သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၊ သစ်တောဦးစီးဌာနမှူးရုံးမှကြီးမှူး၍(၃-၇-၂၀၂၆)ရက်နေ့ (၀၉:၀၀)နာရီအချိန် တောင်တွင်းကြီးမြို့နယ်၊ ညောင်ပင်လှကျေးရွာ၊ အခြေခံပညာမူလတန်း(မူလွန်)ကျောင်းတွင်"မိုးရာသီ သစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲ နှင့်ပတ်ဝန်းကျင်ထိန်းသိမ်းရေး"ဆိုင်ရာ အသိပညာပေးဟောပြောပွဲကျင်းပပြုလုပ်ခဲ့ရာတောင်တွင်းကြီးမြို့နယ်၊သစ်တောဦးစီးဌာနမှူးရုံးမှ ဦးထွန်းထွန်းဝင်း(တောအုပ်ကြီး)မှ သစ်တောသစ်ပင်များမှ ရရှိနိုင်သည့် အကျိုးကျေးဇူးများ၊ ဇီဝမျိုးစုံမျိုးကွဲနှင့် ပတ်ဝန်းကျင်ထိန်းသိမ်းရေးဆိုင်ရာသိကောင်းစရာများ၊ ၂၀၂၆ -ခုနှစ်(မိုးရာသီကာလ)တွင် သစ်တောစိုက်ခင်းများတည်ထောင်ခြင်း၊ ဘက်စုံသုံးတစ်ရွာ(၂)ဧကစိုက်ပျိုး​ခြင်း၊ လမ်း​ဘေးဝဲ/ယာအရိပ်ရပင် စိုက်ပျိုးခြင်းနှင့် စာသင်ကျောင်းပတ်ဝန်းကျင် စိမ်းလန်းစိုပြည်ရန်​ ကျောင်းသား၊ကျောင်းသူများမှ ပူးပေါင်းပါဝင် ဆောင်ရွက်သွားရန်​ဟောပြောဆွေးနွေးခဲ့ပါသည်။ တက်ရောက်လာသောကျောင်းသား၊ကျောင်းသူများ သိလိုသည်များကို မေးမြန်းခဲ့ရာတာဝန်ရှိသူမှ ရှင်းလင်းဖြေကြားခဲ့ပါသည်။ ဟောပြောပွဲသို့ တောင်တွင်းကြီးမြို့နယ်၊ သစ်တောဦးစီးဌာနမှူးရုံးမှဝန်ထမ်း (၃)ဦး၊ အခြေခံပညာမူလတန်း(မူလွန်)​ကျောင်းမှ ဆရာ(၁)ဦး၊ ဆရာမ(၅)ဦး၊ ကျောင်းသား(၅၄) ဦး၊ကျောင်းသူ (၅၀) ဦး၊ စုစုပေါင်း(၁၁၂)ဦးတက််ရောက်ခဲ့ပါကြောင်း သတင်းရရှိသည်။

(၂.၇.၂၀၂၆)ရက်နေ့၊ နေ့လည်(၁၃:၃၀)နာရီအချိန်၊ ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ကျောင်းကုန်းမြို့၊ အ.ထ.က(၂)၊ဂါဒီယန် စိန်ဝင်းခန်းမဆောင်တွင် ရေကြည်မြို့နယ် သစ်တောဦးစီးဌာနမှ တောအုပ်ကြီး ဦးပိုင်မင်းဝေမှ မိုးရာသီသစ်ပင်စိုက်ပျိုးရေး၊ သစ်တော၊ ဇီဝမျိုးစုံမျိုးကွဲနှင့်ပတ်ဝန်းကျင် ထိန်းသိမ်းရေးဆိုင်ရာအသိပညာပေးဟောပြောပွဲကို ကျင်းပဆောင်ရွက်ခဲ့ပါသည်။ အသိပညာပေးဟောပြောပွဲတွင်သစ်တောဝန်ထမ်း(၄)ဦး၊ ဆရာ၊ဆရာမ(၃)ဦး၊ ကျောင်းသား(၅၂)ဦး၊ ကျောင်းသူ(၈၀)ဦး၊ စုစုပေါင်း(၁၃၉)ဦးတက်ရောက်ခဲ့ပါသည်။(ကျား-၅၆ ဦး၊ မ- ၈၃ ဦး)အဆိုပါ အခမ်းအနားတွင် တောအုပ်ကြီး ဦးပိုင်မင်းဝေမှ မြန်မာနိုင်ငံ၏ ဇီဝမျိုးစုံမျိုးကွဲ ကြွယ်ဝမှုအခြေအနေ၊ သဘာဝထိန်းသိမ်းရေးနယ်မြေများဖွဲ့စည်းတည်ထောင်ထားမှုအခြေအနေ၊ သစ်တော ဖုံးလွှမ်းမှု အခြေအနေ၊ သစ်တောပြုန်းတီးမှုကို ဖြစ်ပေါ်စေသည့်အကြောင်း အရင်းများ၊ ရာသီဥတု ပြောင်းလဲမှု ဆိုင်ရာ အကြောင်းအရာများ၊ သစ်တောမြေပြင်ပ သစ်ပင်များ၏ အကျိုးကျေးဇူးများ၊ ပတ်ဝန်ကျင်ဆိုင်ရာ ပြဿနာများ နှင့် ဖြေရှင်းရမည့် နည်းလမ်းများ၊ ရေကြည်မြို့နယ်မှ ဆောင်ရွက်လျှက်ရှိသည့် ပြည်သူလူထု ပူးပေါင်းပါဝင်သည့် သစ်တောသစ်ပင်စိုက်ပျိုး ထိန်းသိမ်းရေးလုပ်ငန်းများ၊ သစ်မျိုးများအလိုက်အသုံးဝင်ပုံများစသည့် အကြောင်းအရာများကို အသိပညာပေးဟောပြောခဲ့ပြီး Climate Change Video Clip ပြသခဲ့ပါကြောင်း နှင့် ဆွေးနွေးမေးမြန်းချက်များကိုလည်း ပြန်လည် ဖြေကြားခြင်းများ ဆောင်ရွက်ခဲ့ပါကြောင်းသတင်းရရှိသည်။

တနင်္သာရီတိုင်းဒေသကြီး၊ သစ်တောဦးစီးဌာန၊ ကော့သောင်းခရိုင်၊ ဘုတ်ပြင်းမြို့နယ်မှ မိုးရာသီသစ်ပင်စိုက်ပျိုး၊ ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်းရေးဆိုင်ရာမြို့နယ်အဆင့်အသိပညာပေးဟောပြောပွဲ အခမ်းအနားကို(၂-၇-၂၀၂၆)ရက်နေ့၊ နံနက်(၁၁:၀၀)နာရီ၌ ဘုတ်ပြင်းမြို့နယ်၊ ကြိမ်မဲတောင်ရွာ၊ အထက်တန်းကျောင်းတွင် ကျင်းပဆောင်ရွက်ခဲ့ရာ ဘုတ်​ပြင်းမြို့ နယ်၊​ ကြိမ်မဲ​တောင်ရွာ၊ အထက်တန်းကျောင်း၊ ကျောင်းအုပ်ဆရာမကြီး ဒေါ်ဝါဝါဝင်းနှင့် ဆရာ(၂ )ဦး၊ ဆရာမများ (၈)ဦး၊​ေကျာင်းသား(၆၉)ဦး/ ကျောင်းသူ(၇၀)ဦး၊ စုစုပေါင်း(၁၃၉)ဦး၊သစ်တောဦးစီးဌာနမှ ဝန်ထမ်းများ(၆)ဦး၊ စုစုပေါင်း (၁၅၅)ဦး တက်ရောက်ခဲ့ကြပါသည်။ အခမ်းအနားတွင် ဘုတ်ပြင်းမြို့နယ်၊ သစ်တောဦးစီးဌာန၊ ဉီးစီးအရာရှိ၊ ဦး​စောလူးသယ်​ရွှေမှ မိုးရာသီသစ်ပင်စိုက်ပျိုးရေး၊ဇီဝမျိုးစုံမျိုးကွဲနှင့်ပတ်ဝန်းထိန်းသိမ်းရေးအသိပညာပေးဆိုင်ရာ အကြောင်းအရာများ၊ သစ်တောသစ်ပင်အသုံးဝင်ပုံများကို တက်ရောက်လာသူများသို့အသိပညာပေးဆွေးနွေးဟောပြောခြင်းဆောင်ရွက်ခဲ့ပါသည်။ အဆိုပါဟောပြောပွဲတွင်တက်ရောက်လာသူများအား မိုးရာသီသစ်ပင်စိုက်ပျိုး​ရေး၊ဇီဝမျိုးစုံမျိုးကွဲနှင့်ပတ်ဝန်းကျင်ထိန်းသိမ်း​ ရေးဆိုင်ရာ လက်ကမ်းစာစောင်များဖြန့်ဝေပေးခြင်း၊ သစ်တောထိန်းသိမ်းရေး၊သစ်ပင်စိုက်ပျိုးခြင်း​​ကြောင့် သဘာဝ​ဘေးဒဏ်များမှကာကွယ်ပေးခြင်းဆိုင်ရာများ၊ သိရှိလိုသည်များအပေါ် ပြန်လည်ရှင်းလင်းဖြေကြားခြင်း၊ ကျောင်းအတွက်စာအုပ်၊ စာရေးကရိယာများပေးအပ်လှူဒါန်းခြင်း၊ ကျောင်းဝင်းအတွင်း ပန်းပိတောက် ၊ခရေ၊ ပျဉ်းကတိုး၊ စက္ကူပန်းပင်များ သရုပ်ပြစိုက်ပျိုး​ပြ သခြင်းဆောင်ရွက်ခဲ့ပါကြောင်း သတင်းရရှိသည်။