သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၂၉-၅-၂၀၂၆)ရက်၊သောကြာနေ့၊(၁၃:၃၀)နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ဝန်ထမ်းများဆန္ဒဖော်ထုတ်ခြင်း(ဒါဘာ)ပွဲပြုလုပ်ဆောင်ရွက်ရာ ညွှန်ကြားရေးမှူးချုပ် ဦးကျော်ဇေယျနှင့် ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့်အရာထမ်း၊ အမှုထမ်းများ တက်ရောက်ခဲ့ပါသည်။အခမ်းအနားတွင် ၂၀၂၆ ခုနှစ်၊ မေလအတွင်းပေးပို့တင်ပြခဲ့သည့် ဝန်ထမ်းများ၏ ဆန္ဒပြုလွှာများနှင့်ဌာနအလိုက်ဆွေးနွေးတင်ပြမှုများအပေါ်ညွှန်ကြားရေးမှူးချုပ်နှင့် တာဝန်ရှိသူများမှ ဖြေရှင်းဆောင်ရွက်ပေးခဲ့ကြောင်းသိရှိရပါသည်။

ရန်ကုန်တိုင်းဒေသကြီး၊ လှည်းကူးမြို့နယ်၊ မင်းကုန်းကျေးရွာအုပ်စု၊ မင်းကုန်းကျေးရွာ၊ ရွာဦးဓမ္မာရုံတွင် (၂၈.၅.၂၀၂၆)ရက်နေ့၊ (၀၉:၀၀)နာရီအချိန်၌ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့ လျှော့ချရေးဆိုင်ရာ အသိပညာပေးဟောပြောပွဲကျင်းပခဲ့ရာ လှည်းကူးမြို့နယ်၊ သစ်တောဦးစီးဌာနမှ တောအုပ်ကြီး ဦးတင်ကိုလင်းပါ(၄)ဦး၊ ဒေသခံပြည်သူ စံပြကျေးရွာသူ/ကျေးရွာသားကျား(၄၀)ဦး၊ မ(၁၃)ဦး စုစုပေါင်း(၅၇)ဦး တက်ရောက်ခဲ့ပါသည်။ ဆွေးနွေးပွဲတွင် လှည်းကူးမြို့နယ်၊ သစ်တောဦးစီးဌာန၊ တောအုပ်ကြီး ဦးတင်ကိုလင်းမှ သစ်တောသစ်ပင်များ စိုက်ပျိုးပြုစုထိန်းသိမ်းခြင်းဖြင့် ရရှိနိုင်မည့်အကျိုးကျေးဇူးများအကြောင်း၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ သစ်တောများကပေးစွမ်းနိုင်သည့် ဂေဟစနစ် ဆိုင်ရာအကျိုးကျေးဇူးများအကြောင်း၊ မီးခိုးမြူငွေ့လျှော့ချရေးအတွက် Fire Hotspots များလျော့နည်းကျဆင်းအောင် အမှိုက်များ၊ ရိုးပြတ်တောများအား မီးရှို့ခြင်းများမပြုလုပ်ရန်နှင့်မီးခိုးမြူငွေ့လေထုညစ်ညမ်းမှု၏ဆိုးကျိုးများ အကြောင်းတို့အား တက်ရောက်လာသည့် ဒေသခံပြည်သူများအား အသိပညာပေးဟောပြောခဲ့ပါကြောင်း သတင်းရရှိသည်။

(၂၇-၅-၂၀၂၆)ရက်နေ့(၁၀:၀၀)နာရီအချိန်တွင်၊ကျောက်ဆည်မြို့နယ်၊ကြောင်ကျေးရွာအုပ်စု၊ရမန်းကျေးရွာ၊အုပ်ချုပ်‌ရေးမှူးရုံးအတွင်း၊သစ်တောဝန်ထမ်း( ၃)ဦး၊ကျေးရွာအုပ်ချုပ်ရေးမှူးပါဒေသခဲပြည်သူ(၅၃)ဦး စုစုပေါင်း(၅၆)တို့အား“သစ်တောပြုစုထိန်းသိမ်းရေး၊တောမီးကာကွယ်ရေးနှင့် မီးခိုးမြူငွေ့လျော့ချရေးဆိုင်ရာအသိပညာပေးဟောပြောခြင်း၊သဘဝပတ်ဝန်းကျင်ထိမ်းသိမ်းရေးအသိပညာဟောပြောခြင်း၊ တရားမဝင်သစ်ထုတ်လုပ်မှုပ ပျောက်ရေးအသိပညာဟောပြောခြင်း၊ရေချွေတာရေးနှင့်တောင်ယာများခုတ်ထွင်ရှင်းလင်းမီးရှို့ခြင်းမပြုလုပ်ရန် အသိပညာပေးဟောပြောခြင်းများအား၊ဒေသခံများသိရှိနားလည်စေရန်ဟောပြောပွဲများကျင်းပဆောင်ရွက်ခဲ့ပါသည်။ အခမ်းအနားတွင် ကျောက်ဆည်မြို့ နယ်၊မြို့နယ်သစ်တောဦးစီးဌာနမှတောအုပ်ကြီး၊ ဦးသက်မြတ်ဦး ဦးဆောင်၍ သစ်တောသစ်ပင်များမှ ရရှိသည့်အကျိုးကျေးဇူးများ၊ သစ်တောသစ်ပင်ထိန်းသိမ်းရေးနှင့် သစ်တောစိုက်ခင်းများ၊သဘဝတောများအားမီးလောင်မှုမရှိစေရန်အတွက် ဆောင်ရွက်ရမည့်အချက်အလက်များ၊ မီးခိုးမြူငွေ့ လျော့ချရေးဆိုင်ရာဗဟုသုတများ၊ရေချွေတာသုံးစွဲရေးနှင့်မိုးရာသီတွင်သစ်ပင်စိုက်ပျိုးခြင်းလုပ်ငန်းများ၊သစ်ပင်များအခမဲ့ဖြန့်​ဝေခြင်းလုပ်ငန်းများ သစ်ပင်စိုက်ပျိုးခြင်းများ ပူးပေါင်းပါဝင်ဆောင်ရွက်စေရေး အသိပညာပေးဟောပြောခဲ့ပြီး၊ဒေသခံများမှသိလိုဖွယ်ရာမေးခွန်းများပြန်လည်ဖြေကြားခဲ့ခြင်း၊ အခမ်းအနားအား (၁၁း၀၀)နာရီတွင်ပြီးစီးခဲ့ပါကြောင်းသတင်းရရှိသည်။