၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ပြည်ကြီးတံခွန်မြို့နယ်၊ (က)ရပ်ကွက်တွင်ခရီးသည်တင်မှန်လုံယာဉ်(၂)စီးနှင့် တရားမဝင်ပိတောက်ခွဲသားများဖမ်းဆီးရမိ

ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၄-၅-၂၀၁၉ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ မဟာအောင်မြေမြို့နယ်၊ သစ်တောဦးစီးဌာန၊ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ပြည်ကြီးတံခွန်မြို့နယ်၊ (က)ရပ်ကွက်၊ မြဝတီမင်းကြီးလမ်းနှင့် သာယာဝတီမင်းကြီးလမ်းကြား၊ (၆၇)လမ်းနေရာတွင် မော်တော်ယာဉ်အမှတ်(SHN 3C/3742) ပေါက်ရွှေပြည်မှန်လုံယာဉ်နှင့် မော်တော်ယာဉ်အမှတ်(SHN 5C/6155)ပေါက်ရွှေပြည်မှန်လုံယာဉ်တို့ပေါ်မှ တရားမဝင်ပိတောက် ခွဲသား (၁၅၁) ချောင်း (၃.၀၀၁၄)တန်အား တရားခံ(၂)ဦးနှင့်အတူ ဖမ်းဆီးရမိခဲ့ပြီး တရားခံများ အား ဥပဒေနှင့်အညီ ထိရောက်စွာအရေးယူနိုင်ရေးသက်ဆိုင်ရာရဲစခန်းတွင် အမှုဖွင့်လှစ်ဆောင်ရွက် လျက်ရှိပါသည်။

သပိတ်ကျင်းမြို့နယ် အတွင်း မော်တော်ယာဉ်(၂)စီးပေါ်မှ တရားမဝင်သစ်များဖမ်းဆီးရမိ

၁၃-၅-၂၀၁၉ ရက်နေ့တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် သပိတ်ကျင်းမြို့နယ်၊ လမ်းလယ်ကျစ်ရွာ မြောက်ဘက် ဘောလုံးကွင်းအနီးမှ မော်တော်ယာဉ်အမှတ် (၃ခ/၆၇၀၃) UD Nissan Diese (၆)ဘီး (အဖြူရောင်)နှင့်မော်တော်ယာဉ်အမှတ်(MDY 8286 Canter) (ဖြူပြာကြား)(၆)ဘီးတို့ပေါ်မှ တရားမဝင် သစ်ယာ/ပျဉ်းကတိုးခွဲသား (၄၆၁)ချောင်း (၆.၉၅)တန်၊ တရားခံ (၁)ဦး ဖမ်းဆီးရမိခဲ့ပြီး တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာ ရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

ဘုတလင်မြို့နယ် အတွင်း တရားမဝင်သစ်များဖမ်းဆီးရမိ

၁၂-၅-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ မုံရွာခရိုင်၊ ဘုတလင်မြို့နယ်၊ မြို့နယ်ဦးစီးမှူး ဦးဆောင်သော ရွှေစာရေးစစ်ကြောင်း ပူးပေါင်းအဖွဲ့သည် ဘုတလင်မြို့နယ်၊ ညောင်သူများ ကျေးရွာအနီး ချင်းတွင်းမြစ်အတွင်းမှ တရားမဝင် ကျွန်း/အင်/ကညင်/သစ်ယာ/ လုံးပတ် (၃)ပေအောက် ကျွန်း/ပျဉ်းကတိုး (၂၇၄) လုံး/ချောင်း (၃၆.၃၅၈၂)တန် ဖမ်းဆီး ရမိခဲ့ပြီး ဥပဒေနှင့်အညီ ဆက်စပ်ပတ်သက်သော တရားခံများအား စုံစမ်းဖော်ထုတ်၍ အရေးယူနိုင်ရေး စီစဉ် ဆောင်ရွက်လျက်ရှိပါသည်။

ဒုတိယညွှန်ကြားရေးမှူးချုပ် (စီမံခန့်ခွဲရေး) ဦးဇော်မင်းနှင့် တာဝန်ရှိသူများအား Amimoto Keisuke (Economie and Development Assistancd Section)Embassy of Japan, Yangon, Myanmar မှလာရောက်တွေ့ဆုံ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမ၌ ၁၅-၅-၂၀၁၉ ရက်နေ့ (၁၃:ဝဝ) နာရီအချိန်တွင် သစ်တောဦးစီးဌာန၊ ဒုတိယညွှန်ကြားရေးမှူးချုပ် (စီမံခန့်ခွဲရေး) ဦးဇော်မင်းနှင့် တာဝန်ရှိသူများအား Amimoto Keisuke (Economie and Development Assistancd Section)Embassy of Japan, Yangon, Myanmar မှ လာရောက်တွေ့ဆုံ၍ CoP17 အစည်းအဝေးတွင် ဆွေးနွေးခဲ့သည့် ဆင်စွယ်ဈေးကွက်/ အရောင်းဆိုင်များ ပိတ်သိမ်းရန်ဆုံးဖြတ်ချက်နှင့် ပတ်သက်၍ အာဖရိကတိုက်ရှိ နိုင်ငံ(၉)နိုင်ငံမှ CoP18 တွင် ထပ်မံဆွေးနွေးရန် အဆိုပြုလာခြင်းအပေါ် ဂျပန်နိုင်ငံမှ တင်သွင်းမည့် ကန့်ကွက် ကြောင်းသဘောထားအဆိုပြုလွှာအပေါ်တွင် မြန်မာနိုင်ငံ၏ သဘောထား မှတ်ချက်အား သိရှိလိုခြင်းနှင့်စပ်လျဉ်း၍ဆွေးနွေးခဲ့ပါသည်။

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ဖမ်းဆီးရမိမှုများ

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီး ဌာနများမှ ပေးပို့လာ သောစာရင်းများအရ တရားမဝင် ကျွန်း(၁၆၃.၂၂၅၅)တန်၊ သစ်မာ(၁၃၂.၇၃၆၉)တန်၊ အခြား (၂၈၁.၃၂၉၆)တန်၊ စုစုပေါင်း(၅၇၇.၂၉၂၀) တန်၊ တရားခံ(၅၄)ဦး၊ ယာဉ်/ယန္တရား(၄၄)စီး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ကုန်းပြင်ဘိနယ်၊ ပန်းပုကွင်းကျေးရွာအုပ်စု၊ သရက်ပင်ကြီးစုကျေးရွာ/ ပန်းပုကွင်းကျေးရွာ/ ဥယျာဉ်စုကျေးရွာ/ ကြပ်ကုန်း ကျေးရွာတို့မှ တရားမဝင် အခြားခွဲသားစုစုပေါင်း (၁၁၄၁)ချောင်း (၁၀၆.၅၂၄၃) တန်၊ သစ်စက်(၃)လုံး၊ ဂွန်ဒေါင်း(၂)စီး၊ ဆိုင်ကယ်(၁)၊ တရားခံ(၁)ဦးတို့အား ဖမ်းဆီးရမိခဲ့ပါသည်။

ညွှန်ကြားရေးမှူးချုပ် ဒေါက်တာ ညီညီကျော်နှင့် တာဝန်ရှိသူများအား The World Bank မှ Senior Enviromental Specialist ဖြစ်သူMr.Martin Fodor ဦးဆောင်းသောကိုယ်စားလှယ်အဖွဲ့မှလာရောက်တွေ့ဆုံ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ၁၄-၅-၂၀၁၉ ရက်နေ့ နေ့လည်(၁:ဝဝ) နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ ညီညီကျော်နှင့် တာဝန်ရှိသူများအား The World Bank မှ Senior Enviromental Specialist ဖြစ်သူ Mr.Martin Fodor ဦးဆောင်းသောကိုယ်စားလှယ်အဖွဲ့မှ လာရောက်တွေ့ဆုံ၍ သစ်တောဦးစီးဌာနနှင့် ပူးပေါင်းအကောင်အထည်ဖော်ဆောင်ရွက်မည့် FREDIP စီမံကိန်း နှင့်စပ်လျဉ်း၍ဆွေးနွေးခဲ့ပါသည်။

အောင်လံမြို့နယ်၊ ရွှေပန်းတောကျေးရွာအုပ်စု၊ ဗျံဒီရွာလမ်းပေါက်အနီးတွင် မော်တော်ယာဉ်(၁)စီးနှင့် တရားမဝင်သစ်များဖမ်းဆီးရမိ

၁၃-၅-၂၀၁၉ ရက်နေ့တွင် မကွေးတိုင်းဒေသကြီး၊ သရက်ခရိုင်၊ အောင်လံမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် အောင်လံမြို့နယ်၊ ရွှေပန်းတောကျေးရွာအုပ်စု၊ ဗျံဒီရွာလမ်းပေါက်အနီးနေရာတွင် မော်တော်ယာဉ်အမှတ်မပါ (FAW) (၆)ဘီးယာဉ်ပေါ်မှ တရားမဝင်ပျဉ်းကတိုးသစ်/ခွဲသား (၃၀) လုံး/ချောင်း (၄.၀၂၈၀)တန် ယာဉ်(၁)စီးနှင့် အတူ တရားခံ(၁)ဦးအား ဖမ်းဆီး ရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

မြစ်ကြီးနားမြို့နယ်၊ ရွှေစက်ရပ်ကွက်တွင် တရားမဝင်သစ်များဖမ်းဆီးရမိ

၁၃-၅-၂၀၁၉ ရက်နေ့တွင် ကချင်ပြည်နယ်၊ မြစ်ကြီးနားခရိုင်၊ မြစ်ကြီးနားမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ ကျေးရွာအုပ်ချုပ်ရေး အဖွဲ့ဝင်များပါဝင်သောပူးပေါင်းအဖွဲ့သည် မြစ်ကြီးနားမြို့နယ်၊ ရွှေစက်ရပ်ကွက်၊ တရုတ်သင်္ချိုင်းနှင့် ခရစ်ယာန်သင်္ချိုင်းကြားနေရာတွင်တရားမဝင်ကညင်/ကြေးလံ/တောဇီး/မအူသစ်(၅၄)လုံး(၅၄.၀၃၀) တန်အား ပိုင်ရှင်မဲ့ဖမ်းဆီးရမိခဲ့ပြီး၊ ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ် ၍ ဥပဒေနှင့်အညီ ထိရောက်စွာအရေးယူနိုင်ရေးစီစဉ်ဆောင်ရွက်လျက် ရှိပါသည်။

Pages

more