သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

မင်းလှမြို့နယ်၊ သစ်တောဦးစီးဌာနမှ သစ်တောထိန်းသိန်းရေး၊ တောမီးကာကွယ်ရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေး ဟောပြောပွဲအား (၂၂.၅.၂၀၂၆) ရက်နေ့၊ နံနက်(၀၈း၄၅)အချိန် မင်းလှမြို့နယ်၊ထောက်ကြံ့ကွင်းကျေးရွာအခြေခံပညာမူလတန်းကျောင်းတွင်ကျင်းပဆောင်ရွက်ခဲ့ရာ ဒေသခံကျေးရွာမှ ‌ကျား(၂၉)ဦး၊ မ (၃၃)ဦး၊ သစ်​တောဦးစီးဌာနမှ ၀န်ထမ်း(၃)ဦး၊ မီးသတ်ဦးစီးဌာနမှမီးသတ်ဝန်ထမ်း(၃)ဦးစုစုပေါင်း (၆၈)ဦးတက်ရောက်ခဲ့ပါသည်။ အခမ်းအနားတွင် ​တောအုပ်ကြီး ဦး‌စိုးသန်းမြင့်မှ သစ်တောထိန်းသိမ်းရေး၊ တောမီးကာကွယ်ရေးဆိုင်ရာများအသိပညာပေးဟောပြောခြင်းနှင့်​မီးသတ်ဦးစီးဌာနမှူးဦးဝင်းနိုင်ဦးမှမီးခိုးမြူငွေ့လျော့ချရေးဆိုင်ရာများအသိပညာပေးဟောပြောခြင်း၊တောအုပ် ဦး​နေလင်းအောင်မှတရားမဝင်သစ်ထုတ်လုပ်မှုလျော့နည်းပပျောက်ရေးဆိုင်ရာများ ဆွေးနွေးဟောပြောခဲ့ပါသည်။ ထို့နောက်တက်ရောက်လာသူများမှသိရှိလိုသည်များကိုရှင်းလင်းပြောကြားခြင်းဆောင်ရွက်ခဲ့ပါကြောင်း သတင်းရရှိသည်။

‌ပဲခူးတိုင်းဒေသကြီး၊တောင်ငူခရိုင်၊တောင်ငူမြို့နယ်၊သစ်တောဦးစီးဌာနမှ ရက်(၁၀၀)အတွင်းဆောင်ရွက်မည့်လုပ်ငန်းစီမံချက်နှင့်အညီ "မီးခိုး/မြူငွေ့လျှော့ချရေး၊သဘာဝပတ်ဝန်းကျင်ထိန်းသိမ်း‌ရေး၊တရားမဝင်သစ်လျော့နည်းပပျောက်ရေးဆိုင်ရာ အသိ‌ပညာပေးဟောပြောပွဲ"အခမ်းအနားအား(၂၁.၅.၂၀၂၆)ရက်နေ့(၁၂:၀၀)နာရီအချိန်၌ ကေတုမတီမြို့သစ်၊ဓမ္မာရုံတွင်ကျင်းပဆောင်ရွက်ခဲ့ရာ သစ်တောဝန်ထမ်း(၂)ဦး၊ရပ်ကွက်အုပ်ချုပ်ရေးမှူး/ရာအိမ်မှူ:(၂)ဦး၊‌ဒေသခံပြည်သူကျား(၁၄)ဦး၊မ(၅၂)ဦး စုစုပေါင်း(၇၀)ဦးတက်ရောက်ခဲ့ပါသည်။အခမ်းအနားတွင်တောင်ငူမြို့နယ်၊သစ်တောဦးစီးဌာနမှူးရုံးမှတောအုပ်ကြီးဦးလှဝင်းအောင်မှ မီးခိုးမြူငွေ့လျှော့ချရေးဆိုင်ရာအသိပညာပေးအကြောင်းအရာများကိုဟောပြောပို့ချခဲ့ပြီး တက်ရောက်လာသူများမှသိရှိလိုသည်များကို ရှင်း‌လင်းပြောကြားဆောင်ရွက်ခဲ့ပါကြောင်း သတင်းရရှိသည်။

တနင်္သာရီမြို့နယ်၊သစ်တောဦးစီးဌာနမှ သစ်တောထိန်းသိမ်းရေး၊တောမီးကာကွယ်ရေး၊ ရေချွေတာရေးနှင့်မီးခိုးမြူငွေ့လျှော့ချရေးဆိုင်ရာအသိပညာပေးဟောပြောပွဲကို(၂၁-၅-၂၀၂၆)ရက်နေ့၊ နေ့လည်(၁၃:၃၀)နာရီအချိန်၌ တနင်္သာရီမြို့နယ်၊ သစ်တောဦးစီးဌာန၊မြို့နယ်ဦးစီးဌာနမှူးရုံးခန်းတွင်ကျင်းပဆောင်ရွက်ခဲ့ရာ အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးပါ ဝန်ထမ်း(၂)ဦး၊ချောင်းကြီးရပ်ကွက်အုပ်ချုပ်ရေးမှူးနှင့်‌ရပ်မိရပ်ဖများ၊ ‌ရပ်ကွက်သူ/ရပ်ကွက်သား(၃၄)ဦး၊ သစ်တောဦးစီးဌာနမှ ဝန်ထမ်း(၆)ဦး၊ပေါင်း ကျား(၃၁)ဦး၊မ(၁၁)ဦး၊ စုစုပေါင်း(၄၂)ဦးတက်ရောက်ခဲ့ကြပါသည်။ ဟောပြောပွဲတွင် တနင်္သာရီမြို့နယ်၊ အထွေထွေအုပ်ချုပ်ရေးဦးဌာနမှ မြို့နယ်အုပ်ချုပ်ရေးမှူး ဦးဖိလစ်ဝင်းမှ အဖွင့်အမှာစကားပြောကြားခဲ့ပြီးသစ်တောဦးစီးဌာန၊ တောအုပ် ဦးဇေယျာမိုးမှ သစ်တောထိန်းသိမ်းရေး၊တောမီးကာကွယ်ရေးခေါင်းစဉ်အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခဲ့ပြီး တောအုပ် ဦးမောင်မောင်ကျော်မှ ရေချွေတာရေးနှင့်မီးခိုးမြူငွေ့လျှော့ချရေးဆိုင်ရာ အကြောင်းအရာများကို အသိပညာပေးဆွေးနွေးဟောပြောခဲ့ပြီး တက်ရောက်လာသူများမှ သိရှိလိုသည်များအား မေးမြန်းခြင်းအပေါ် ပြန်လည်ဖြေကြားခဲ့ပါသည်။ဆက်လက်၍ ဟောပြောပွဲတွင်တက်ရောက်လာသူများအား သစ်ပင်စိုက်ပျိုးခြင်းဆိုင်ရာ လက်ကမ်းစာစောင်များ နှင့် ၂၀၂၆ခုနှစ်(မိုးရာသီ)လူထုဖြန့်ပျိုးပင်များ ဖြန့်ဝေပေးခဲ့ပါကြောင်းသတင်းရရှိသည်။