ဒေသခံများ၏ စီးပွားရေးလုပ်ငန်း တိုးတက် ဖွံ့ဖြိုးစေရေး ဆောင်ရွက်သွားမည် ဖြစ်သဖြင့် ဒေသခံများ အမှန်တကယ် ပါဝင်နိုင်ပြီး ဝင်ငွေ အခွင့်အလမ်းရရှိစေမှု အစီအစဉ်များကို သစ်တောထိန်းသိမ်းရေးလုပ်ငန်းများနှင့် ထည့်သွင်း ပြင်ဆင် ရန်ဖြစ်ပါကြောင်း ဆွေးနွေးခဲ့ကြပါသည်။ထို့နောက် ရှမ်းပြည်နယ်တွင် စီမံကိန်းအကောင်အထည်ဖော်နိုင်မည့် အခြေအနေများ၊ ဒေသခံ များအတွက် အသေးစား၊ အလတ်စား စီးပွားရေး ဖွံ့ဖြိုးမှုအတွက် ဆောင်ရွက်မည့် အခြေအနေများ ကို ဆွေးနွေးခဲ့ကြပြီး ဆွေးနွေးပွဲကို အောင်မြင်စွာ ကျင်းပခဲ့ပါကြောင်းသတင်းရရှိသည်။

ဝါးစိုက်ပျိုးပြုစုစီမံအုပ်ချုပ်ခြင်း၊ မျှစ်ထုတ်လုပ်ခြင်းနှင့် ဝါးလက်မှုကဏ္ဍ နည်းပညာဖွံ့ဖြိုးတိုးတက်ရေးဆိုင်ရာ အလုပ်ရုံဆွေးနွေးပွဲ ဖွင့်ပွဲအခမ်းအနားသို့ ပြည်ထောင်စုဝန်ကြီး ဦးခင်မောင်ရီတက်ရောက်

ဝါးစိုက်ပျိုးပြုစုစီမံအုပ်ချုပ်ခြင်း၊ မျှစ်ထုတ်လုပ်ခြင်းနှင့် ဝါးလက်မှုကဏ္ဍ နည်းပညာ ဖွံ့ဖြိုး တိုးတက်ရေးဆိုင်ရာ အလုပ်ရုံဆွေးနွေးပွဲ ဖွင့်ပွဲအခမ်းအနားကို ယနေ့ နံနက်ပိုင်းတွင် နေပြည်တော်ရှိ သစ်တောဦးစီးဌာန၊ အင်ကြင်းခန်းမ၌ ကျင်းပပြုလုပ်ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီ၊ ဒုတိယဝန်ကြီး ဦးမင်းသူ၊ အမြဲတမ်း အတွင်းဝန်နှင့် ဌာနဆိုင်ရာ တာဝန်ရှိသူများ၊ ဆက်စပ်ဌာနနှင့် အဖွဲ့အစည်းများမှ ကိုယ်စားလှယ်များ၊ ဝါးလက်မှုပညာရှင်များနှင့် လုပ်ငန်းရှင်များတက်ရောက်ကြသည်။

ကချင်ပြည်နယ်၂၀၂၅ခုနှစ် မိုးရာသီ ပြည်နယ်အဆင့်(၁၁)ကြိမ်မြောက် မိုးရာသီ သစ်ပင်စိုက်ပွဲတော်အားမိုးညှင်းခရိုင်၊ မိုးညှင်းမြို့ ၊မြို့တော််ခန်းမအနီး၌ကျင်းပ

ကချင်ပြည်နယ်၂၀၂၅ခုနှစ် မိုးရာသီ ပြည်နယ်အဆင့်(၁၁)ကြိမ်မြောက် မိုးရာသီ သစ်ပင်စိုက်ပွဲတော်အား ၂၉.၇.၂၀၂၅ရက်နေ့ ၀၇း၀၀နာရီအချိန်တွင် ကချင်ပြည်နယ် မိုးညှင်းခရိုင်၊ မိုးညှင်းမြို့ ၊မြို့တော််ခန်းမအနီး၌ ကျင်းပဆောင်ရွက်ရာ ကချင်ပြည်နယ် အစိုးရအဖွဲ့ ပြည်နယ်ဝန်ကြီးချုပ်နှင့်ဇနီး၊ မိုးညှင်းမြို့ တပ်နယ်မှူးနှင့်ဇနီး၊ တိုင်းရင်းသားရေးရာ ဝန်ကြီးနှင့်ဇနီး၊ ပြည်နယ်ဥပဒေချုပ်၊ မိုးညှင်းတက္ကသိုလ်ပါမောက္ခချုပ်၊ ပြည်နယ််အဆင့် ဌာနဆိုင်ရာများ၊ မိုးညှင်းခရိုင်/ မြို့နယ်ဌာနဆိုင်ရာဝန်ထမ်းများ စုစုပေါင်း လူဦးရေ (၃၀၀) ဦး တက်ရောက််ပြီး ကျွန်း(၈)ပင်၊ ပိတောက်(၈)ပင်၊ ခရေ (၈)ပင်၊ မဟော်ဂနီ(၈)ပင်၊ ယမနေ(၈)ပင်၊ ရင်းမာ (၈)ပင်၊ မျောက်ငို (၄)ပင်၊ ပျဉ်းကတိုး (၂၂၅)ပင်၊ မန်ဂျန်ရှား (၂၂၅)ပင် စုစုပေါင်း (၅၁၀)ပင််အား စုပေါင်းစိုက်ပျိုးခဲ့ကြပါကြောင်းသတင်းရရှိသည်။

တနင်္သာရီတိုင်းဒေသကြီး၊ ထားဝယ်မြို့နယ် ၊ သစ်တောဦးစီးဌာနမှ ထားဝယ်ပညာရေးကောလိပ်၊ တိက္ခပညာခန်းမ၌ ဒီရေတောထိန်းသိမ်းရေးနှင့် ဒေသခံပြည်သူအစုအဖွဲ့သစ်တော လုပ်ငန်းဆိုင်ရာ အသိပညာပေးဟောပြောပွဲအား ကျင်းပ

၂၉.၇.၂၀၂၅ရက်နေ့၊ နေ့လည်(၁၄:၀၀)နာရီအချိန်တွင်တနင်္သာရီတိုင်းဒေသကြီး၊ညွှန်ကြားရေးမှူး၏ ကြီးကြပ်ကွပ်ကဲမှုဖြင့် ထားဝယ်ခရိုင်၊ ထားဝယ်မြို့နယ် ၊ သစ်တောဦးစီးဌာနမှ ထားဝယ်ပညာရေးကောလိပ်၊ တိက္ခပညာခန်းမ၌ ပင်လယ်ကမ်းရိုးတန်းဒေသဘက်စုံစီမံအုပ်ချုပ်လုပ်ကိုင်မှု(ICM) အစီအစဉ် ပထမ(၅)နှစ် စီမံချက်အရဒီရေတောထိန်းသိမ်းရေးနှင့် ဒေသခံပြည်သူအစုအဖွဲ့သစ်တော လုပ်ငန်းဆိုင်ရာ အသိပညာပေးဟောပြောပွဲအား ကျင်းပဆောင်ရွက်ခဲ့ပါသည်။အဆိုပါဟောပြောပွဲကိုထားဝယ်ပညာရေးကောလိပ်မှ အုပ်ချုပ်သူ ဆရာ/ဆရာမ (၃)ဦး၊ သင်တန်းတက်ရောက်သည့် ဆရာ/ဆရာမ(၃၄၀)ဦး၊စုစုပေါင်း (၃၄၃)ဦးတက်ရောက်ခဲ့ပါသည်။ဟောပြောပွဲတွင် ထားဝယ်မြို့နယ်၊သစ်တောဦးစီးဌာနမှ ဦးစီးအရာရှိ
ဦးရဲဝင်းအောင်က ဒီရေတောထိန်းသိမ်းရေး၊ဒီရေတောများ၏ အကျိုးကျေးဇူးများ၊ နှင့် ဒေသခံပြည်သူအစုအဖွဲ့ ပိုင်သစ်တောလုပ်ငန်းဆိုင်ရာအကြောင်းအရာများဟောပြောဆောင်ရွက်ခဲ့ပါကြောင်း၊ ဆရာ/ဆရာမများက သိရှိလိုသည်များကို ပြန်လည်ဖြေကြားခဲ့ပြီးသစ်ပင်စိုက်ပျိုးခြင်းဆိုင်ရာ လက်ကမ်းစာစောင်များဖြန့်ဝေဆောင်ရွက်ခဲ့ပါကြောင်း သတင်းရရှိသည်။

၂၁-၇-၂၀၂၅ ရက်နေ့မှ ၂၇-၇-၂၀၂၅ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှဖမ်းဆီးရမိခြင်း

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၄၂.၆၃၃၅)တန်၊ သစ်မာ (၉.၅၇၅၆)တန်၊ အခြား (၄၂.၂၆၆၀)တန်၊ စုစုပေါင်း (၉၄.၄၇၅၁)တန်၊ ယာဉ်/ယန္တရား (၆)စီး၊ တရားခံ (၉)ဦး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၃-၇-၂၀၂၅ ရက်နေ့တွင် မန္တလေး တိုင်းဒေသကြီး၊ မန္တလေးခရိုင်၊ ပုသိမ်ကြီးမြို့နယ်၊ ဧရာဝတီမြစ်ကြောင်းအတွင်းနေရာ မှ တရားမဝင် ကျွန်းသစ်၊ လုံးပတ် (၃)ပေအောက်ကျွန်း (၁၂၈၀)လုံး (၆၀.၄၄၄၀)တန်၊ တရားခံ (၂)ဦး ဖမ်းဆီးရမိမှု ဖြစ်ပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန သစ်တောဦးစီးဌာန DNA Sequencer and accessories ဝယ်ယူရန် တင်ဒါခေါ်ယူခြင်း

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ သဘာဝ ဝန်းကျင်နှင့် သားငှက်တိရစ္ဆာန်ထိန်းသိမ်းရေးဌာန၊ FD-MLC IFPD စီမံကိန်းတွင် အသုံးပြုရန်အတွက် အောက်ဖော်ပြပါပစ္စည်းကို မြန်မာကျပ်ငွေဖြင့် ဝယ်ယူလိုပါသည်။

Pages

more