သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

အပြည်ပြည်ဆိုင်ရာ ဇီဝမျိုးစုံမျိုးကွဲထိန်းသိမ်းရေးနေ့
၁၉၉၃ ခုနှစ်၊ ဒီဇင်ဘာလ ၂၉ ရက်နေ့တွင်ကျင်းပခဲ့သည့် ကုလသမဂ္ဂ အထွေထွေညီလာခံ အစီအစဉ်၏ ဒုတိယအကြိမ်မြောက် ကော်မတီအစည်းအဝေးတွင် ဇီဝမျိုးစုံမျိုးကွဲ ဆိုင်ရာ အကြောင်းကိစ္စရပ်များကို ပိုမိုနားလည်သဘောပေါက်စေရန်နှင့် ထိန်းသိမ်းရေးလုပ်ငန်းများ အရှိန်အဟုန် မြှင့်တင်ဆောင်ရွက်စေရန် ရည်ရွယ်၍ နှစ်စဉ် မေလ ၂၂ ရက်နေ့အား “အပြည်ပြည်ဆိုင်ရာဇီဝမျိုးစုံမျိုးကွဲထိန်းသိမ်းရေးနေ့” အဖြစ်သတ်မှတ်ကြေညာခဲ့ပါသည်။ ယခုနှစ် အပြည်ပြည်ဆိုင်ရာ ဇီဝမျိုးစုံမျိုးကွဲထိန်းသိမ်းရေးနေ့ ဆောင်ပုဒ်မှာ“ကမ္ဘာ့ဇီဝမျိုးစုံ မျိုးကွဲထိန်းသိမ်းဖို့၊ ရပ်ရွာဒေသမှ စတင်ဆောင်ရွက်စို့” (Acting Locally for Global Impact)”ဖြစ်သည်။ “ကိုယ့်ရပ်ရွာ၊ ကိုယ့်ဒေသမှစတင်ပြီး တစ်ဦးချင်း၊ တစ်ဖွဲ့ချင်း၏ အသေးစားလုပ်ဆောင်မှုများသည် ကမ္ဘာလုံးဆိုင်ရာ ဇီဝမျိုးစုံမျိုးကွဲ ထိန်းသိမ်းရေးအပေါ် ကြီးမားသော အကျိုးသက်ရောက်မှုများ ဖြစ်စေနိုင်သည်”ဟူ၍ ဆိုလိုခြင်းဖြစ်ပါသည်။

(၂၁.၅.၂၀၂၆)ရက်နေ့၊ နံနက်(၁၁:၃၀)နာရီအချိန်တွင် မော်လမြိုင်(တွဲဘက်)ချောင်းဆုံမြို့နယ်၊ သစ်တောဉီးစီးဌာနမှ ချောင်းဆုံအရှေ့ရပ်ကွက်၊ ခရစ်ယာန်ကျောင်းဝင်း၌"သစ်တောထိန်းသိမ်းရေး၊တောမီးကာကွယ်ရေး၊ မီးခိုး/မြူငွေ့လျှော့ချရေးနှင့် ရေချွေတာရေးဆိုင်ရာ အသိပညာပေးခြင်း ဟောပြောပွဲကျင်းပပြုလုပ်ခဲ့ပြီး ဟောပြောပွဲသို့ ချောင်းဆုံအရှေ့ရပ်ကွက် အုပ်ချုပ်ရေးမှူးပါ ကျေးရွာသူ/သားများ ကျား(၅)ဦး မ(၆၂)ဦးနှင့် သစ်တောဝန်ထမ်းကျား(၅)ဦး၊ စုစုပေါင်း(၇၂)ဦး တက်ရောက်ခဲ့ကြပြီး အဆိုပါဟောပြောပွဲတွင် မော်လမြိုင်(တွဲဘက်)ချောင်းဆုံမြို့နယ်၊ သစ်တောဦးစီးဌာနမှ ဦးစီးအရာရှိ ဦးဖြိုးသက်နိုင်-၂ မှ သစ်တောထိန်းသိမ်းရေး၊တောမီးကာကွယ်ရေးနှင့် မီးခိုး/မြူငွေ့လျော့ချရေးခေါင်းစဥ်ဖြင့် လည်းကောင်း၊ တောအုပ်ကြီး ဦးတင့်နိုင်ဇော်မှ ရေချွေတာရေးခေါင်းစဉ်ဖြင့် လည်းကောင်း ဆွေးနွေးဟောပြောခြင်းများဆောင်ရွက်ခဲ့ပါကြောင်း သတင်းရရှိသည်။

ရန်ကုန်တိုင်းဒေသကြီး၊ ကြည်မြင်တိုင်မြို့နယ်၊ စက်ဆန်းရပ်ကွက်၊ ဓမ္မာရုံတွင်(၂၁.၅.၂၀၂၆)ရက်နေ့၊ (၁၁:၀၀)နာရီအချိန်တွင်သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲကျင်းပခဲ့ရာ အလုံမြို့နယ်၊ သစ်တောဦးစီးဌာနမှ ​တောအုပ်ကြီး ဦးမျိုးထွဋ်က သစ်တောသစ်ပင်များအကြောင်း၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ သစ်တောများကပေးစွမ်းနိုင်သည့် ဂေဟစနစ်ဆိုင်ရာအကျိုးကျေးဇူးများ၊ ရာသီဥတုပြောင်းလဲမှု လျှော့ချရေးတွင် သစ်တောများ၏အရေးပါမှု၊ အကျိုးကျေးဇူးများနှင့် မီးခိုးမြူငွေ့ လျော့ချရေးအတွက် Fire Hotspots များ လျော့နည်းကျဆင်းအောင် တောမီးရှို့ခြင်း၊ လယ်ယာများမီးရှို့ခြင်းများမပြုလုပ်ရန်၊ မီးခိုးမြူငွေ့ လေထုညစ်ညမ်းမှု၏ ဆိုးကျိုးများ၊ မီးခိုးမြူငွေ့ ညစ်ညမ်းမှုထိန်းချုပ်ရေး ဆောင်ရွက်နေမှု အခြေအနေများ၊ ရန်ကုန်မြို့အတွင်း လျှပ်စစ်ဝါယာကြိုးရှော့ဖြစ်ခြင်းမှ မီးလောင်ကျွမ်းမှုမဖြစ်အောင် ဝါယာကြိုးသွယ်တန်းမှုကို စနစ်တကျသွယ်တန်းရန်၊ သစ်တောများထိန်းသိန်းရေးအကြောင်းနှင့် သစ်တောမှ ပေးစွမ်းနိုင်သော အကျိုးကျေးဇူးများအကြောင်းတို့ကို တက်ရောက်လာကြသည့် ​ဒေသခံပြည်သူများကို အသိပညာပေးဟောပြောခဲ့ပြီး လက်ကမ်းစာစောင်များ ဖြန့်​ဝေ​ပေးခဲ့ပါကြောင်း တင်ပြအပ်ပါသည်။အဆိုပါ​​ဟော​ပြောပွဲသို့ ကြည်မြင်တိုင်မြို့နယ်၊မီးသတ်ဦးစီးဌာနမှ ဝန်ထမ်း(၄)ဦး၊ သစ်တောဝန်ထမ်း(၃)ဦး၊ ​ဒေသခံပြည်သူ(၁၀၀)ဦးစုစုပေါင်း(၁၀၇)ဦး၊ ကျား(၁၀၅)ဦး၊ မ(၂)ဦးတို့ တက်ရောက်ခဲ့ပါ​ကြောင်း သတင်းရရှိသည်။