သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

သစ်တောဦးစီးဌာနနှင့် ကိုရီးယားသမ္မတနိုင်ငံ၊ AFoCO Secretariat တို့အကြား ပူးပေါင်းဆောင်ရွက်လျက်ရှိသည့် ရန်ကုန်တိုင်းဒေသကြီး၊ မှော်ဘီမြို့နယ်၊ အာရှဒေသ သစ်တော ပူးပေါင်းဆောင်ရွက်မှုအဖွဲ့၏ ဒေသအဆင့်လေ့ကျင့်ပညာပေးရေး သင်တန်း ကျောင်း (AFoCO RETC)တွင် ၂၀၁၈ ခုနှစ်မှစ၍ သင်တန်းများ ဖွင့်လှစ်ပို့ချ လျက်ရှိပါသည်၊၂၀၁၉ ခုနှစ်အတွင်း ဖွင့်လှစ်ပို့ချသွားမည့် သင်တန်းအစီအစဉ်အနက် “သစ်တောများ ပြန်လည်တည်ထောင်ရေးနှင့် စားနပ်ရိက္ခာဖူလုံရေးကို ဦးတည်လျက် ကိုရီးယားသမ္မတ နိုင်ငံ၏ အမျိုးသားအဆင့် စ်တောများ ပြန်လည်တည်ထောင်ခြင်း အတွေ့အကြုံများမှ ရရှိသည့် သင်ခန်းစာများဆိုင်ရာ ပုံမှန်သင်တန်းအစီအစဉ်” (AFoCO Regular Training Course on Lessons Learned from the National Reforestation Experiences of the Republic of Korea with Focus on Reforestation and Food Security)သင်တန်းကို ၂၀၁၉ ခုနှစ်၊ ဖေဖော်ဝါရီလ ၁၈ ရက်မှ ၂၂ ရက်နေ့အထိ ဖွင့်လှစ်ကျင်းပခဲ့ပါသည်၊ နိုင်ငံအလိုက် သို့မဟုတ် နယ်နမိတ် ထိစပ်လျက်ရှိသော နိုင်ငံများကြား သစ်တောများ ပြန်လည်ထူထောင်ရေးနှင့် စားနပ်ရိက္ခာဖူလုံစေရေး လုပ်ငန်းမူဝါဒနှင့် စီမံ အုပ်ချုပ်ခြင်း များအပေါ် စံနမူနာ လုပ်ငန်းများကို မျှဝေနိုင်ရန်၊ သစ်တောများ ပြန်လည်ထူထောင် ရာတွင် ယခင် အတွေ့အကြုံကောင်းများမှ သင်ခန်းစာယူ၍ ကိုယ်ပိုင်စံနမူနာ ပုံစံများ ဖော်ထုတ်နိုင်ရန်၊ ဆောင်ရွက်ဆဲ/ဆောင်ရွက်သွားမည့် သစ်တောပြန်လည်ထူထောင်ရေး ကြိုးပမ်းမှုများကို အာရှ နိုင်ငံများသို့ ဦးဆောင်လမ်းပြပေးရန် ရည်ရွယ်လျက် ဤ သင်တန်းအစီအစဉ်ကို ဖွင့်လှစ်ခဲ့ခြင်း ဖြစ်ပါသည်၊ကွင်းဆင်းလေ့လာရေး ခရီးစဉ်အဖြစ် မြန်မာ့သစ်တောများ ပြန်လည်ထူထောင်ရေး စီမံကိန်း ဧရိယာဖြစ်သော ပဲခူးတိုင်းဒေသကြီး၊ ဒိုက်ဦးမြို့နယ်၊ ကောလိယကြိုးဝိုင်းရှိ ၂၀၁၈-၂၀၁၉ ခုနှစ်၊ ကျွန်းစိုက်ခင်း ဧက(၁၅၀)သို့ သွားရောက်လေ့လာခဲ့ကြပါသည်၊

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမ၌ ၂၆-၂-၂၀၁၉ ရက်နေ့၊ နံနက်(၁၀:ဝဝ)နာရီအချိန်တွင် သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နှင့် တာဝန်ရှိသူများအား WWF-Myanmar မှ Mr.A.Christy Williasm, Country Diretor နှင့်အဖွဲ့မှ လာရောက်တွေ့ဆုံ၍ ဝန်ကြီးဌာနနှင့် WWF Myanmar တို့ လက်မှတ်ရေးထိုးထားသည့် MoU အောက်တွင် သစ်တောဦးစီးဌာနနှင့် လက်မှတ်ရေးထိုးထားသော မြန်မာ့ဇီဝမျိုးစုံမျိုးကွဲကာကွယ်ထိန်းသိမ်းရေး ပူးပေါင်းဆောင်ရွက်ခြင်းဆိုင်ရာ သဘောတူညီချက်စာလွှာ(LoA)အရ ဆောင်ရွက်မည့် တောရိုင်းတိရစ္ဆာန်ထိန်းသိမ်းရေးနှင့် သဘာဝထိန်းသိမ်းရေး နယ်မြေ စီမံခန့်ခွဲမှု သင်တန်းကျောင်း(Myanmar Wildlife Conservation and Protected Area Managenent School တည်ဆောက်နိုင်ရေး ကိစ္စများအားလာရောက် ဆွေးနွေးခဲ့ ပါသည်။

ပြည်သူပူးပေါင်းကာကွယ်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့ ချက်အရ ၂၅.၂.၂၀၁၉ ရက်နေ့ (၁၂:၃၀)နာရီအချိန်တွင် စေတုတ္တရာမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သောပူးပေါင်း အဖွဲ့သည် စေတုတ္တရာမြို့နယ်၊ ကြီးအုံကြီးဝဆည်၏ အနောက်ဘက်ကမ်းအနီး၊ ကြီးအုံကြီးဝဆည်ကမ်းစပ်၌ သိုဝှက်ထားသော တရားမဝင် ပိတောက်ခွဲသား ၉တန်ခန့်အား ပိုင်ရှင်မဲ့ ဖမ်းဆီးရမိခဲ့ပြီး၊ တရားခံများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး ဆောင်ရွက်လျက်ရှိပါသည်။