၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ရန်ကုန်တိုင်းဒေသကြီး၊ သစ်တောဦးစီးဌာန သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြုငွေ့ လျှော့ချရေးဆိုင်ရာအသိပညာပေးဟောပြောပွဲ(တိုင်းဒေသကြီးအဆင့်)ကိုဒဂုံမြို့သစ်(အရှေ့ပိုင်း)မြို့နယ်၊ဒဂုံတက္ကသိုလ်ဘွဲ့နှင်းသဘင်ခန်းမ၌ကျင်းပ

ရန်ကုန်တိုင်းဒေသကြီး၊ သစ်တော ဦးစီးဌာန သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြုငွေ့ လျှော့ချရေးဆိုင်ရာ အသိပညာပေးဟောပြောပွဲ (တိုင်းဒေသကြီးအဆင့်) ကို (၇.၁၁.၂၀၂၅) ရက်နေ့ (၁၀၀၀)နာရီတွင် ဒဂုံမြို့သစ်(အရှေ့ပိုင်း) မြို့နယ် ၊ ဒဂုံတက္ကသိုလ် ဘွဲ့နှင်း သဘင်ခန်းမ၌ ကျင်းပပြုလုပ်ခဲ့ပါသည်။ အခမ်းအနားတွင် ဒဂုံတက္ကသိုလ်၊ ပါမောက္ခချုပ် ဒေါက်တာ ဝင်းဝင်းသန်း က အဖွင့်အမှာ စကားပြောကြားပြီး ရန်ကုန်တိုင်းဒေသကြီး၊ သစ်တောဦးစီးဌာန၊ ဒုတိယညွှန်ကြားရေးမှူး ဦးလင်းထင် က သစ်တော သစ်ပင်များက သက်ရှိလောက တည်မြဲရေး အတွက် ပံ့ပိုးထောက်ပံ့ပေးနေမှုများ၊ တောမီးလောင်မှု ဖြစ်ပွားရခြင်း အကြောင်းအရင်းနှင့် သက်ရောက်မှုများ၊ နယ်စပ်ဖြတ် ကျော် မီးခိုးမြူငွေ့လျှော့ချရေး ဆောင်ရွက်နေမှုများကို ဆွေးနွေးဟောပြောပြီး တက်ရောက်လာသူများ မှ သိရှိလိုသည်များ မေးမြန်း မှုကို ပြန်လည်ဖြေကြားပါသည်။အဆိုပါ အသိပညာပေးဟောပြောပွဲသို့ ဒဂုံတက္ကသိုလ် ပါမောက္ခချုပ် ၊ ဒုတိယပါမောက္ခချုပ်၊ ပါမောက္ခများ၊ ဆရာ/ဆရာမ များ၊ တက္ကသိုလ် ကျောင်းသား/ကျောင်းသူများ၊ စုစုပေါင်းအင်အား (၂၀၉)ဦး (ကျား = ၃၁ဦး၊ မ = ၁၇၈ဦး) တို့ တက်ရောက်ခဲ့ပါကြောင်း သတင်းရရှိသည်။

ကချင်ပြည်နယ်၊ သစ်တောဦးစီးဌာနမှ မြစ်ကြီးနားမြို့ ၊အ.ထ.က(၃) အ​ခြေခံပညာအထက်​တန်း​ကျောင်းတွင်သစ်​တောထိန်းသိမ်း​ရေး ၊ ​ ​တောမီးကာကွယ်​ရေးနှင့် မီးခိုးမြူ​ငွေ့​​လျှာ့ချ​ရေးဆိုင်ရာ အသိပညာ​ပေး​​ဟော​ပြောပွဲကျင်းပ

အ​ခြေခံပညာအထက်​တန်း​ကျောင်းတွင် ကချင်ပြည်နယ် သစ်တောဦးစီးဌာနမှ ​သစ်​တောပြုစုထိန်းသိမ်းခြင်း​အကြာင်း၊ ​တောမီးအန္တရာယ် အသိပညာရရှိ​စေ​​ရေး ၊ သစ်​တောသစ်ပင်နှင့် သဘာဝပတ်ဝန်းကျင်ကို ထိန်းသိမ်းလိုသည့်စိတ် ရှင်သန်​စေ​ရေး ရည်ရွယ်၍ " သစ်​တောထိန်းသိမ်း​ရေး ၊ ​​တောမီးကာကွယ်​ရေးနှင့် မီးခိုးမြူ​ငွေ့​​လျှာ့ချ​ရေးဆိုင်ရာ အသိပညာ​ပေး​​ဟော​ပြောပွဲ " (ပြည်နယ်အဆင့်)ပြုလုပ်ခဲ့ရာ ​​ကျောင်းအုပ်ဆရာမကြီးနှင့် ဆရာ/ဆရာမ ( ၅) ဦး၊ ​ကျောင်းသား​(၁၂၅)ဦး၊ ကျောင်းသူ ​( ၁၃၅)ဦး ၊သစ်​တောဝန်ထမ်း(၁၂) ဦး စုစုပေါင်း ( ၂၇၇ )ဦး တက်​ရောက်ခဲ့ပါသည်။​ဟော​ပြောပွဲတွင် ကချင်ပြည်နယ်် ညွှန်ကြားရေးမှူးရုံးလက်​​ထောက်ညွှန်ကြား​ရေးမှူး ဦး​ဟောင်းလွမ်းက တောမီးကာကွယ်​ရေးနှင့် မီးခိုးမြူ​ငွေ့ ​လျှော့ချ​ရေးအ​ကြောင်းကို လည်း​ကောင်း ၊ ​မြစ်ကြီးနားမြို့နယ် ဦးစီးအရာရှိ ဦးစိုးထိုက်မှ သစ်​တောပြုစုထိန်းသိမ်း​ရေးအ​ကြောင်းကိုလည်း​ကောင်း အသီးသီး အသိပညာ​ပေးဟော​ပြောခဲ့ပြီး တက်​ရောက်လာသူများမှ ​မေးမြန်းမှုများအ​ပေါ် ပြန်လည်​​​ဖြေကြား​ခြင်း ၊ အချိုရည်ဘူးများ ဝေငှ​ပေးခြင်းများဆောင်ရွက်ခဲ့ပါ​​ကြောင်းသတင်းရရှိသည်။

မွန်ပြည်နယ်၊ သစ်တောဦးစီးဌာနမှသစ်တောထိန်းသိမ်းရေး၊ တောမီးကာကွယ်ရေး နှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲအား အ.ထ.က(၉)၊မော်လမြိုင်မြို့တွင်ကျင်းပ

မွန်ပြည်နယ်၊ သစ်တောဦးစီးဌာနမှ(၇.၁၁.၂၀၂၅)ရက်၊ သောကြာနေ့ နံနက်(၁၀:၀၀)နာရီအချိန်တွင် သစ်တောထိန်းသိမ်းရေး၊တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲအား အ.ထ.က(၉)၊ မော်လမြိုင်မြို့တွင် ကျင်းပခဲ့ပါသည်။ ဟောပြောပွဲအခမ်းအနားတွင် မွန်ပြည်နယ်၊ သစ်တောဦးစီဌာန၊ လက်ထောက်ညွှန်ကြားရေးမှူး ဦးဝင်းထွန်း-၂ မှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးအကြောင်းအရာများအားဟောပြောပို့ချခဲ့ပြီး ကျောင်းသား/ကျောင်းသူများမှ သိရှိလိုသည်များကို မေးမြန်းဆွေးနွေးခြင်း၊ အသိပညာပေးလက်ကမ်းစာစောင်များဖြန့်ဝေပေးခြင်း၊ သဘာဝပတ်ဝန်းကျင်ထိန်းသိမ်းရေးနှင် လူမှုစီးပွါးဖွံ့ဖြိုးတိုးတက်ရေးနှင့်ပတ်သက်သည့် Video Clip အား ပြသခြင်းများဆောင်ရွက်ခဲ့ပါသည်။ ဟောပြောပွဲသို့ အ.ထ.က(၉)၊ မော်လမြိုင်မှဆရာ/ဆရာမ၊ ကျောင်းသား/ကျောင်းသူ ကျား(၁၂၉)ဦး၊ မ(၁၄၁)ဦး၊ စုစုပေါင်း(၂၇၀)ဦးတက်ရောက်ကြပြီး ဟောပြောပွဲအပြီးတွင် ကျောင်းသုံး ပစ္စည်းများ လှူဒါန်းခြင်းအား ဆောင်ရွက်ခဲ့ပါကြောင်း သတင်းရရှိသည်။

လွိုင်ကော်မြို့တွင် ကယားပြည်နယ်၊ သစ်တောဦးစီးဌာန၊ အမှတ်(၇)အခြေခံ ပညာအထက်တန်းကျောင်းတွင် “သစ်တောထိန်းသိမ်းရေး၊ တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ” (ခရိုင်အဆင့်)ကျင်းပ

သဘာဝတောများ၊ တည်ထောင်ပြီးစိုက်ခင်းများ၌ တောမီးလောင်ကျွမ်းမှုလျှော့ချနိုင်ရေး နှင့် မီးခိုးမြူငွေ့များဖြစ်ပွားမှုလျှော့ချနိုင်စေရေး အစရှိသည့် ရည်ရွယ်ချက်ဖြင့် “သစ်တောထိန်းသိမ်းရေး၊ တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ” (ခရိုင်အဆင့်)ကို အမှတ်(၇)အခြေခံ ပညာအထက်တန်းကျောင်း၊ လွိုင်ကော်မြို့တွင် ကယားပြည်နယ်၊ သစ်တောဦးစီးဌာန၊ သစ်တောဝန်ထမ်းများမှ (၇.၁၁.၂၀၂၅)ရက်နေ့၊နံနက်(၉)နာရီအချိန်၌ တက်ရောက်သူ ဆရာ၊ဆရာမ၊ ကျောင်းသား/သူအင်အား(၁၇၀)ဦးအား သက်ဆိုင်ရာ ခေါင်းစဉ်များဖြင့် ဟောပြောဆွေးနွေးဆောင်ရွက်ခြင်း၊ လက်ကမ်းစာစောင်များဖြန့်ဝေပေးခြင်း၊ ကျောင်းစာကြည့်တိုက်အသုံးပြုရန် လစဉ်ထုတ် သစ်တောကြေးမုံများ လှူဒါန်းပေးအပ်ခြင်းများ ဆောင်ရွက်ခဲ့ပါကြောင်း သတင်းရရှိသည်။

စစ်ကိုင်းတိုင်းဒေသကြီး၊ သစ်တောဦးစီးဌာနမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးအသိပညာပေးဟောပြောပွဲကျင်းပ

စစ်ကိုင်းတိုင်းဒေသကြီး၊ သစ်တောဦးစီးဌာနမှ (၆-၁၁-၂၀၂၅)ရက်နေ့ (၁၀း၀၀)နာရီတွင်၊ မုံရွာမြို့ အ.ထ.က(၁)အလုံကျောင်းခန်းမ၌ "သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေး" အသိပညာပေးဟောပြောပွဲ ကျင်းပရာ စစ်ကိုင်းတိုင်းဒေသကြီး သစ်တောဦးစီးဌာန လက်ထောက်ညွှန်ကြားရေးမှူး ဦးအောင်ကိုမင်းက "တောမီးကာကွယ်ရေးနှင့် မီးခိုးမြူငွေ့လျှော့ချရေး" ခေါင်းစဉ်ဖြင့်လည်းကောင်း၊ စစ်ကိုင်းတိုင်းဒေသကြီး သစ်တောဦးစီးဌာနမှ ဦးစီးအရာရှိ ဦးအောင်ကိုကို-၃ က " သစ်တောထိန်းသိမ်းရေး" ခေါင်းစဉ်ဖြင့်လည်းကောင်း power point များဖြင့် ရှင်းလင်းဆွေးနွေးဟောပြောခဲ့ပါသည်။ တက်ရောက်လာသော ကျောင်းသား/သူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြားဆောင်ရွက်ခဲ့ပြီး၊ မေးခွန်းမေးမြန်းသည့် ကျောင်းသား/သူများအား ဗလာစာအုပ်၊ဘောပင် တို့အား ဂုဏ်ပြုပေးအပ်ခြင်း၊ တက်ရောက်လာသည့် ကျောင်းသား/သူများအား ဗလာစာအုပ်၊ ဘောပင်တို့အား အမှတ်တရပေးအပ်ခဲဲ့ပါကြောင်းနှင့် သစ်တောဦးစီးဌာန၊ဦးစီးရုံးချုပ်မှ လစဥ်ထုတ်ဝေသော သစ်တောကြေးမုံ စာအုပ်များအား အ.ထ.က( ၁) အလုံကျောင်းစာကြည့်တိုက်သို့ ပေးအပ်လှုဒါန်းခဲ့ပါကြောင်း၊ ဟောပြောပွဲသို့ အ.ထ.က( ၁)အလုံ ဆရာ/ဆရာမများ၊ ကျောင်းသူကျောင်းသားများ စုစုပေါင်း(၁၆၅)ဦး (ကျား-၈၀ ဦး၊ မ-၈၅ ဦး)တက်ရောက်ခဲ့ကြပါကြောင်း သတင်းရရှိသည်။

လွိုင်ကော်မြို့တွင် ကယားပြည်နယ်၊ သစ်တောဦးစီးဌာနမှ အမှတ်(၁)အခြေခံပညာအထက်တန်းကျောင်းတွင်“သစ်တောထိန်းသိမ်းရေး၊ တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ” (ပြည်နယ်အဆင့်)အားကျင်းပ

သဘာဝတောများ၊ တည်ထောင်ပြီးစိုက်ခင်းများ၌ တောမီးလောင်ကျွမ်းမှုလျှော့ချနိုင်ရေး နှင့် မီးခိုးမြူငွေ့များဖြစ်ပွားမှုလျှော့ချနိုင်စေရေး အစရှိသည့် ရည်ရွယ်ချက်ဖြင့် “သစ်တောထိန်းသိမ်းရေး၊ တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲ” (ပြည်နယ်အဆင့်)အား အမှတ်(၁)အခြေခံ ပညာအထက်တန်းကျောင်း၊ လွိုင်ကော်မြို့တွင် ကယားပြည်နယ်၊ သစ်တောဦးစီးဌာန၊ သစ်တောဝန်ထမ်းများမှ (၆.၁၁.၂၀၂၅)ရက်နေ့၊နံနက်(၁၀)နာရီအချိန်၌ တက်ရောက်သူ ဆရာ၊ဆရာမ၊ ကျောင်းသား/သူအင်အား(၂၀၀)ဦးအား သက်ဆိုင်ရာ ခေါင်းစဉ်များဖြင့် ဟောပြောဆွေးနွေးဆောင်ရွက်ခြင်း၊ လက်ကမ်းစာစောင်များဖြန့်ဝေပေးခြင်း၊ ကျောင်းစာကြည့်တိုက်အသုံးပြုရန် လစဉ်ထုတ် သစ်တောကြေးမုံများ လှူဒါန်းပေးအပ်ခြင်းများ ဆောင်ရွက်ခဲ့ပါကြောင်း သတင်းရရှိသည်။

ပဲခူးတိုင်းဒေသကြီး၊ သစ်တောဦးစီးဌာနမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ အသိပညာပေးဟောပြောပွဲကျင်းပခြင်း

ပဲခူးတိုင်းဒေသကြီး၊ သစ်တောဦးစီးဌာနမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ တိုင်းဒေသကြီးအဆင့် အသိပညာပေးဟောပြောပွဲ အခမ်းအနားကို (၆-၁၁-၂၀၂၅)ရက်နေ့၊ နံနက် (၀၉:၃၀)နာရီ၌ အမှတ်(၁)၊ အခြေခံပညာအထက်တန်းကျောင်း၊ ပဲခူးမြို့တွင် ကျင်းပဆောင်ရွက်ခဲ့ရာ အ.ထ.က(၁)၊ ပဲခူးမြို့မှ ကျောင်းအုပ်ဆရာမကြီးနှင့် ဆရာ/ဆရာမများ (၁၀)ဦး၊ ကျောင်းသား/ကျောင်းသူများ (၃၀၀)ဦးနှင့် သစ်တောဦးစီးဌာနမှ ဝန်ထမ်းများ (၂၀)ဦး၊ စုစုပေါင်း (၃၃၀)ဦးတက်ရောက်ခဲ့ကြပါသည်။အခမ်းအနားတွင် အ.ထ.က(၁)၊ ပဲခူးမြို့၊ ကျောင်းအုပ်ဆရာမကြီး၊ ဒေါ်လဲ့လဲ့မော်မှ အဖွင့်အမှာစကားပြောကြားခဲ့ပြီး ပဲခူးတိုင်းဒေသကြီး၊ သစ်တောဦးစီးဌာန၊ ညွှန်ကြားရေးမှူး၊ ဦးချစ်ဦး-၂မှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခဲ့ပါသည်။ထို့နောက် တက်ရောက်လာသူများမှ သိရှိလိုသည်များအပေါ် ပြန်လည်ရှင်းလင်းဖြေကြားခြင်း၊ သဘာဝပတ်ဝန်းကျင်ထိန်းသိမ်းရေးဆိုင်ရာ Video Clip ပြသခြင်း၊ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာ လက်ကမ်းစာစောင်များ ဖြန့်ဝေပေးခြင်း၊ တက်ရောက်လာသူ ကျောင်းသား/ကျောင်းသူများအတွက် ဗလာစာအုပ်နှင့် ဘောပင်များ အမှတ်တရလက်ဆောင်ပေးအပ်ခဲ့ပါကြောင်း သတင်းရရှိသည်။

၂၇-၁၀-၂၀၂၅ ရက်နေ့မှ ၂-၁၁-၂၀၂၅ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှဖမ်းဆီးရမိခြင်း

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၁၆.၇၈၆၅)တန်၊ သစ်မာ (၉.၄၃၆၂)တန်၊ အခြား (၅၆.၀၄၀၇)တန်၊ စုစုပေါင်း (၈၂.၂၆၃၄)တန်၊ ယာဉ်/ယန္တရား (၉)စီး၊ တရားခံ (၁၆)ဦး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၃၀-၁၀-၂၀၂၅ ရက်နေ့တွင် ပဲခူး တိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ မြို့မဘိနယ်၊ ပြည်-ရန်ကုန်ကားလမ်း၊ မိုင်တိုင်အမှတ် (၁၇၄/၇)အနီးရှိ ဆင်မကြပ်စစ်ဆေးရေးဂိတ်မှ တရားမဝင် ကျွန်း/ ပျဉ်းကတိုး/သစ်စေး/အင်/ကညင်/ထောက်ကြံ့ ခွဲသား (၃၄၂၆)ချောင်း (၂၇.၂၀၃၆) တန်၊ (၁၂)ဘီးယာဉ် (၃)စီး၊ တရားခံ (၆)ဦး ဖမ်းဆီးရမိမှုဖြစ်ပါသည်။

Pages

more