သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မုံရွာ-ယင်းမာပင်ခရိုင် သစ်တောဦးစီးဌာနမှ (၁၂-၁၁-၂၀၂၅)ရက်နေ့ (၀၉:၃၀)နာရီတွင်၊ မုံရွာမြို့ အ.ထ.က (၂) အလုံကျောင်း၌ "သစ်တောပြုစုထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေး" အသိပညာပေးဟောပြောပွဲ ကျင်းပရာ မုံရွာ-ယင်းမာပင်ခရိုင် သစ်တောဦးစီးဌာန လက်ထောက်ညွှန်ကြားရေးမှူး ဦးဝင်းနိုင်-၅ က " သစ်တောပြုစုထိန်းသိမ်းရေး"ခေါင်းစဉ်ဖြင့် လည်းကောင်း၊ မုံရွာ-ယင်းမာပင်ခရိုင် သစ်တောဦးစီးဌာနမှ တောအုပ်ကြီး ဦးခင်မောင်စိုးက "တောမီးကာကွယ်ရေးနှင့် မီးခိုးမြူငွေ့လျှော့ချရေး" ခေါင်းစဉ်ဖြင့်လည်းကောင်း power point များဖြင့် ရှင်းလင်းဆွေးနွေးဟောပြော ခဲ့ပါသည်။ တက်ရောက်လာသော ကျောင်းသား/သူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြားဆောင်ရွက်ခဲ့ပြီး၊ မေးခွန်းမေးမြန်းသည့် ကျောင်းသား/သူ များအား ဗလာစာအုပ်၊ ဘောပင် တို့အား ဂုဏ်ပြုပေးအပ်ခြင်း၊ တက်ရောက်လာသည့် ကျောင်းသား/သူများအား ဗလာစာအုပ်၊ ဘောပင် တို့အား အမှတ်တရ ပေးအပ်ခဲ့ပါကြောင်းနှင့် သစ်တောဦးစီးဌာန၊ ဦးစီးရုံးချုပ်မှ လစဉ်ထုတ်ဝေသော သစ်တောကြေးမုံ စာအုပ်များအား အ.ထ.က(၂) အလုံကျောင်းစာကြည့်တိုက်သို့ ပေးအပ်လှုဒါန်းခဲ့ပါကြောင်း၊ ဟောပြောပွဲသို့ အ.ထ.က(၂) အလုံ ဆရာ/ဆရာမများ၊ ကျောင်းသူကျောင်းသားများ စုစုပေါင်း(၂၂၂)ဦး (ကျား - ၁၀၄ ဦး၊ မ - ၁၁၈ ဦး) တက်ရောက်ခဲ့ကြပါကြောင်းသတင်းရရှိသည်။

(၁.၁၁.၂၀၂၅) ရက်နေ့၊ နံနက် (၁၀:၀၀)နာရီအချိန်၌ ချင်းပြည်နယ်၊ တီးတိန်မြို့နယ်၊ ခိုင်ကမ်းမြို့ အမှတ် ၁ ရပ်ကွက် ဘုန်းကြီးကျောင်း ဓမ္မာရုံတွင် သစ်တောဦးစီးဌာနမှ သစ်တောထိန်းသိမ်းရေး၊ ရေသယံဇာတထိန်းသိမ်းရေး၊ တောမီးကာကွယ်ရေး နှင့် မီးခိုးမြူငွေ့လျှော့ချရေး ဆိုင်ရာအသိပညာပေးဟောပြောပွဲ"အား ခရိုင်အဆင့် ကျင်းပပြုလုပ်ခဲ့ပါသည်၊၊ အဆိုပါ ဟော ပြောပွဲတွင် သစ်တောဝန်ထမ်း ၈ ဦး၊ ပြည်သူ ၃၇ ဦး စုစုပေါင်း ၄၅ ဦးတို့တက်ရောက်ခဲ့ပြီး ဦးစီးအရာရှိ ဦးဇော်မင်းထွန်း မှ မီးခိုး/မြူငွေ့ဖြစ်ပေါ်လာသည့် အကြောင်းအရင်းများ၊ မီးခိုးမြူငွေ့အမျိုးအစားများ၊မီးခိုးမြူငွေ့၏ ဆိုးကျိုးများ၊ ကာကွယ်နိုင်သည့်နည်းလမ်းများ၊တောမီးအန္တရာယ် ကြိုတင်ကာကွယ်ရေးနည်းလမ်းများနှင့် သစ်တောများကာကွယ်ထိန်းသိမ်း‌ရေး၊ ရေသယံဇာတထိန်းသိမ်းရေး၊ ရာသီဥတုပြောင်းလဲမှုနှင့် သဘာဝဘေး အန္တရာယ်များ လျှော့ချနိုင်ရေး ကြိုတင်ကာကွယ်ခြင်း၊ သစ်ပင်စိုက်ပျိုး၊ ပြုစုထိန်းသိမ်းခြင်း နည်းစနစ်များအား ဟောပြောခဲ့ပြီး ဟောပြောပွဲတက်ရောက်လာသူများအား လက်ကမ်းစာစောင်များဖြန့်ဝေခြင်း ဆောင်ရွက်ခဲ့ပါကြောင်းသတင်းရရှိသည်။

ရှမ်းပြည်နယ်(တောင်ပိုင်း)၊ လွိုင်လင်ခရိုင်၊ သစ်တောဦးစီးဌာနမှကြီးမှူး၍ (၁၂-၁၁-၂၀၂၅)ရက်နေ့၊ နံနက်(၀၉:၀၀)နာရီအချိန် အ.ထ.က(၃)၊ လွိုင်လင်မြို့၊ ကျောင်းခန်းမတွင်"သစ်တောထိန်းသိမ်းရေး၊ တောမီးကာကွယ် ရေးနှင့်မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ" ကျင်းပပြုလုပ်ရာ လွိုင်လင်ခရိုင်၊ စီမံခန့်ခွဲရေး နှင့်အုပ်ချုပ်ရေးကော်မတီ၊ ဥက္ကဌ ဦးကြည်မြင့်က အဖွင့်အမှာစကားပြောကြားခဲ့ပါသည်။ ဆက်လက်၍ ဦးဇော်ဝင်း (လက်ထောက်ညွှန်ကြားရေးမှူး)၊ ခရိုင်မီးသတ်ဦးစီးဌာနက တောမီးထိန်းချုပ်ရေးဆိုင်ရာနည်းလမ်းများကို လည်း ကောင်း၊ ဦးတင်မျိုးအောင်(လက်ထောက်ညွှန်ကြားရေးမှူး)၊ ခရိုင်သစ်တောဦးစီးဌာနက သစ်တောပြုစုထိန်းသိမ်း ခြင်းလုပ်ငန်းများကိုလည်းကောင်း၊ ဦးစည်သူနိုင်(ဦးစီးအရာရှိ)၊ ခရိုင်ပတ်ဝန်းကျင် ထိန်းသိမ်းရေးဦးစီးဌာနက မီးခိုမြူငွေ့လျော့ချရေးအစီအစဉ်များကိုလည်းကောင်း အသီးသီးအသိပညာပေးဟောပြောခဲ့ပြီးနောက် ကျောင်းသား/ ကျောင်းသူများနှင့် မေးမြန်းဆွေးနွေးခြင်းဆောင်ရွက်ခဲ့ပါသည်။ တက်ရောက်လာသည့် ကျောင်းသား/ကျောင်းသူ များမှ မေးမြန်းဆွေးနွေးခဲ့သူများကို ခရိုင်အဆင့်ဌာနဆိုင်ရာတာဝန်ရှိသူများက ကျောင်းအသုံးအဆောင်ပစ္စည်း များ အမှတ်တရလက်ဆောင်ပေးအပ်ခဲ့ပါသည်။ ထို့နောက်မီးသတ်ဦးစီးဌာနမှ မီးငြိမ်းသတ်ရေးလုပ်ငန်းစဉ်များ အား ကျောင်းသား/ကျောင်းသူများနှင့်ပူးပေါင်း၍ လက်တွေ့သရုပ်ပြခြင်းဆောင်ရွက်ခဲ့ပါသည်။ အသိပညာပေးဟောပြောပွဲအခမ်းအနားသို့ ခရိုင်/မြို့နယ်အဆင့်ဌာနဆိုင်ရာ အကြီးအကဲများ၊ မြန်မာနိုင်ငံမီးသတ် တပ်ဖွဲ့ဝင်များ၊ ဆရာ/ဆရာမများနှင့် ကျောင်းသား/သူများ၊ ခရိုင်သစ်တောဦစီးဌာနမှဝန်ထမ်းများ စုစုပေါင်း (၁၇၆)ဦးတက်ရောက်ခဲ့ပါကြောင်းသတင်းရရှိသည်။