သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

(၂၆-၄-၂၀၂၆) ရက်နေ့ ၊နေ့လည် (၁၅:၀၀)နာရီအချိန်၊ ဧရာဝတီတိုင်းဒေသကြီး၊ မြောင်းမြခရိုင်၊ ဘိုကလေးမြို့နယ်၊ ပဝိန်ကျေးရွာအုပ်စု၊ အဝစုကျေးရွာ၊ ကျေးရွာ ဓမ္မာရုံတွင် ဘိုကလေးမြို့နယ် သစ်တောဦးစီးဌာန၊ တောအုပ်ကြီး ဦးအောင်မျိုးမှ "ရေချွေတာရေးနှင့်သဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာပေးဟောပြောပွဲ"ကို ကျင်းပခဲ့ပါသည်။ အဆိုပါအသိပညာပေးဟောပြောပွဲတွင်သစ်တောဝန်ထမ်း ၄ ဦး၊ကျေးရွာသား(၃၅) ဦး၊ကျေးရွာသူ (၂၀ ) ဦး ၊စုစုပေါင်း(၅၉) ဦးတက်ရောက်ခဲ့ပါသည်။ ရေသည် လူနှင့် တိရစ္ဆာန်များအတွက်သာမက သက်ရှိအပင်များအားလုံးအတွက်လည်း အရေးကြီးဆုံးအရာ ဖြစ်ပါကြောင်းနှင့် လူ့အရေးသုံးပါးဖြစ်သည့် "စားရေး၊ ဝတ်ရေး၊ နေရေး" များစွာထဲမှာ သောက်သုံးရေ အလုံအလောက် ရရှိမှုကလည်း အခြေခံ လိုအပ်ချက် တစ်ခု ဖြစ်ပါကြောင်းနှင့် ထိန်းသိမ်းကာကွယ်ဆောင်ရွက်နိုင်မည့် နည်းလမ်းများ၊ အကျိုးကျေးဇူး စသည့်အကြောင်းအရာများဆွေးနွေးးအသိပညာပေးဟောပြောခဲ့ပါကြောင်းသတင်းရရှိသည်။

(၂၆.၄.၂၀၂၆) ရက်နေ့၊ နံနက်(၉း၀၀)နာရီအချိန်တွင် ကျိုက်ထိုမြို့နယ်၊ သစ်တောဦးစီးဌာနမှ ကျိုက်ထိုမြို့နယ်၊ ကော့ဘိန်းကျေးရွာ၊အောင်ဦးအထပ်သားစက်ရုံ၌ *''Fire Hotspot ဖြစ်ပွားမှုလျော့နည်းပပျောက်ရေး၊တောမီးလောင်ကျွမ်းမှုမရှိစေရေး ထိန်းသိမ်းကာကွယ်ခြင်း အသိပညာပေးဟောပြောပွဲ''ကျင်းပပြုလုပ်ရာ ဟောပြောပွဲသို့ ကော့ဘိန်းကျေးရွာ၊ ပျဥ်းမစခန်းကျေးရွာမှ ကျေးရွာသူ/သားများ ကျား (၁၃)ဦး၊ မ (၅၄) ဦးနှင့် ကျိုက်ထိုမြို့နယ် ဦးစီးအရာရှိပါ သစ်တောဝန်ထမ်း (၇) ဦး၊ စုစုပေါင်းကျား(၂၀)ဦး၊ မ( ၅၄)ဦး၊ စုစုပေါင်း(၇၄)ဦး တက်ရောက်ခဲ့ကြပြီး အဆိုပါ ဟောပြောပွဲ တွင် ကျိုက်ထိုမြို့နယ်၊ သစ်တောဦးစီးဌာနမှ ဦးစီးအရာရှိ ဦးသိန်းအောင်နိုင်မှ သစ်တော ထိန်းသိမ်းရေး၊တောမီးကာကွယ်ရေးနှင့် မီးခိုး/မြူငွေ့လျော့ချရေး၊ Fire Hotspot ဖြစ်ပွားမှုလျော့ချ ရေးဟောပြောခြင်းများဆောင်ရွက်ကာ တက်‌ရောက်လာသည့်‌ ရွာသူ/သားများက သိရှိလိုသည့် မေးမြန်း ချက်များအပေါ် ပြန်လည်ဖြေကြားခြင်းများ ဆောင်ရွက်ခဲ့ပါကြောင်း သတင်းရရှိသည်။

ရန်ကုန်တိုင်းဒေသကြီး၊ ထန်းတပင်မြို့နယ်၊ ဓနဲရိကျေးရွာအုပ်စု၊ ဓနဲရိကျေးရွာရှိ အ.မ.ကကျောင်းတွင် (၂၆.၄.၂၀၂၆)ရက်နေ့၊ (၀၉:၃၀) နာရီအချိန်တွင် “သစ်တော ထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေး ဟောပြောပွဲ”ကျင်းပခဲ့ရာ ထန်းတပင်မြို့နယ်၊ သစ်တောဦးစီးဌာနမှ မြို့နယ်ဦးစီးဌာနမှူးပါ သစ်တောဝန်ထမ်း(၁၁)ဦး၊ ဓနဲရိကျေးရွာမှ အမျိူးသား (၃၈)ဦး အမျိုးသမီး(၂)ဦး၊ စုစုပေါင်း အမျိုးသား(၄၉)ဦး၊ အမျိုးသမီး (၂)ဦး၊ စုစုပေါင်း(၅၁)ဦးတို့ တက်ရောက်ခဲ့ပါသည်။ ဆွေးနွေးပွဲတွင် သစ်တောဦးစီးဌာန၊ ထန်းတပင်မြို့နယ်၊ မြို့နယ်ဦးစီးဌာနမှူး ဦးနိုင်လင်းထွန်းမှ သစ်တောသစ်ပင်များအကြောင်း၊ ဇီဝမျိုးစုံမျိုးကွဲများနှင့် ဂေဟစနစ်များအကြောင်း၊ သစ်တော များကပေးစွမ်းနိုင်သည့် ဂေဟစနစ်ဆိုင်ရာအကျိုးကျေးဇူးများ၊ ရာသီဥတုပြောင်းလဲမှု လျှော့ချ ရေးတွင် သစ်တောများ၏အရေးပါမှု၊ အကျိုးကျေးဇူးများနှင့် မီးခိုးမြူငွေ့ လျော့ချရေးအတွက် Fire Hotspotsများ လျော့နည်းကျဆင်းအောင် ပတ်ဝန်းကျင်နိုင်ငံများနှင့် ပူးပေါင်းဆောင်ရွက် နေမှုများအကြောင်းနှင့် တောမီးရှို့ခြင်း၊ လယ်ယာများမီးရှို့ခြင်းများမပြုလုပ်ရန်၊ မီးခိုးမြူငွေ့ လေထု ညစ်ညမ်းမှု၏ ဆိုးကျိုးများ၊ မီးခိုးမြူငွေ့ညစ်ညမ်းမှုထိန်းချုပ်ရေး ဆောင်ရွက်နေမှု အခြေအနေများ၊ သစ်တောများ ထိန်းသိန်းရေးအကြောင်းနှင့် သစ်တောမှ ပေးစွမ်းနိုင်သော အကျိုးကျေးဇူး များအကြောင်းတို့ကို တက်ရောက်လာကြသည့် ကျေးရွာနေပြည်သူများကို အသိပညာပေး ဟောပြောခဲ့ပြီး လက်ကမ်းစာစောင်များ ဖြန့်ဝေဆောင်ရွက် ခဲ့ပါကြောင်း သတင်းရရှိသည်။