သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ရှမ်း​​ပြည်နယ်တောင်ပိုင်း၊ လင်းခေးမြို့နယ်၊ လွိုင်လုံကျေးရွာအုပ်စု၊ ပန်တဝိကျေးရွာဘုန်းတော်ကြီးကျောင်းတိုက်၌ ဟွေဟုတ်ကြိုးဝိုင်းတောဖွဲ့စည်းနိုင်ရေးအတွက် ကြေးတိုင်ပုံစံ(၁)ထုတ်ပြန်ကြေငြာထားရှိမှုကို ဒေသခံပြည်သူများ ကျာ်ကျယ်ပြန့်ပြန့်သိရှိနိုင်ရေးအတွက် အောက်တိုဘာလ ၁၈ နေ့လယ်ပိုင်းတွင် အသိပညာပေးရှင်းလင်းပွဲကျင်းပါသည်။ အဆိုပါအခမ်းအနားတွင် မြို့နယ်ကြေးတိုင်အရာရှိ၊ မြို့နယ်အုပ်ချုပ်ရေးမှူးမှ အမှာစကားပြောကြားပါသည်။ ဆက်လက်၍ မြို့နယ်သစ်တောဦးစီးဌာန၊ ဦးစီးအရာရှိက ဟွေဟုတ်ကြိုးဝိုင်းတောဖွဲ့စည်းနိုင်ရေးအတွက် ကြေးတိုင်ပုံစံ (၁)ပါ တည်နေရာ၊ နယ်နိမိတ်၊ အကျယ်အဝန်းသတ်မှတ်ချက်များကို မြေပုံနှငိ့တကွ အသေးစိတ်ရှင်းလင်းပြီး ကြိုးဝိုင်းဖွဲ့စည်းရခြင်း၏ အကျိုးကျေးဇူးများနှင့် ​ဒေသခံပြည်သူများလိုက်နာရမည့်အချက်အလက်များကို ေဆွးနွေးပြောကြားပါသည်။ ထို့နောက် မြို့နယ်အုပ်ချုပ်ရေးမှူးနှင့် တာဝန်ရှိသူများက ဟွေဟုတ်ကြိုးဝိုင်းတော၏ တည်နေရာပြမြေပုံနှင့် မြေအသုံးချမှုမြေပုံတို့ကို လွိုင်လုံကျေးရွာအုပ်စု၊ အုပ်ချုပ်ရေးမှူးနှင့် စာရေးဝန်ထမ်းတို့ကို ​ဒေသခံပြည်သူများ၏ ရှေ့မှောက်တွင် ပေးအပ်ခဲ့ကြောင်း သတင်းရရှိသည်။

(၂၈-၁၀-၂၀၂၅) ရက်၊ အင်္ဂါနေ့ (၁၀:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ညွှန်ကြား​ရေးမှူးချုပ်ရုံးမှ ​တောအုပ်ကြီးမှဒုတိယညွှန်ကြား​ရေးမှူးထိ သစ်​တောဝန်ထမ်းများ တက်​ရောက်ပြီး ပြည်နယ်/တိုင်းဒေသကြီးများမှ တောအုပ်ကြီး/ ဦးစီးအရာရှိ/ လက်ထောက်ညွှန်ကြားရေးမှူး (၂၂) ဦးစီက online စနစ်ဖြင့်တက်ရောက်ခဲ့သည်။ အစီအစဉ်အရ ဒေါက်တာအင်ကြင်းခိုင် (လက်ထောက်ညွှန်ကြားရေးမှူး၊ လေ့ကျင့်ရေးနှင့်သုတေသနဖွံ့ဖြိုးရေးဌာနခွဲ)က သဘာပတိအဖြစ် ဆောင်ရွက်ပြီး လက်ထောက်ညွှန်ကြားရေးမှူး ဒေါက်တာသင်းသင်းမှ ဗီယက်နမ်နိုင်ငံတွင် တက်ရောက်ခဲ့သည့် သစ်တောမီး စီမံအုပ်ချုပ်မှုဆိုင်ရာ တတိယအကြိမ်မြောက် စီမံကိန်းလုပ်ငန်း စီမံအုပ်ချုပ်မှုကော်မတီ အစည်းအဝေးအား ရှင်းလင်းတင်ပြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်းသိရှိရသည်။

(၂၇-၁၀-၂၀၂၅)ရက်နေ့ (၁၂း၃၀)နာရီအချိန်တွင် မြန်အောင်မြို့နယ်၊ သပြေကုန်းကျေးရွာ၊ အခြေခံပညာအထက်တန်းကျောင်း ၌ သစ်တောဦးစီးဌာန၊ မြန်အောင်မြို့နယ်၊ တောအုပ်ကြီး ဦး‌နိုင်ဝင်းနှင့် တောအုပ် ဦးအောင်သူ တို့မှ *သစ်တောသစ်ပင်နှင့် သဘာဝပတ်ဝန်းကျင်ထိန်းသိမ်းရေး၊ တရားမဝင်သစ်ထုတ်လုပ်မှုလျော့နည်းပပျောက်ရေး၊ တောမီးရှို့ခြင်းမှ ကာကွယ်ရေး၊ မီးခိုးမြူငွေ့လျော့ချရေးနှင့် တောဆင်ရိုင်းအန္တရာယ်ကာကွယ်ရေးဆိုင်ရာ အသိပညာပေးဟောပြောပွဲ* ကို ကျင်းပဆောင်ရွက်ခဲ့ပါသည်။ အဆိုပါအသိပညာပေးဟောပြောပွဲတွင် တောအုပ်ကြီး ဦးနိုင်ဝင်း က *သစ်တောသစ်ပင်နှင့် သဘာဝပတ်ဝန်းကျင်ထိန်းသိမ်းရေး၊ တရားမဝင်သစ်ထုတ်လုပ်မှု လျော့နည်းပပျောက်ရေး၊ မီးခိုးမြူငွေ့လျော့ချရေး* ခေါင်းစဉ်ဖြင့် လည်းကောင်း၊ တောအုပ်ဦးအောင်သူ က *တောမီးရှို့ခြင်းမှ ကာကွယ်ရေး၊ တောဆင်ရိုင်းအန္တရာယ်ကာကွယ်ရေး* ခေါင်းစဉ်ဖြင့်လည်းကောင်း အသိပညာပေးဟောပြောခဲ့ပြီး ဟောပြောပွဲသို့ အခြေခံပညာအထက်တန်းကျောင်း (သပြေကုန်း)မှ ကျောင်းအုပ်ဆရာမကြီးနှင့် ဆရာ(၉)ဦး၊ ဆရာမ (၄၂)ဦး၊ ကျောင်းသား‌(၁၁၆)ဦး၊ ကျောင်းသူ(၁၃၇)ဦး၊ သ‌ပြေကုန်းကျေးရွာအုပ်ချုပ်ရေးမှူးနှင့် သပြေကုန်းကျေးရွာမှ ဒေသခံ ရပ်မိရပ်ဖ ကျား(၃၀)ဦး၊ သစ်တောဝန်ထမ်း (၃)ဦး စုစုပေါင်း(၃၃၉)ဦး (ကျား(၁၅၉)ဦးနှင့် မ(၁၈၀)ဦး) တက်ရောက်ခဲ့ပါကြောင်း သတင်းရရှိသည်။