Welcome to Forest Department
No front page content has been created yet.
သတင်းနှင့်ကြေငြာချက်များ
သစ်တောဦးစီးဌာန၏ ၂၀၂၄- -၂၀၂၅ ဘဏ္ဍာနှစ်အစည်းအဝေးကို (၂၇-၆- ၂၀၂၄) ရက်နေ့၊ မွန်းလွဲပိုင်းတွင် သစ်တောဦးစီးရုံးချုပ်၊ အစည်းအဝေးခန်းမတွင် ကျင်းပပြုလုပ်ရာ သစ်တောဦးစီးဌာန၊ညွှန်ကြားရေးမှူးချုပ် ဒေါက်တာသောင်းနိုင်ဦး၊ ဒုတိယညွှန်ကြား ရေးမှူးချုပ်များ၊ ဦးစီးရုံးချုပ်ညွှန်ကြားရေးမှူးများနှင့် တာဝန်ရှိသူများ တက်ရောက်ကြပြီး ပြည်နယ်နှင့်တိုင်းဒေသကြီးညွှန်ကြားရေးမှူးများမှ Virtual စနစ်ဖြင့် တက်ရောက်ကြပါသည်။ ရှေးဦးစွာ သစ်တောဦးစီးဌာန၊ ညွှန်ကြားရေးမှူးချုပ်ဒေါက်တာသောင်းနိုင်ဦးက အဖွင့်အမှာစကားပြောကြားပါသည်။ ထို့နောက် ပြည်နယ်/တိုင်းဒေသကြီးနှင့် နေပြည်တော် သစ်တောဦးစီးဌာန ညွှန်ကြားရေးမှူးများမှ ၂၀၂၄- ၂၀၂၅ ဘဏ္ဍာနှစ်၊ ပထမ(၃)လပတ်အတွင်း ရငွေနှင့် သစ်တောထွက်ပစ္စည်းထုတ်လုပ်မှု လျာထားချက်အပေါ်ဆောင်ရွက် ပြီးစီးမှု၊ GDP တိုးတက်မှုနှင့် သစ်တောလုပ်ငန်း လျာထားချက်အပေါ် ဆောင်ရွက်ပြီးစီးမှု ဒုတိယ(၃)လပတ်လျာထားချက်အပေါ် လအလိုက်ဆောင်ရွက်မည့် အစီအမံများကိုလည်းကောင်း ဦးစီးရုံးချုပ်၊ ညွှန်ကြားရေးမှူးများမှ ဌာနအလိုက် ရှင်းလင်းတင်ပြကြပါသည်။တင်ပြချက်များအပေါ် ဒုတိယညွှန်ကြားရေးမှူးချုပ်များက ဖြည့်စွက်ဆွေးနွေးကြပြီး ညွှန်ကြားရေးမှူးချုပ်မှ လိုအပ်သည်များကို လမ်းညွှန်မှုပြုခဲ့ကြောင်းသိရှိရပါသည်။
သစ်တောဦးစီးဌာန လွိုင်လင်မြို့နယ်နှင့်လမ်းဦးစီးဌာန၊ လမ်းအထူးအဖွဲ့-၅တို့ ပူးပေါင်း၍ လွိုင်လင်-ပန်ကေတု-သီပေါလမ်း(၂-၃)ကီလိုမီတာလမ်းနယ်မြေအတွင်း၊ လွိုင်လင်မြို့အထွက်ပင်လုံကွန်ပျူတာတက္ကသိုလ် မျက်နှာစာနေရာ၌ (၂၈.၆.၂၀၂၄)ရက်နေ့တွင် ၂၀၂၄ ခုနှစ်၊ မိုးရာသီစုပေါင်းသစ်ပင်စိုက်ပျိုးပွဲကျင်းပရာ ပင်လုံကွန်ပျူတာတက္ကသိုလ်တာဝန်ခံ ပါမောက္ခချုပ် ဒေါ်မြင့်မြင့်ခိုင်ပါ ဆရာ/ဆရာမ ကျောင်းသား/ကျောင်းသူ(၂၂၀)ဦး၊ လွိုင်လင် ခရိုင် စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင်ပါ ထွေအုပ်/လမ်းဦးစီး/သစ်တောဝန်ထမ်း (၃၀)ဦး၊ စုစုပေါင်း(၂၅၀)ဦးဖြင့် ချယ်ရီ(၁၅၀)ပင်၊ စိန်ပန်းပြာ(၁၀၀)ပင် စုစုပေါင်း(၂၅၀)ပင် စိုက်ပျိုးခဲ့ပါကြောင်း သိရှိရပါသည်။
ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့နယ်သစ်တောဦးစီးဌာန၏ ဝေါမြို့နယ် အတွင်း၂၀၂၄ ခုနှစ်၊ မိုးရာသီသစ် ပင်စိုက်ပျိုးပွဲတော်အား(၂၇-၆-၂၀၂၄)ရက်နေ့၊ နံနက်(၈)နာရီ အချိန်တွင် ဝေါမြို့နယ်၊ ပြွန်စုကျေးရွာ၊မူလတန်း(လွန်)ကျောင်း မြေကွက်လပ်၌ ကျင်းပ ပြုလုပ်ခဲ့ရာဝေါမြို့နယ်၊ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးမင်းကိုကို ဦးဆောင်သည့် မြို့နယ်အဆင့်ဌာနဆိုင်ရာများ၊ ပြွန်စုကျေးရွာမှဒေသခံ ပြည်သူများ၊ ဆရာ/ဆရာမနှင့်ကျောင်းသား/ ကျောင်းသူများစုစု ပေါင်း(၂၀၀)ဦးတို့မှ ကျောင်းဝန်းအတွင်းအရိပ်ရလေကာပြီး စိမ်းလန်းစိုပြည်သာယာလှပစေရေးအတွက် သစ်တောသစ်ပင်များ အပါအဝင် အရိပ်ရပြီး အပွင့်ပွင့်သည့်သစ်မျိုးများ ပါဝင်သည့် ပျဥ်းကတိုး၊ ပိတောက်၊ ပျဥ်းမ၊ ယေမနေ၊ သပြေကြီး၊ မန်ဂျန်ရှား၊ ခရေ၊ ကံ့ကော်၊ ငုရွှေဝါ၊ စိန်ပန်းကြီး၊ တပေဘူတ၊ အာစီယံသပြေ စသည့် သစ်မျိုး(၁၂)မျိုး၊ ပျိုးပင်ပေါင်း (၁၀၀၀)ပင်အား စုပေါင်း၍စိုက်ပျိုးခဲ့ပါကြောင်း သိရှိရပါသည်။
သစ်တောဦးစီးဌာန၊ ရှမ်းပြည်နယ်(မြောက်ပိုင်း)၊ လားရှိုးခရိုင်၊ လားရှိုးမြို့နယ်၊ လွယ်ငူးကြိုးဝိုင်း၊ ရေကန်တောင်၊ ကန်အမှတ်(၄/၅)အနီး(၂၇.၆.၂၀၂၄)ရက်နေ့ နံနက်(၈:၀၀)တွင် ပြည်နယ်အဆင့်မိုးရာသီ စုပေါင်းသစ်ပင်စိုက်ပျိုးပွဲတော် အခမ်းအနားကျင်းပပြုလုပ်ခဲ့ပါသည်။ အခမ်းအနားတွင် ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းမြောက်)၊ ဥက္ကဌ ဦးမြင့်သန်းဝင်း၊ ခရိုင်စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းထွန်းနှင့် ရှမ်းပြည်နယ် (မြောက်ပိုင်း)၊ သစ်တောဦးစီးဌာနမှ ဒုတိယညွန်ကြားရေးမှူး ဦးသန်းဦးတို့မှ ဦးဆောင်၍ ပြည်နယ်အဆင့်ဌာနဆိုင်ရာများ၊ ခရိုင်အဆင့်ဌာနဆိုင်ရာများ၊ မြို့နယ်အဆင့်ဌာနဆိုင်ရာများ၊ မြန်မာနိုင်ငံရဲတပ်ဖွဲ့၊ သစ်တောလုံခြုံရေးရဲတပ်ဖွဲ့၊ မီးသတ်ဦးစီးဌာန၊ အမျိုးသမီးရေးရာ မိခင်နှင့်ကလေးစောင့်ရှောက်ရေး၊ သူနာပြုသင်တန်းကျောင်း၊ ပတ်ဝန်းကျင်ထိမ်းသိမ်းရေးဦးစီးဌာန၊ တိုင်းရင်းသားယဥ် ကျေးမှုအဖွဲ့များ၊ ဒေသခံပြည်သူများ၊ မြို့မိမြို့ဖများ၊ ကြက်ခြေနီအသင်း၊ သစ်လုပ်ငန်းရှင်များအသင်း၊ လူမှုရေးအသင်းအဖွဲ့များ၊ သစ်တောဦးစီးဌာနမှ ဝန်ထမ်းများစုပေါင်း၍ သစ်ပင်စိုက်ပျိုးခြင်းဆောင်ရွက်ခဲ့ပါသည်။ အဆိုပါသစ်ပင်စိုက်ပျိုးပွဲသို့ လူထုတက်ရောက်အင်အား (၉၀၀)ဦး တက်ရောက်ပြီး မန်ဂျန်ရှား၊ မယ်ဇလီ၊ ရေသင်းဝင်၊ စိန်ပန်းပြာ၊ သင်္ဘောတယ်၊ ခါတော်မှီ၊ ယမနေ၊ ချယ်ရီ၊ ခရေ စုစုပေါင်း(၁၁၀၀)ပင် စိုက်ပျိုးခဲ့ပါကြောင်းနှင့် သစ်ပင်စိုက်ပျိုးပွဲအခမ်းအနားပြီးမှာ ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းမြောက်)ဥက္ကဌမှ လားရှိုးမြို့နယ်၊ သစ်တောဦးစီးဌာန၏ မြို့မပျိုးဥယျာဉ်အား ကြည့်ရှုစစ်ဆေးခဲ့ပါကြောင်းသိရှိရပါသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော်ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာ အတွင်းမှ (၁၇-၆-၂၀၂၄)ရက်နေ့မှ (၂၃-၆-၂၀၂၄) ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊ အခြား စုစုပေါင်း (၂၃.၂၆၆၆) တန်ဖမ်းဆီးရမိခဲ့ပါသည်။
၂၀၂၄- ၂၀၂၅ ဘဏ္ဍာနှစ်၊ သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မ အဖွဲ့၏ ပထမအကြိမ် လုပ်ငန်းညှိနှိုင်းအစည်းအဝေးကို (၂၇-၆-၂၀၂၄) ရက်နေ့၊ နံနက်ပိုင်း တွင် သစ်တောဦးစီးရုံးချုပ်၊ အင်ကြင်းခန်းမ၌ ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း) ဦးဖေချစ် တက်ရောက်အဖွင့် အမှာစကား ပြောကြားပါသည်။ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း)က ယခုကျင်းပသော အစည်းအဝေးသည် သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မ အဖွဲ့မှပထမအကြိမ် ကျင်းပခြင်းဖြစ်ပြီး အဖွဲ့အနေဖြင့် အကြေအလည်ဆွေးနွေး၍ ရလဒ်ကောင်း ရရှိရေး ဆောင်ရွက်ရန်လိုအပ်ပါကြောင်း၊ မည်သည့်လုပ်ငန်း၊ မည်သည့်ကိစ္စရပ်မဆို အစီအမံချမှတ် ဆောင်ရွက်မှသာ လုပ်ငန်းဆောင်ရွက်ရာတွင် အဆင်ပြေချောမွေ့ နိုင်မည်ဖြစ်ပါကြောင်း သစ်တောဦးစီးဌာနအနေဖြင့် သစ်တောသယံဇာတများကို စီမံအုပ်ချုပ်ရာ တွင် ရှေယခင်ကတည်းက ခရိုင်သစ်တောအုပ်ချုပ်လုပ်ကိုင်မှု စီမံကိန်းကိုရေးဆွဲ ဆောင်ရွက်ခဲ့ပါကြောင်း၊ သစ်တောများကို ထာဝစဉ်တည်တံ့စေရန် ခရိုင်သစ်တော အုပ်ချုပ်လုပ်ကိုင်မှုစီမံကိန်းရေးဆွဲ၍ အုပ်ချုပ်လုပ်ကိုင်ခြင်းသည် အပြည်ပြည်ဆိုင်ရာ အပူပိုင်းဒေသသစ်အဖွဲ့ (International Tropical Timber Organization)က သတ်မှတ် ထားသော ရည်ရွယ်ချက်များနှင့် ကိုက်ညီပါကြောင်းနှင့် Sustainable Forest Manage ment (SFM)၏ စံချိန်စံညွှန်း (Indicator) တစ်ခုဖြစ်ပါကြောင်း၊ ခရိုင်သစ်တောအုပ်ချုပ်လုပ်ကိုင် မှုစီမံကိန်းများကို ဒုတိယနှစ်(၃၀) သက်တမ်းအတွက် ရေးဆွဲရန်မှာ သစ်တောဦးစီးဌာန၏ တာဝန်ဖြစ်သည့်အတွက် အလေးထား ဆောင်ရွက်သွားမည်ဖြစ်ပါကြောင်း၊ လာမည့်ကာလအတွက် ခရိုင်သစ်တောအုပ်ချုပ် လုပ်ကိုင်မှုစီမံကိန်းများကို ခရိုင်အလိုက်ရေးဆွဲရာတွင် ဘက်စုံ၊ ထောင့်စုံ၊ ကဏ္ဍစုံက ပျော့ကွက်ဟာကွက်မရှိအောင် ရေးဆွဲဆောင်ရွက်မည်ဖြစ်ပါကြောင်း၊ ခရိုင်သစ်တော အုပ်ချုပ်လုပ်ကိုင်မှုစီမံကိန်း၊ ဒုတိယနှစ်(၃၀)၏ ပထမ(၁၀)နှစ်စီမံကိန်းတို့ကို ခရိုင်အလိုက်ရေးဆွဲရာတွင် လက်တွေ့ကျပြီး လုပ်ကိုင်ဆောင်ရွက်နိုင်မည့် အခြေအနေ ကောင်းများပါဝင်စေလျက် ပြောင်းလဲတိုးတက်လာသည့် ယနေ့ခေတ်ကာလ အခြေအနေ နှင့် သဟဇာတဖြစ်စေရေး မျက်ခြေမပြတ် လေ့လာဖြည့်စွက်ရေးဆွဲဆောင်ရွက်သွားရမှာ ဖြစ်ပါကြောင်းနှင့် ဦးစီးရုံးချုပ်များတွင်ရှိသည့် Management Plan Core Unit အဖွဲ့အနေ နဲ့ ကြိုးပမ်းအားထုတ်ဆောင်ရွက်မှု လိုအပ်ပါကြောင်းမှာကြားပါသည်။
၂၀၂၄ ခုနှစ်၊ မြန်မာနိုင်ငံလုံးဆိုင်ရာ ပညာရေးညီလာခံအား ၂၀၂၄ ခုနှစ်၊ ဇွန်လ(၂၅) ရက်နေ့မှ(၂၇)ရက်နေ့ထိ အပြည်ပြည်ဆိုင်ရာကွန်ဗင်းရှင်းဗဟိုဌာန(MICC-II)၌ ကျင်းပ ဆောင်ရွက် လျက်ရှိရာသယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ပြခန်းခင်းကျင်းပြသလျက်ရှိပါသည်။ အဆိုပါ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနပြခန်းအား သစ်တောဦးစီးဌာနမှ ပြခန်းတာဝန်ခံ (Focal) အဖြစ် ဆောင်ရွက်လျက်ရှိရာ ပတ်ဝန်းကျင်ထိန်းသိမ်းရေးဦးစီးဌာနနှင့် သစ်တောတက္ကသိုလ်မှ ပူးပေါင်းခင်းကျင်းပြသလျက်ရှိကြောင်းသိရှိရပြီး ပြခန်းသို့ ကျောင်းသား၊ ကျောင်းသူများနှင့် ဌာနဆိုင်ရာအရာထမ်း၊အမှုထမ်းများ ဝင်ရောက်လေ့လာစည်ကားလျက်ရှိကြောင်း သိရှိရ ပါသည်။ အဆိုပါပြခန်းတွင် သစ်တောနှင့်သဘာဝပတ်ဝန်းကျင်ထိန်းသိမ်းရေးဆိုင်ရာ Game Play အစီအစဉ်များထည့်သွင်းပြသဆောင်ရွက်လျက်ရှိကြောင်း သိရှိရပါသည်။
၂၀၂၄ ခုနှစ်၊ မြန်မာနိုင်ငံလုံးဆိုင်ရာ ပညာရေးညီလာခံအား ၂၀၂၄ ခုနှစ်၊ ဇွန်လ(၂၅) ရက်နေ့မှ (၂၇) ရက်နေ့ထိ အပြည်ပြည်ဆိုင်ရာကွန်ဗင်းရှင်းဗဟိုဌာန(MICC-II) ၌ ကျင်းပဆောင်ရွက်လျက်ရှိရာ (၂၆-၆-၂၀၂၄)ရက်နေ့၊ ညီလာခံ ဒုတိယနေ့တွင် ညီလာခံ၏ ဆောင်ပုဒ်များနှင့်အညီ လူငယ်များအသိအမြင်ဖွံ့ဖြိုးတိုးတက်ပြီး တိုင်းချစ်ပြည်ချစ်စိတ်ရှိသော လူငယ်များပေါ်ထွန်းလာစေရေးအတွက် (Parallel Session) ဆွေးနွေးမှုအစီအစဉ် (၆) ရပ်ဖြင့်ဆွေးနွေးပွဲများကျင်းပဆောင်ရွက်လျက်ရှိကြောင်းသိရှိရသည်။ အဆိုပါ ဆွေးနွေးမှုအစီအစဥ်(၆)ရပ်အနက် သုတေသနနှင့် တီထွင်ဆန်းသစ်မှုကဏ္ဍ-Parallel Session (5) တွင် သုတေသနနှင့် တီထွင်ဆန်းသစ်မှုဖွံ့ဖြိုးတိုးတက်ရေး ခေါင်းစဉ်ဖြင့် ကျင်းပသည့်ဆွေးနွေးပွဲတွင် သစ်တောဦးစီးဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦးမှ "နိုင်ငံတော်စဥ်ဆက်မပြတ်ဖွံ့ဖြိုးတိုးတက်ရေးအတွက် သစ်တောနှင့်ပတ်ဝန်းကျင်ဆိုင်ရာသုတေသနနှင့် တီထွင်ဆန်းသစ်မှုအခန်းကဏ္ဍ" ခေါင်းစဉ်ဖြင့် စာတမ်းဖတ်ကြားခဲ့ပြီး တက်ရောက်လာသူများ၏ မေးမြန်းအကြံပြုချက်များအပေါ် ညွှန်ကြားရေးမှူးချုပ်၊ ဒေါက်တာသောင်းနိုင်ဦးမှ ပြန်လည်ဆွေးနွေးဆောင်ရွက်ခဲ့ကြောင်း သိရှိရပါသည်။