သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မန္တလေးတိုင်းဒေသကြီးအစိုးရအဖွဲ့က ကြီးမှူးကျင်းပသည့် ၂၀၂၅ ခုနှစ်၊ မိုးရာသီ တိုင်းဒေသကြီးအဆင့် တတိယအကြိမ် သစ်ပင်စိုက်ပျိုးပွဲကို ၂၁-၆-၂၀၂၅ ရက်နေ့ (၁၀:၀၀)နာရီအချိန်တွင် မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ မန္တလေး-လားရှိုးကားလမ်း၊ မိုင်တိုင်အမှတ်(76)KM အနီး မြေကွက်လပ်နေရာ၌ ကျင်းပပြုလုပ်ခဲ့ရာ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်ဦးမျိုးအောင်နှင့်ဇနီး၊ အစိုးရအဖွဲ့ဝင်ဝန်ကြီးများနှင့်ဇနီးများ၊ တိုင်းဒေသကြီး/ခရိုင်/မြို့နယ်အဆင့် ဌာနဆိုင်ရာများ၊ ခရိုင်/မြို့နယ် စီမံအုပ်ချုပ်ရေးအဖွဲ့များ၊ NGO အဖွဲ့အစည်းများ၊ ဒေသခံပြည်သူများနှင့် သစ်တောဦးစီးဌာနဝန်ထမ်းများ စုစုပေါင်းအင်အား(၈၂၅)ဦးတို့ဖြင့် ချယ်ရီပျိုးပင် (၈၂၅)ပင်အား တပျော်တပါး စုပေါင်းစိုက်ပျိုးခဲ့ကြကြောင်း သတင်းရရှိပါသည်။

ချင်းပြည်နယ်အစိုးရအဖွဲ့မှကြီးမှုး၍ ၂၀၂၅ ခုနှစ် မိုးရာသီသစ်ပင်စိုက်ပျိုးပွဲနှင့် ၂၀၂၅ခုနှစ် မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် ပြည်နယ်အဆင့် မိုးရာသီသစ်ပင်စိုက်ပျိုးပွဲ အခမ်းအနားများကို ၂၁-၆-၂၀၂၅ ရက်နေ့တွင် ချင်းပြည်နယ်၊ ဟားခါးမြို့၊ အမှတ်(၂) အခြေခံပညာနှင့် စက်မှု စိုက်မွေးအထက်တန်းကျောင်းတွင် တပြိုင်နက်ကျင်းပပြုလုပ်ခဲ့ရာ ချင်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာဝုန်ဆွန်းထန်၊ ပြည်နယ်တရားသူကြီးချုပ်၊ အနောက်မြောက်တိုင်းစစ်ဌာနချုပ်၊ ဒုတိယတိုင်းမှုး၊ ပြည်နယ်အစိုးရအဖွဲ့ဝင်များ၊ ပြည်နယ်ဥပဒေချုပ်၊ ဟားခါးအခြေချစစ်ဗျူဟာမှူး၊ ပြည်နယ်/ခရိုင်/မြု့နယ်အဆင့် ဌာနဆိုင်ရာအကြီးအကဲများနှင့် ဝန်ထမ်းများ၊ အမျိုးသမီးရေးရာအဖွဲ့နှင့် မိခင်နှင်ကလေးစောင့်ရှောက်ရေးအသင်းတို့မှ အဖွဲ့ဝင်များ၊ ဆရာဆရာမနှင့်ကျောင်းသားကျောင်းသူများ စုစုပေါင်း အင်အား (၂၇၈)ဦး တက်ရောက်ကြပါသည်။ ၂၀၂၅ခုနှစ်မိုးရာသီသစ်ပင်စိုက်ပျိုးပွဲတွင် ပြည်နယ်ဝန်ကြီးချုပ်မှ အ‌ဖွင့်အမှာစကား ပြောကြားခဲ့ပြီနောက် တက်ရောက်လာသူများမှ ချယ်ရီ၊ စိန်ပန်းပြာ၊ ရေသင်းဝင်၊ ငုရွှေ၊ တောင်ဇလပ်၊ ယူကလစ်၊ မျောက်ငို၊ သရက္ခန် ပျိုးပင် စုစုပေါင်း (၂၈၅) ပင်ကို စုပေါင်းစိုက်ပျိုးခဲ့ကြပြီး ပြည်နယ်ဝန်ကြီးချုပ်နှင့်အဖွဲ့မှ စိုက်ပျိုးမှုများကို လှည့်လည်ကြည့်ရှု အားပေးခဲ့ပါသည်။ ဆက်လက်၍ ၂၀၂၅ခုနှစ် မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် မိုးရာသီသစ်ပင်စိုက်ပျိုးပွဲကို အဆိုပါကျောင်းဝန်းအတွင်း ကျင်းပပြုလုပ်ရာ အခမ်းအနားတွင် ပြည်နယ်ဝန်ကြီးချုပ်မှ အမျိုးသမီးရေးရာ အဖွဲ့ဝင်များအား ပျိုးပင်များ ပေးအပ်ပြီးနောက် တက်ရောက်လာသူများမှ ချယ်ရီ၊ စိန်ပန်းပြာ၊ ရေသင်းဝင်၊ ငုရွှေ၊ ယူကလစ် ပျိုးပင် စုစုပေါင်း (၂၆၀) ပင်အား စုပေါင်းစိုက်ပျိုးခဲ့ကြပြီး ပြည်နယ်ဝန်ကြီးချုပ်နှင့်အဖွဲ့မှ စိုက်ပျိုးမှုများကို လှည့်လည်ကြည့်ရှု အားပေးခဲ့ ကြောင်းသတင်းရရှိပါသည်။

(၁၉-၆-၂၀၂၅) ရက်၊ ကြာသပတေးနေ့ (၁၀:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ညွှန်ကြား​ရေးမှူးချုပ်ရုံးမှ ​တောအုပ်ကြီးမှဒုတိယညွှန်ကြား​ရေးမှူးထိ သစ်​တောဝန်ထမ်းများ တက်​ရောက်ပြီး ပြည်နယ်/တိုင်းဒေသကြီးများမှ တောအုပ်ကြီး/ ဦးစီးအရာရှိ (၂)ဦးစီက on line စနစ်ဖြင့်တက်ရောက်ခဲ့သည်။ အစီအစဉ်အရ ဒေါက်တာသိန်းဆောင်(လက်ထောက်ညွှန်ကြားရေးမှူး၊ စီမံကိန်းနှင့်စာရင်းအင်းဌာန)က သဘာပတိအဖြစ် ဆောင်ရွက်ပြီး ဦးစီးအရာရှိ ဒေါ်ဆုရည်နှင်းမှ စင်ကာပူနိုင်ငံတွင် ပြုလုပ်သည့် အာဆီယံငှက်ပျံသန်းရာ ကွန်ရက်နယ်မြေစီမံအုပ်ချုပ်မှုများ ဆိုင်ရာဖိုရမ်နှင့်အလုပ်ရုံဆွေးနွေးပွဲတက်ရောက်မှုအား ရှင်းလင်းတင်ပြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်းသိရှိရသည်။