(၅-၁၁-၂၀၂၄) ရက်နေ့၊ နံနက် (၉:၃၀)နာရီအချိန်တွင်ပဲခူးတိုင်းဒေသကြီး၊ သစ်တောဦးစီးဌာနမှ ပဲခူးမြို့၊အမှတ်(၃)အခြေခံ ပညာအထက်တန်းကျောင်း၌ မီးခိုးမြူငွေ့လျှော့ချရေးနှင့်သဘာဝဘေးအန္တရာယ်ဆိုင်ရာအသိပညာပေးဟောပြောပွဲ အခမ်းအနားကျင်းပဆောင်ရွက်ခဲ့ရာ အခမ်းအနားတွင် အမှတ် (၃) အခြေခံ ပညာအထက်တန်းကျောင်း၊ကျောင်းအုပ်ဆရာမကြီးမှ အဖွင့်အမှာစကားပြောကြားခဲ့ပြီး ပဲခူးတိုင်းဒေသကြီး၊ သစ်တောဦးစီးဌာနမှ ညွှန်ကြားရေးမှူး၊ ဦးချစ်ဦး-၂ မှ မြူခိုးမြူငွေ့လျှော့ချရေးနှင့်သဘာဝဘေးအန္တရာယ်ဆိုင်ရာ အသိပညာပေးဟောပြောခြင်းများဆောင်ရွက်ခဲ့ပြီး တက်ရောက်လာသည့် ကျောင်းသူကျောင်းသားများအား အသိပညာပေးလက်ကမ်းစာစောင်များ ပေးအပ်ခြင်းနှင့် ကျောင်းမှ တာဝန်ရှိသူများအား ကျောင်းသုံးဘောပင်များ လှူဒါန်းခဲ့ကြကြောင်းသိရှိရပါသည်။ ဟောပြောပွဲသို့ ပဲခူးမြို့၊အမှတ်(၃)အခြေခံပညာအထက်တန်းကျောင်းမှ ဆရာ/ဆရာမများ ၊ ကျောင်းသား/သူများနှင့် တာဝန်ရှိသူများ စုစုပေါင်း (၂၀၀)ဦး တက်ရောက်ခဲ့ကြကြောင်းသတင်းရရှိပါသည်။

မွန်ပြည်နယ်၊ သစ်တောဦးစီးဌာနမှ ၈-၁၁-၂၀၂၄ ရက်နေ့၊ နံနက်(၁၀:၀၀) နာရီအချိန်၌ မွန်ပြည်နယ်၊ မော်လမြိုင်မြို့၊ ပန်းဘဲတန်းရပ်ကွက်၊ အမှတ်(၁)၊ အခြေခံပညာအထက်တန်းကျောင်း တွင် " မီးခိုး/မြူငွေ့လျှော့ချရေးနှင့် သဘာဝဘေးအန္တရာယ်ဆိုင်ရာ" ပြည်နယ်အဆင့် အသိပညာပေးဟောပြောပွဲ ကျင်းပပြုလုပ်ရာ ဟောပြောပွဲသို့ ကျောင်းအုပ်ဆရာမကြီး နှင့် ဆရာ/ဆရာမများ၊ ကျောင်းသား/သူများ၊ သစ်တောဦးစီးဌာနမှ တာဝန်ရှိသူများ စုစုပေါင်း (၁၂၀) ဦး တက်ရောက်ခဲ့ကြ ပြီး အဆိုပါဟောပြောပွဲတွင် မွန်ပြည်နယ်၊ သစ်တောဦးစီးဌာန၊ ညွှန်ကြားရေးမှူးရုံးမှ လက်ထောက် ညွှန်ကြားရေးမှူး ဦးဝင်းထွန်း-၂ မှ လေထုညစ်ညမ်းခြင်း၊ မီးခိုး/မြူငွေ့ အန္တရာယ်နှင့် မီးခိုး/မြူငွေ့ လျှော့ချရေး အစီအစဉ်၊ ဒီရေတောများအကြောင်း သိကောင်းစရာ ခေါင်းစဉ်ဖြင့် လည်းကောင်း၊ မော်လမြိုင်-သထုံခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးအောင်ဇော်ထူးမှ ရာသီဥတုပြောင်းလဲမှု လျှော့ချရေးနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ခေါင်းစဉ်ဖြင့် လည်းကောင်း အသီးသီး ဆွေးနွေးဟောပြောခဲ့ကြပြီး တက်ရောက်လာသူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြား ဆောင်ရွက်ခဲ့ကြကြောင်းနှင့်ဆက်လက်၍ ဟောပြောပွဲသို့ တက်ရောက်လာသည့် ဆရာ/ဆရာမများနှင့် ကျောင်းသား/ သူများအား သစ်ပင်စိုက်ပျိုးခြင်းဆိုင်ရာအသိပညာပေးလက်ကမ်းစာစောင်များ ဖြန့်ဝေခဲ့ကြကြောင်း သိရှိရပါသည်။

ကရင်ပြည်နယ်၊ သစ်တောဦးစီးဌာနမှ (၄-၁၁-၂၀၂၄)ရက်နေ့ ဘားအံမြို့၊ အ.ထ.က (၂) ရွှေရတုခန်းမ၌ “မီးခိုး/မြူငွေ့ လျှော့ချရေးနှင့် သဘာဝ ဘေးအန္တရာယ်အသိပညာပေး” ဆိုင်ရာ ဟောပြောပွဲကျင်းပရာ အဆိုပါဟောပြောပွဲတွင် လက်ထောက်ညွှန်ကြားရေးမှူး-ဦးသူရကျော်-၁ က တောမီးအမျိုးအစားများ၊ တောမီးလောင်ကျွမ်းမှု အခြေခံအကြောင်းအရင်းများ၊ Fire Hortspots ဖြစ်ထွန်းမှု အခြေအနေ၊ နယ်စပ်ဖြတ်ကျော်မီးခိုးမြူငွေ့ လေထုညစ်ညမ်းမှုဆိုင်ရာ ဆွေးနွေး ဟော ပြောခြင်း၊ လက်ထောက်ညွှန်ကြားရေးမှူး-ဦးအောင်ဝင်းကျော် က မြန်မာနိုင်ငံတွင် တွေ့ရှိရသော အဓိကဂေဟစနစ် (၈)မျိုးအကြောင်း၊ ဂေဟစနစ်များ ပျက်စီးရသည့် အကြောင်းအရင်းများ၊ ရာသီ ဥတုကို ပြောင်းလဲမှုကို ဖြစ်ပေါ်စေသော အကြောင်းအရင်းများ စသည်တို့ကို ဆွေးနွေးဟောပြောခဲ့ပြီး တက်ရောက်လာသူများမှ သိရှိလိုသည့် မေးမြန်းချက်များအပေါ် ပြန်လည်ဖြေကြားဆောင်ရွက်ခဲ့ပြီး မီးခိုးမြူငွေ့ လျှော့ချရေးဆိုင်ရာ လက်ကမ်းစာစောင်များ ဖြန့်ဝေခဲ့ပြီး ဟောပြောပွဲသို့ ဘားအံမြို့၊ အ.ထ.က(၂) ကျောင်းမှ ဆရာ/ ဆရာမ (၄) ဦး၊ Grade -8 ကျောင်းသား (၅၈) ဦး၊ ကျောင်းသူ (၆၉) ဦး စုစုပေါင်း (၁၃၁) ဦး တက်ရောက်ခဲ့ကြောင်းသတင်းရရှိပါသည်။