သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၂၀၂၅ ခုနှစ်၊ ဧပြီလ (၃၀) ရက်နေ့တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး အစည်းအဝေးခန်းမ၌ တနင်္သာရီသဘာဝကြိုးဝိုင်းလုပ်ငန်းစီမံကိန်း၏ (၃၂) ကြိမ်မြောက် စီမံကိန်းပေါင်းစပ်ညှိနှိုင်းရေးကော်မတီအစည်းအဝေး (Project Coordinating Committee-PCC) ကို နံနက် (၁၀) နာရီတွင် ကျင်းပပြုလုပ်ရာ အစည်းအဝေးသို့ သစ်တောဦးစီးဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဆက်စပ်ဌာနများမှ ကော်မတီဝင်များ၊ တနင်္သာရီသဘာဝကြိုးဝိုင်း လုပ်ငန်းစီမံကိန်းမှ စီမံကိန်းဒါရိုက်တာနှင့် ဥယျာဉ်အုပ်ချုပ်ရေးမှူး၊ မိတ်ဖက်ကုမ္ပဏီများ ဖြစ်သည့် မုတ္တမဓါတ်ငွေ့ပို့ဆောင်ရေးကုမ္ပဏီ (MGTC)၊ တနင်္သာရီပိုက်လိုင်းကုမ္ပဏီ (TPC) နှင့် အက်ဒမန်ပို့ဆောင်ရေးလီမီတက် (ATL) တို့မှ ကော်မတီအဖွဲ့ဝင်များ တက်ရောက်ခဲ့ကြပါသည်။ ဦးစွာ ကော်မတီဥက္ကဋ္ဌ၊ ညွှန်ကြားရေးမှူးချုပ် ဒေါက်တာသောင်းနိုင်ဦး က အဖွင့်အမှာစကားပြောကြားပြီး ဥယျာဉ်အုပ်ချုပ်ရေးမှူးမှ ၂၀၂၄-၂၀၂၅ ဘဏ္ဍာနှစ်အတွင်း စီမံကိန်းလုပ်ငန်းများအောင်မြင်စွာ အကောင်အထည်ဖော်ဆောင်ရွက်ကိုလည်း​ကောင်း၊ စီမံကိန်းဒါရိုက်တာမှ ယခင် ကျင်းပခဲ့သည့် (၃၁) ကြိမ်မြောက် စီမံကိန်းပေါင်းစပ်ညှိနှိုင်းရေးကော်မတီ အစည်းအဝေးဆုံးဖြတ်ချက်များ အပေါ်အကောင်အထည်ဖော်ဆောင်ရွက်ပြီးစီးမှုများ၊ ၂၀၂၄-၂၀၂၅ ဘဏ္ဍာနှစ်အတွင်း ရန်ပုံငွေ သုံးစွဲမှုအခြေအနေများ၊ ၂၀၂၅-၂၀၂၆ ဘဏ္ဍာနှစ်အတွက် စီမံကိန်းလုပ်ငန်းများနှင့် ရန်ပုံငွေ လျာထားချက်များနှင့် အသေးစိတ်လုပ်ငန်း အစီအစဉ်များကိုလည်​ကောင်း အသီးသီး ရှင်းလင်းတင်ပြခဲ့ရာ အစည်းအဝေးတက်ရောက်လာသူများမှ ဝိုင်းဝန်းအကြံပြု ဆွေးနွေးခဲ့ကြ​ကြောင်းသတင်းရရှိပါသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့် အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင် ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမ စိမ်းလန်းစိုပြည်ရေး ဧရိယာအတွင်းမှ (၇-၄-၂၀၂၅)ရက်နေ့မှ (၂၀-၄-၂၀၂၅) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၉၈.၂၀၁၀)တန်ဖမ်းဆီးရမိခဲ့ပါသည်။

သစ်တောဦးစီးဌာနနှင့် တရုတ်ပြည်သူ့သမ္မတနိုင်ငံ၊ မဲခေါင်-လန်ချန်းပူးပေါင်း ဆောင်ရွက်မှု အထူးရန်ပုံငွေ စီမံကိန်း (၂၀၂၄) ၏ ရန်ပုံငွေ အထောက်အပံ့ဖြင့် “မြန်မာနိုင်ငံ၊ မဲခေါင်မြစ်ဝှမ်းဒေသရှိ သဘာဝတောများတွင် ကျရောက်သော ဖျက်ပိုး နှင့်ရောဂါများအား စူးစမ်းဖော်ထုတ် လေ့လာခြင်း စီမံကိန်း (Investigation of Forest Pests and Diseases in the Natural Forest of Mekong River Basin of Myanmar)” (FD-MLC IFPD Project)” အား ၂၀၂၄ ခုနှစ်၊ အောက်တိုဘာလမှ ၂၀၂၆ ခုနှစ်၊ စက်တင်ဘာလအထိ (၂) နှစ် အကောင်အထည်ဖော် ဆောင်ရွက်လျက်ရှိပါသည်။