သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မိုးယွန်းကြီးအင်း ရမ်ဆာရေဝပ်ဒေသပညာပေးပြခန်း မွမ်းမံပြီးစီးမှုဖွင့်လှစ်ခြင်းအခမ်းအနားနှင့် ၂၀၂၅ ခုနှစ်၊ ကမ္ဘာရေဝပ်ဒေသများနေ့ (World Wetland Day) အထိမ်းအမှတ် အခမ်းအနားကို (၂-၂-၂၀၂၅) ရက်၊ တနင်္ဂနွေနေ့ နံနက်ပိုင်း၌ ပဲခူးတိုင်းဒေသကြီး၊ မိုးယွန်းကြီးအင်းတောရိုင်းတိရစ္ဆာန်ဘေးမဲ့တောရှိ ကြိုးကြာခန်းမ၌ ကျင်းပပြုလုပ်ရာ ပဲခူးတိုင်း ဒေသကြီးအစိုးရအဖွဲ့၊ ဝန်ကြီးချုပ်၊ ဦးမျိုးဆွေဝင်း၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ဒုတိယဝန်ကြီး ဦးမင်းသူ၊ တိုင်းဒေသကြီးအစိုးရ အဖွဲ့ဝင် ဝန်ကြီးများ၊ သစ်တောဦးစီးဌာန၊ ညွှန်ကြားရေးမှူးချုပ်၊ ဌာနအကြီးအကဲများ၊ ပဲခူးတက္ကသိုလ်မှ ဆရာ/ ဆရာမများ၊ သက်ဆိုင်ရာဌာနများမှ အရာရှိကြီးများ၊ အစိုးရမဟုတ်သော အဖွဲ့အစည်းများမှ ကိုယ်စားလှယ်များ၊ သုတေသန စာတမ်းရှင်များနှင့် ကျေးရွာသူ၊ ကျေးရွာသား၊ ‌ဒေသခံများ၊ ရွှေပြည်အေးကုမ္ပဏီမှ ကိုယ်စားလှယ်များ တက်ရောက်ကြပါသည်။

ရှိမ္မကားတောရကြီးကျောင်း တောရိုင်းတိရစ္ဆာန်ဘေးမဲ့တော (၃၂၇) ဧကရှိသော ဒေသတွင် သဘာဝဝန်းကျင်ထိန်းသိမ်းရေး အပြည်ပြည်ဆိုင်ရာအဖွဲ့ (IUCN)၏ ကာကွယ်ထိန်းသိမ်းမှုအဆင့် သတ်မှတ်ချက်အရ မျိုးသုဉ်းရန်အန္တရာယ်ရှိသောမျိုးစိတ် (Endangered-EN) စာရင်းဝင် ရှားပါး၍ မြန်မာနိုင်ငံတွင်သာ ပေါက်ဖွားကျက်စားလျက်ရှိသော မျိုးစိတ် (Endemic Species - ED) ဖြစ်သည့် မြန်မာ့ရွှေသမင်များနှင့် တောကြောင်မျိုးစိတ်များ၊ ရှဉ့််၊ တွားသွားသတ္တဝါများနှင့် ခါ၊ ရွှေပြည်စိုး၊ ကြက်တူရွေးစသည့် ငှက်မျိုးစိတ်များ ကျက်စားရာဒေသ ဖြစ်သောကြောင့် ရှေရှည်တည်တံ့စေရန် အတွက်လည်းကောင်း၊ အပူပိုင်းတောခြောက် အမျိုးအစားတွင် ရှင်သန်ပေါက်ရောက်သည့် သန်း၊ ဒဟတ်၊ တမာ၊ ရှား၊ ကုက္ကိုလ်စသည့် သစ်မျိုးများနှင့် အခြားအပင်မျိုးစိတ်များ ပေါက်ရောက်ခြင်း ကြောင့် အပူပိုင်းဒေသ ဂေဟစနစ်များကို ထိန်းသိမ်းကာကွယ် စောင့်ရှောက်နိုင်စေရန်အတွက် လည်းကောင်း ရည်ရွယ်၍ “ရှိမ္မကားတောရကြီးကျောင်း တောရိုင်းတိရစ္ဆာန်ဘေးမဲ့တော” အဖြစ် သတ်မှတ်ဖွဲ့စည်းခြင်းဖြစ်ပါသည်။

ရှမ်းပြည်နယ်(အရှေ့ပိုင်း)တာချီလိတ်မြို့နယ်၊ ကျိုင်းလပ်မြို့၌ နယ်စပ်ဖြတ်ကျော်မီးခိုးမြူငွေ့ညစ်ညမ်းမှု လျော့ချရေးဆိုင်ရာ တွေ့ဆုံဆွေးနွေးပွဲကို ဇန်နဝါရီ ၂၀ ရက် နံနက် ၉ နာရီက နမ့်ခင်းကျေးရွာအုပ်စု၊ ဝမ်တုံကျေးရွာ ဘုန်းတော်ကြီးကျောင်းဝင်းတွင် ကျင်းပပြုလုပ်ခဲ့ရာ ခရိုင်စီမံအုပ်ချုပ်ရေးအဖွဲ့ ဥက္ကဌနှင့် ဆက်စပ်ဌာနဆိုင်ရာတို့မှ တာဝန်ရှိသူများ၊ တာလေမြို့ပေါ်(၃)ရပ်ကွက်၊ကျေးရွာအုပ်စု(၃)စုနှင့် ကျိုင်းလပ်မြို့ပေါ်(၃)ရပ်ကွက်၊ကျေးရွာအုပ်စု(၃)စုမှဒေသခံပြည်သူ(၅၀၀)ဦးတို့ တက်ရောက်ဆွေးနွေးခဲ့ကြကြောင်းသတင်းရရှိပါသည်။

ခရိုင်စီမံအုပ်ချုပ်ရေးအဖွဲ့ဥက္ကဌ၊ ဦးမင်းကိုက မြန်မာနိုင်ငံအတွင်း မီးလောင်မှု(Fire Hotspot) ဖြစ်ပေါ်မှုများ၊ နယ်စပ်ဖြတ်ကျော် မီးခိုးမြူငွေ့ညစ်ညမ်းမှုထိန်းချုပ်ရေးအတွက် သက်ဆိုင်ရာဌာနများက ကဏ္ဍအလိုက်ပူးပေါင်းဆောင်ရွက်နေမှုများ၊ မြူမှုန်ကင်းစင်သော ကောင်းကင်ဖြစ်ပေါ်စေရေး မြန်မာ၊ လာအို၊ ထိုင်း သုံးနိုင်ငံ ပူးတွဲလုပ်ငန်းစီမံချက် Clear Sky Strategy (2024-2030) ၏ လုပ်ငန်းစဉ်များ၊ မီးခိုးမြူငွေ့များကြောင့် လေထုညစ်ညမ်းပြီး ကျန်းမာရေးထိခိုက်ခြင်းနှင့် အရွယ်မတိုင်ခင် သေဆုံးခြင်းဖြစ်ပေါ်မှုများနှင့် Fire Hotspot လျော့ချရေး ဒေသန္တရအမိန့်ဖောက်ဖျက် ကျူးလွန်သူများအား ထိရောက်စွာအရေးယူနိုင်ရေးဆောင်ရွက်နေမှုများကို ရှင်းလင်းပြောကြားခဲ့ပါသည်။

ဆက်လက်၍ မြို့နယ်စီမံအုပ်ချုပ်ရေးအဖွဲ့ဥက္ကဌ၊ ဦးကျော်စွာမျိုးက မီးခိုးမြူငွေ့ညစ်ညမ်းမှု ထိန်းချုပ်ရေးလုပ်ငန်းစဉ်များတွင် ပြည်သူလူထုပူးပေါင်းပါဝင်ဆောင်ရွက်ရေးတို့ကိုလည်းကောင်း၊ ခရိုင်သစ်တောလက်ထောက်ညွှန်ကြားရေးမှူး ဦးအောင်ထွန်း-၃ က တောမီးလောင်ကျွမ်းမှုအန္တရာယ်ကြိုတင်ကာကွယ်ရေးနှင့် သစ်တောသစ်ပင်ထိန်းသိမ်းရေးကိုလည်းကောင်း၊ ခရိုင်ပတ်ဝန်းကျင်ထိန်းသိမ်းရေးဦးစီးဌာနမှ ဦးစီးအရာရှိ၊ ဒေါ်အေးဝင်းသူက လေထုညစ်ညမ်းမှုနှင့် မီးခိုးမြူငွေ့အန္တရာယ် ဝိုင်းဝန်းကာကွယ်ရေးကိုလည်းကောင်း၊ ခရိုင်စိုက်ပျိုးရေးဦးစီးမှူး၊ ဦးမိုးကျော်စွာဝင်းက လယ်ယာထွက်စွန့်ပစ်ပစ္စည်းများမီးမရှို့ဘဲ စိုက်ပျိုးရေးနှင့် မွေးမြူးရေးလုပ်ငန်းများ တွင် စနစ်တကျပြန်လည်အသုံးပြုရေးကိုလည်းကောင်း ၊ခရိုင်မီးသတ်ဦးစီးဌာနမှူး၊ ဦးလှမင်းက မီးဘေးကြိုတင်ကာကွယ်ရေးကိုလည်းကောင်း အသီးသီးဆွေးနွေးပြောကြားကာ တက်ရောက်သူများ၏ဆွေးနွေးချက်များအပေါ် သက်ဆိုင်ရာဌာနများက ပြန်လည်ဖြေကြားပေးပြီးနောက် မမြင်နိုင်သောလူသတ်သမားPM 2.5 အသိပညာပေး ဗီဒီယိုကို ပြသ၍ အခမ်းအနားကို ရုတ်သိမ်းခဲ့ကြောင်း တင်ပြအပ်ပါသည်။