Welcome to Forest Department
No front page content has been created yet.
သတင်းနှင့်ကြေငြာချက်များ
(၂၀-၂-၂၀၁၇)ရက်နေ့၊ နံနက်(၁ဝ : ဝ၀)နာရီတွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံးအစည်းအဝေး ခန်းမ၌ သစ်တောဦးစီးဌာနအတွက် လူသားအရင်းအမြစ်ဖွံ့ဖြိုးရေးအစီအစဉ် (HRD Plan) ရေးဆွဲနိုင်ရေးညှိနှိုင်းအစည်းအဝေးနှင့် ၂၀၁၇-၂၀၁၈ဘဏ္ဍာနှစ်အတွင်း မြန်မာ နိုင်ငံသစ်တောများပြန်လည်ထူထောင်ခြင်းစီမံကိန်းတွင် ဖွင့်လှစ်ပို့ချမည့် သင်တန်းများအတွက် သင်ရိုးညှိနှိုင်းခြင်းအစည်းအဝေးကျင်းပပြုလုပ်ခဲ့ပါသည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနသည် နိုင်ငံတော်၏ အဖိုးတန်သစ်တော သယံဇာတများ ရေရှည်တည်တံ့ရေးထိန်းသိမ်း ကာကွယ်စောင့်ရှောက်လျှက်ရှိပြီး တရားမဝင် သစ်ခိုးထုတ်ခြင်း၊ ကုန်သွယ်ခြင်းများကို ရှာဖွေဖော်ထုတ်ဖမ်းဆီးရေး ကြိုးပမ်းဆောင်ရွက်လျက်ရှိရာ (၂၀၁၆-၂၀၁၇) ဘဏ္ဍာနှစ်အတွင်း(၃၁-၁-၂၀၁၇)ရက်နေ့အထိ တရားမဝင်သစ် စုစုပေါင်း (၄၀၈၂၅) တန် ကိုဖမ်းဆီး ရမိခဲ့ပါသည်။
(၁၄-၂-၂၀၁၇) ရက်နေ့တွင် မန္တလေးတိုင်းဒေသကြီး၊ မန္တလေးခရိုင်နှင့် ပြင်ဦးလွင်ခရိုင်မှ သစ်တောဦးစီးဌာနမှ သစ်တောဝန်ထမ်းများ၊ ပြင်ဦးလွင်မြို့ရပ်ကွက်ကြီး(၁၀)မှ အုပ် ချုပ်ရေးမှူးနှင့်အဖွဲ့တို့ပါဝင်သော ပူးပေါင်းအဖွဲ့သည် ပြင်ဦးလွင်မြို့နယ်၊ ရပ်ကွက်ကြီး (၁၀)၊ နှင်းဆီလမ်း နှင့် ပြည်သာယာလမ်းဒေါင့်၊ ခြံအမှတ် ပ/၁၊ ပ/၂၄ တွင် တရားမဝင် (ပိတောက်၊တမလန်း) သစ်/တိုင်/ခွဲသား၊ ဓားရွေ(၁၅၉)လုံး/ချောင်း၊ (၃.၅၆၀၈)တန်၊ ခြံအတွင်းမှ ယာဉ်အမှတ်(8E/7252) တပ်ဆင်ထားသော NISSAN အမျိုးအစား၊ (၁၂)ဘီး ယာဉ်ပေါ်မှ တရားမဝင် (ပိတောက်၊ တမလန်း)ဓားရွေ (၇၃)ချောင်း၊ (၂.၆၆၈၈)တန်နှင့် တရားခံ(၃)ဦးဖမ်းဆီး ရမိပါသည်။
(၁၄-၂-၂၀၁၇) ရက်နေ့တွင် ပဲခူးတိုင်းဒေသကြီး တောင်ငူခရိုင် သစ်တောဦးစီးဌာနမှ သစ်တောဝန်ထမ်းများနှင့် သစ်တောလုံခြုံရေး ရဲတပ်ဖွဲ့ဝင်များအဖွဲ့သည် ရေတာရှည်မြို့နယ်၊ ရိုးမကြိုးပြင်ကာကွယ် တောအတွင်း ခန့်မှန်းပြေပုံညွှန်း(V-316582, V-314580, V-323581 နှင့် V-333572) နေရာများတွင် တရားမဝင် (ကျွန်း၊ ပျဉ်းကတိုး) သစ်လုံး/ခွဲသား (၁၆၁)လုံး/ချောင်း၊ (၁၀.၀၈၈၂)တန်အား သိမ်းဆည်းရမိ ပါသည်။
(၁၃-၂-၂၀၁၇) ရက်နေ့တွင် ရခိုင်ပြည်နယ်၊ တောင်ကုတ်မြို့နယ် သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ နှင့် ကြိုးကြာကွင်းအုပ်စုအုပ်ချုပ်ရေးမှူးတို့ပါဝင်သော ပူးပေါင်းအဖွဲ့သည် တောင်ကုတ်မြို့နယ်၊ ပန်းတောင်း-တောင်ကုတ် ကားလမ်းပေါ်ရှိ တောင်ကုတ်မြို့အဝင်- ဘိုးဘွားရိပ်သာအနီးတွင် ယာဉ်အမှတ်(YGN-3B/7069) တပ်ဆင်ထားသော HINO အမျိုးအစား၊ ခေါင်းအဖြူရောင် (၁၀)ဘီးယာဉ်ပေါ်မှ တရားမဝင် ကညင်/ စကားဝါ ခွဲသား(၃၇)ချောင်း၊ (၅.၅၆၀၂)တန်နှင့်အတူ တရားခံ(၂)ဦး ဖမ်းဆီးရမိပါသည်။
(၁၃-၂-၂၀၁၇) ရက်နေ့တွင် ကရင်ပြည်နယ်၊ ကော့ကရိတ်ခရိုင် သစ်တော ဦးစီးဌာနမှ လက်ထောက်ညွှန်ကြားရေးမှူး ဦးဆောင်သော သစ်တော ဝန်ထမ်းများအဖွဲ့သည် ကော့ကရိတ်မြို့နယ်၊ ဘားအံ- မြဝတီလမ်းမကြီး ဘေး မိုင်တိုင်(၁၂၆)ကီလိုမီတာနေရာတွင် ယာဉ်အမှတ် ၉ဌ/၂၄၇၇၆ တပ်ဆင်ထားသော FAW အမျိုးအစား၊ အပြာရောင်(၆)ဘီး ယာဉ်ပေါ်မှ တရားမဝင် ကျွန်းခွဲသား(၃၃၀)ချောင်း၊ (၁.၃၀၀၄)တန်အား ဖမ်းဆီးရမိ ပါသည်။
(၁၃-၂-၂၀၁၇) ရက်နေ့တွင် ပဲခူးတိုင်းဒေသကြီး ပဲခူးမြို့နယ် သစ်တောဦးစီးဌာန မှ သစ်တောဝန်ထမ်းများအဖွဲ့သည် ပဲခူးမြို့၊ ညောင်ဝိုင်းရပ်ကွက် (၁၃)လမ်း၊ သွန်းဘုရား ရှေ့တွင် ယာဉ်အမှတ်(BGO-H/5158) တပ်ဆင်ထားသော HINO အမျိုးအစား (၆)ဘီး ယာဉ်ပေါ်မှ တရားမဝင် ပျဉ်းကတိုး(ခွဲသား၊ ဖရုံစိတ်) (၅၆)ချောင်း/ စိတ်၊ (၃.၈၁၈၆) တန်နှင့်အတူ တရားခံ(၁)ဦး ဖမ်းဆီးရမိပါသည်။
စစ်ကိုင်းတိုင်းဒေသကြီး၊ ပင်လယ်ဘူးမြို့နယ် သစ်တောဦးစီးဌာနမှ သစ်တောဝန်ထမ်းများ မြန်မာနိုင်ငံရဲတပ်ဖွဲ့ဝင်များနှင့် အသိသက်သေများ ပါဝင်သောအဖွဲ့သည် (၁၃-၂-၂၀၁၇) ရက်နေ့တွင် ပင်လယ်ဘူးမြို့နယ်၊ ညောင်ကုန်းရွာတမိုင်၊ ခန့်မှန်းမြေပုံညွှန်း (GB-324567) တွင် လေးလုံး ထိုး၊ ထော်လာဂျီယာဉ်(၁)စီးပေါ်မှ တရားမဝင် ကျွန်းခွဲသား (၁၃၇) ချောင်း၊ (၂.၉၇)တန်၊ တရားခံ(၂)ဦးနှင့် (၁၄-၂-၂၀၁၇)ရက်နေ့တွင် ဒေါ်စီသစ် တောပျိုးဥယျာဉ်စခန်းရှေ့ ခန့်မှန်းမြေပုံညွှန်း(GB-612390) တွင် လီဖန်းအမျိုးအစား (၆)ဘီးယာဉ်(၁)စီးပေါ်မှ တရားမဝင် တမလန်း ဓားရွေ(၁၁)ချောင်း၊ (၂.၃၄၃၂)တန်၊ တရားခံ(၄)ဦးတို့အား ဖမ်းဆီးရမိ ပါသည်။