၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ ခေါင်ခမ်းကျေးရွာအုပ်စု၊ နားနှုံးကျေးရွာ၊ ဘုန်းတော်ကြီးကျောင်း၌ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲကျင်းပ

စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ ခေါင်ခမ်းကျေးရွာအုပ်စု၊ နားနှုံးကျေးရွာ၊ ဘုန်းတော်ကြီးကျောင်း၌ (၂၈.၄.၂၀၂၆) ရက်နေ့၊ (၁၀:၃၀)နာရီ အချိန်တွင် “သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ”ကျင်းပခဲ့ရာ ကျေးရွာသူ/သား(၄၂)ဦး၊မြို့နယ် သစ်တောဝန်ထမ်း(၃)ဦး၊ စုစုပေါင်း (၄၅)ဦးတက်ရောက်ခဲ့ပါသည်။ ဆွေးနွေး‌ဟောပြောပွဲတွင် တောအုပ်ကြီး၊ ဦးဇေယျာက သစ်တောသစ်ပင်များ၏ အရေးပါမှုအကြောင်းအရင်းများ၊ တောမီးလောင်ကျွမ်းမှု အခြေခံအကြောင်းအရင်းများ၊ မီးခိုးမြူငွေ့ဖြစ်ပေါ်ရမှု အခြေအနေများ၊ နယ်မြေဖြတ်ကျော် မီးခိုးမြူငွေ့ များကြောင့်လေထုညစ်ညမ်းမှု၏ ဆိုးကျိုးများ၊ ပြည်သူလူထုပူးပေါင်းပါဝင်သော သစ်တောပြုစု ထိန်းသိမ်းခြင်းလုပ်ငန်းများကို အသိပညာပေးဆွေးနွေးဟောပြောခဲ့ပါကြောင်း သတင်းရရှိသည်။

စစ်ကိုင်းတိုင်းဒေသကြီး၊ ဖောင်းပြင်မြို့နယ်၊ ငှက်ပျောတောကျေးရွာဘုန်းတော်ကြီးကျောင်း၌ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေး ဟောပြောပွဲကျင်းပ

စစ်ကိုင်းတိုင်းဒေသကြီး၊ ဖောင်းပြင်မြို့နယ်၊ ငှက်ပျောတောကျေးရွာဘုန်းတော်ကြီးကျောင်း၌ (၂၇.၄.၂၀၂၆) ရက်နေ့၊ (၁၃:၀၀)နာရီ အချိန်တွင် “သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ” ကျင်းပခဲ့ရာ ကျေးရွာသူ/သား(၆၈)ဦး၊မြို့နယ် သစ်တောဝန်ထမ်း(၅)ဦး၊ စုစုပေါင်း(၇၃)ဦးတက်ရောက်ခဲ့ပါသည်။ ဆွေးနွေး‌ဟောပြောပွဲတွင် တောအုပ်ကြီး၊ ဦးသန်းဇော်ဝင်းမှ သစ်တောသစ်ပင်များ၏ အရေးပါမှု အကြောင်းအရင်းများ၊ တောမီးလောင် ကျွမ်းမှု အခြေခံအကြောင်းအရင်းများ၊ မီးခိုးမြူငွေ့ဖြစ်ပေါ်ရမှု အခြေအနေများ၊ နယ်မြေဖြတ်ကျော် မီးခိုးမြူငွေ့ များကြောင့်လေထုညစ်ညမ်းမှု၏ ဆိုးကျိုးများ၊ ပြည်သူလူထုပူးပေါင်းပါဝင်သော သစ်တောပြုစု ထိန်းသိမ်းခြင်းလုပ်ငန်းများကို အသိပညာပေးဆွေးနွေးဟောပြောခဲ့ပါကြောင်း သတင်းရရှိသည်။

စစ်ကိုင်းတိုင်းဒေသကြီး၊ ဖောင်းပြင်မြို့နယ်၊ အောက်တောင်းကျေးရွာဘုန်းတော်ကြီးကျောင်း၌ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲကျင်းပ

စစ်ကိုင်းတိုင်းဒေသကြီး၊ ဖောင်းပြင်မြို့နယ်၊ အောက်တောင်းကျေးရွာဘုန်းတော်ကြီးကျောင်း၌ (၂၆.၄.၂၀၂၆) ရက်နေ့၊ (၁၃:၀၀)နာရီ အချိန်တွင် “သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ” ကျင်းပခဲ့ရာ ကျေးရွာသူ/သား(၅၃)ဦး၊မြို့နယ် သစ်တောဝန်ထမ်း(၄)ဦး၊ စုစုပေါင်း(၅၇)ဦးတက်ရောက်ခဲ့ပါသည်။ ဆွေးနွေး‌ဟောပြောပွဲတွင် တောအုပ်ကြီး၊ ဦးသန်းဇော်ဝင်းမှ သစ်တောသစ်ပင်များ၏ အရေးပါမှု အကြောင်းအရင်းများ၊ တောမီးလောင်ကျွမ်းမှု အခြေခံအကြောင်းအရင်းများ၊ မီးခိုးမြူငွေ့ဖြစ်ပေါ်ရမှု အခြေအနေများ၊ နယ်မြေဖြတ်ကျော် မီးခိုးမြူငွေ့ များကြောင့်လေထုညစ်ညမ်းမှု၏ ဆိုးကျိုးများ၊ ပြည်သူလူထုပူးပေါင်းပါဝင်သော သစ်တောပြုစု ထိန်းသိမ်းခြင်းလုပ်ငန်းများကို အသိပညာပေးဆွေးနွေးဟောပြောခဲ့ပါကြောင်းသတင်းရရှိပါသည်။

ကျိုက်ထိုခရိုင်၊ ဘီးလင်းမြို့နယ် သစ်တောဉီးစီးဌာနမှ ''သစ်တောထိန်းသိမ်းရေး၊တောမီးကာကွယ်ရေးနှင့်မီးခိုး/မြူငွေ့လျှော့ချရေးဆိုင်ရာ အသိပညာပေးဟောပြောပွဲ''ကျင်းပ

(၂၈.၄.၂၀၂၆)ရက်နေ့၊ (၀၉:၀၀)နာရီအချိန်တွင် ဘီးလင်းမြို့နယ် သစ်တောဉီးစီးဌာနမှ နှင်းပုလဲကျေးရွာ အထကခွဲ တွင် "သစ်တောထိန်းသိမ်းရေး၊တောမီးကာကွယ် ရေးနှင့်မီးခိုး/မြူငွေ့လျှော့ချရေးဆိုင်ရာ အသိပညာပေးခြင်းဟောပြောပွဲ´´ ကျင်းပပြုလုပ်ခဲ့ပြီးဟောပြောပွဲသို့ နှင်းပုလဲကျေးရွာမှ ရပ်မိရပ်ဖများ၊ ဆရာ/ဆရာမများ၊ကျောင်းသား/သူ ကျား (၂၆) ဦး၊ မ (၆၅) ဦး၊ သစ်တောဝန်ထမ်းကျား(၅) ဦး၊စုစုပေါင်း (၉၆) ဦးတက်ရောက်ခဲ့ပါကြောင်း၊ အဆိုပါဟောပြောပွဲတွင် ဘီးလင်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးမင်းအောင်ကျော်ဦး မှ သစ်တောထိန်းသိမ်းရေး၊တောမီးကာကွယ်ရေးနှင့် မီးခိုး/မြူငွေ့လျော့ချရေး ခေါင်းစဥ်ဖြင့် ဆွေးနွေးဟောပြောခြင်းများဆောင်ရွက်ခဲ့ပါကြောင်းနှင့် ကျောင်းသား/သူများသိရှိလိုသည်များမေးမြန်းပြီး ပြန်လည်ရှင်းလင်းဖြေကြားခဲ့ပါသည်။

သစ်မဟုတ်သော သစ်တောထွက်ပစ္စည်းများဆိုင်ရာပြည်သူအခြေပြု အသေးစားစီးပွားရေး လုပ်ငန်းများသရုပ်ပြတည်ထောင်ခြင်း စီမံကိန်း”၏ စီမံကိန်းညှိနှိုင်းရေး ကော်မတီ (PCC) အစည်းအဝေး” ကျင်းပ

သစ်တောဦးစီးဌာန ညွှန်ကြားရေးမှူးချုပ် ဦးကျော်ဇေယျ ဦးဆောင်၍ အာရှဒေသသစ်တောကဏ္ဍ ပူးပေါင်းဆောင်ရွက်ရေးအဖွဲ့ (AFoCO)နှင့် မြန်မာနိုင်ငံ သစ်တောဦးစီးဌာနတို့ ပူးပေါင်းဆောင်ရွက်လျက်ရှိသည့် သစ်မဟုတ်သောသစ်တောထွက်ပစ္စည်းများ (NTFP) စီမံကိန်းအတွက် စီမံကိန်းညှိနှိုင်းရေးကော်မတီ(PCC)အစည်းအဝေးကို ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ၂၀၂၆ ခုနှစ်၊ ဧပြီလ ၂၈ ရက်နေ့၊ ၁၃:၃၀ နာရီအချိန်တွင်ကျင်းပသည်။ ဦးစွာညွှန်ကြားရေးမှူးချုပ်ကအဖွင့်အမှာစကားပြောကြားရာတွင်အစည်းအဝေးသည် ဒုတိယမြောက် PCC အစည်းအဝေးဖြစ်ပြီးပထမအကြိမ် PCC အစည်းအဝေးကို နိုဝင်ဘာလအတွင်းစီမံကိန်းစောင့်ကြည့်လေ့လာရေးခရီးစဉ်အတွင်း ကျင်းပခဲ့ပြီးဖြစ်ရာ အဆိုပါအစည်းအဝေးမှ PCC အဖွဲ့ဝင်များအကြားတွေ့ရှိချက်များ၊ စိန်ခေါ်မှုများ၊ အောင်မြင်မှုများနှင့်ပတ်သက်၍ ပူးပေါင်းဆောင်ရွက်မှုဆိုင်ရာဆွေးနွေးမှုရလဒ်ကောင်းများ ရရှိစေခဲ့ပါကြောင်း၊ ရေရှည်အတွက်သဘာဝ သယံဇာတရရှိနိုင်မှု၊ လုပ်ငန်းများဆက်လက်ဖွံ့ဖြိုးအောင်မြင်နိုင်မှုနှင့် စီမံကိန်းရလဒ်များရေရှည်တည်တံ့စေရန် ထည့်သွင်းစဉ်းစား၍ AFoCOအတွင်းရေးမှူးရုံးက သစ်တောဦးစီးဌာနမှ ဆောင်ရွက်လျက်ရှိသည့် မူလစီမံကိန်းလုပ်ငန်းစဉ်များအပြင် ၂၀၂၆ ခုနှစ်တွင် ဆက်လက် အကောင်အထည်ဖော်ဆောင်ရွက်ရန် ထပ်ဆောင်းရလဒ်တစ်ခုအဖြစ် ရေရှည်တည်တံ့သော သယံဇာတစီမံခန့်ခွဲမှု (SRM) နှင့် ဆက်စပ်သော လုပ်ငန်းစဉ်များ ထည့်သွင်းဆောင်ရွက်ရန် အဆိုပြုခဲ့ပြီး ထပ်ဆောင်းစီမံကိန်းရန်ပုံငွေ ပံ့ပိုးပေးခဲ့ခြင်းဖြစ်ပါကြောင်း၊ အဆိုပါ စီမံကိန်း လုပ်ငန်းများသည်သဘာဝသယံဇာတများ၏ ရေရှည်တည်တံ့သေအသုံးချမှုကို မြှင့်တင်ရန်၊ ရပ်ရွာလူထု၏ အသက်မွေးဝမ်းကျောင်းမှုဖွံ့ဖြိုးတိုးတက်စေရန်နှင့် သဘာဝသယံဇာတများ စီမံအုပ်ချုပ်မှုနှင့် ဒေသခံပြည်သူများ၏ အကျိုး ကျေးဇူးရရှိစေရေးတို့အကြား ဆက်စပ်မှုကို အားကောင်းစေသည့် သုတေသနနှင့် ဖွံ့ဖြိုးရေးလုပ်ငန်းများကို အထောက်အကူ ပြုနိုင်ရန် ရည်ရွယ်ခြင်းဖြစ်ပါကြောင်း ပြောကြားသည်။ အစည်းအဝေးသို့ သစ်တောဦးစီးဌာန၊ ညွှန်ကြားရေးမှူးချုပ်နှင့်တကွ ညွှန်ကြားရေးမှူးများ၊ PMT (Project Monitoring Team)အဖွဲ့ဝင်များ၊ AFoCo အတွင်းရေးမှူးရုံးမှ တာဝန်ရှိသူများနှင့် စီမံကိန်းညှိနှိုင်းရေးမှူးများ တက်ရောက်၍ ၂၀၂၅ ခုနှစ်အတွက် စီမံကိန်း၏ တိုးတက်မှုနှင့် အဓိကအောင်မြင်မှုများ၊ ၂၀၂၆ ခုနှစ်အတွက် အဆိုပြုထားသော လုပ်ငန်းအစီအစဉ်နှင့် ရန်ပုံငွေလျာထားချက်များ၊ ထပ်ဆောင်းရလဒ်နှင့် စီမံကိန်းလုပ်ငန်းစဉ်များကို အောင်မြင်စွာအကောင်အထည်ဖော်ဆောင်ရန် အထွေထွေ ကြိုတင်ပြင်ဆင်ထားရှိမှုများအား ရှင်းလင်းတင်ပြခဲ့‌‌ကြောင်းသိရသည်။

သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ Knowledge Sharing Presentation ကျင်းပ

(၂၇-၄-၂၀၂၆) ရက်၊ တနင်္လာနေ့ (၁၀:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ် ရုံ ဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ညွှန်ကြားရေးမှူး ချုပ်ရုံးမှ တောအုပ်ကြီးမှ ဒုတိယညွှန်ကြားရေးမှူး ထိ သစ်တောဝန်ထမ်း (၁၀၄) ဦး တက်ရောက်ပြီး ပြည်နယ်/တိုင်းဒေသကြီးများမှ တောအုပ်ကြီး၊ ဦးစီးအရာရှိနှင့် လက်ထောက်ညွှန်ကြားရေးမှူး (၁၇) ဦးစီက online စနစ်ဖြင့် တက်ရောက်ခဲ့သည်။ အစီအစဉ်အရ ဦးဆန်းမြင့်ထွန်း (ဒုတိယညွှန်ကြားရေးမှူး၊ သဘာဝဝန်းကျင်နှင့် သားငှက်တိရစ္ဆာန်ထိန်းသိမ်းရေးဌာနခွဲ)က သဘာပတိအဖြစ်ဆောင်ရွက်ပြီး ‌‌‌ဦးအောင်မျိုးဝင်း (လက်ထောက်ညွှန်ကြားရေးမှူး၊ စီမံကိန်းနှင့်စာရင်းအင်းဌာနခွဲ) မှ ထိုင်းနိုင်ငံ၌ကျင်းပသော တောမီးလောင်ကျွမ်းမှု ကာကွယ်တားဆီးရေးနှင့်ထိန်းချုပ်ရေး ဆိုင်ရာအစီအစဉ်အားလည်းကောင်း၊ ဦးမြင့်သိန်းဦး (ဒုတိယညွှန်ကြားရေးမှူး၊ စီမံကိန်းနှင့် စာရင်းအင်းဌာနခွဲ)လည်းကောင်း အသီးသီးရှင်းလင်းတင်ပြခဲ့ရာ ညွှန်ကြားရေးမှူး(ဘဏ္ဍာရေးဌာနခွဲ)က လာအိုနိုင်ငံ၊ ဗီယန်ကျင်းမြို့၌ ကျင်းပသော CLEAR SKY STRATEGY (၂၀၂၄-၂၀၃၀) ထိုင်း၊ မြန်မာ၊ လာအို(၃) နိုင်ငံ ပူးတွဲလုပ်ငန်းစီမံချက်အား ဆက်လက်ဆောင်ရွက်နိုင်ရေးအတွက် အလုပ်ရုံဆွေးနွေးပွဲအားလည်းကောင်း အသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်းမှုများ အားပြန်လည်ဆွေးနွေးဖြေကြားခဲ့ကြောင်းသိရှိရသည်။

၂၀-၃-၂၀၂၆ ရက်နေ့မှ ၂၆-၄-၂၀၂၆ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှဖမ်းဆီးရမိခြင်း

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၃၉.၇၉၄၂)တန်၊ သစ်မာ (၂၇.၀၃၇၈)တန်၊ အခြား (၂၉၄.၅၀၅၂)တန်၊ စုစုပေါင်း (၃၆၁.၃၃၇၂)တန်၊ ယာဉ်/ယန္တရား (5)စီး၊ တရားခံ (1၁)ဦး ဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၂-၄-၂၀၂၆ ရက်နေ့တွင် မန္တလေး တိုင်းဒေသကြီး၊ ရမည်းသင်းခရိုင်၊ ရမည်းသင်းမြို့နယ်၊ မြို့လှဘိနယ်၊ အလယ်ကုန်း ကျေးရွာအုပ်စု၊ အောင်ချမ်းသာကျေးရွာ၏အနောက်ဘက် (၁)မိုင်ခန့်အကွာ နေရာမှ တရားမဝင် ကညင်/ကဇော် သစ်လုံး စုစုပေါင်း(၃၅)လုံး (၄၉.၄၀၂၀)တန်၊ ပိုင်ရှင်မဲ့ ဖမ်းဆီးရမိမှု ဖြစ်ပါသည်။

မကွေးတိုင်းဒေသကြီး၊ မကွေးခရိုင်၊တောင်တွင်းကြီးမြို့နယ်၊သစ်တောဦးစီးဌာနမှူးရုံးမှ"သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုး/မြူငွေ့လျှော့ချရေး" ဆိုင်ရာအသိပညာပေးဟောပြောပွဲကျင်းပ

မကွေးတိုင်းဒေသကြီး၊မကွေးခရိုင်၊ တောင်တွင်းကြီးမြို့နယ်၊သစ်တောဦးစီးဌာနမှူးရုံးမှ ကြီးမှူး၍ (၂၇-၄-၂၀၂၆)ရက်နေ့ (၁၅:၀၀)နာရီအချိန် တောင်တွင်းကြီးမြို့နယ်၊ မြို့နယ်သစ်တောဦးစီးဌာနမှူးရုံးတွင် "သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့် မီးခိုး/မြူငွေ့လျှော့ချရေးဆိုင်ရာ အသိပညာပေးဟောပြောပွဲ ကျင်းပပြုလုပ်ခဲ့ရာ တောင်တွင်းကြီးမြို့နယ်၊မြို့နယ်ဦးစီးဌာနမှူးရုံးမှ ဦးမြင့်သန်းကို(ဦးစီးအရာရှိ)မှ "သစ်တောထိန်းသိမ်းရေး၊ရေသယံဇာတထိန်းသိမ်းရေးဆိုင်ရာ သိကောင်းစရာများနှင့်သစ် တောဥပဒေဆိုင်ရာ သိ ကောင်းစရာ"များကိုလည်းကောင်း ဦးထွန်းထွန်းဝင်း(တောအုပ်ကြီး)မှ "မီးခိုး/မြူငွေ့လျှော့ချရေး"ဆိုင်ရာများ၊တောမီးကာကွယ်ရေးစီမံချက်များ၊ Fire hotspotများလျော့နည်းစေရေးနှင့်လာမည့်မိုးရာသီကာလတွင် (၂) ပေအထက် အရိပ်ရပျိုးပင်များ အခမဲ့ဖြန့်ဝေသွားမည်ဖြစ်ကြောင်းဟောပြော ဆွေးနွေး ခဲ့ပါသည်။ တက်ရောက်လာသူ ပြည်သူများက သိလိုသည်များကိုတာဝန်ရှိသူများမှ ပြန်လည်ဖြေကြားခဲ့ရာ (၁၇:၁၅) နာရီချိန်တွင် ပြီးစီးခဲ့ပါသည်။ ဟောပြောပွဲသို့ တောင်တွင်းကြီးမြို့နယ်၊သစ်တောဦးစီးဌာနမှူးရုံးမှဝန်ထမ်း(၈)ဦး၊ သစ်/ပရိဘော/ဝါးအရောင်းဆိုင်များမှ ကျား (၃၆) ဦး၊ မ(၁၂) ဦး၊ စုစုပေါင်း (၅၆) ဦးတက်ရောက်ခဲ့ပါကြောင်း သတင်းရရှိသည်။

Pages

more