သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

အဂတိလိုက်စားမှုတိုက်ဖျက်ရေးဆိုင်ရာ အသိပညာပေး ပိုစတာ၊ ပန်းချီနှင့် ဗီဒီယိုပြိုင်ပွဲကို “အဂတိလိုက်စားမှုများတိုက်ဖျက်ဖို့ ပူးပေါင်းဆောင်ရွက်ကြပါစို့” ခေါင်းစဉ်ဖြင့် ကျင်းပပြုလုပ်သွား မည်ဖြစ်ရာ လူငယ်လူရွယ်များ ဝင်ရောက်ယှဉ်ပြိုင်နိုင်ပါကြောင်း ဖိတ်ခေါ်အပ်ပါသည်။

၂၀၂၅ ခုနှစ်၊ ဇွန်လ ၁၀ ရက်နေ့၊ ၁၅:၀၀နာရီတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန ညွှန်ကြားရေးမှူးချုပ် ဒေါက်တာသောင်းနိုင်ဦးသည် ပြင်ဦးလွင်ခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူးရုံးရှိ အရာထမ်း/ အမှုထမ်းများနှင့် တွေ့ဆုံခဲ့ရာ အဆိုပါတွေ့ဆုံပွဲသို့ မန္တလေးတိုင်းဒေသကြီး၊ သစ်တောဦးစီးဌာနညွှန်ကြားရေးမှူးနှင့် ပြင်ဦးလွင်ခရိုင်ရုံးရှိ ဝန်ထမ်းများ တက်ရောက်ခဲ့ကြပြီး ညွှန်ကြားရေးမှူးချုပ်က ဝန်ထမ်းများ စည်းစည်းလုံးလုံးဖြင့် နိုင်ငံတာဝန်ကျေပွန်စေရေးကြိုးပမ်းဆောင်ရွက်ရန်၊ တစ်ဦးနှင့် တစဦးကူညီရိုင်းပင်းချစ်ခင်လေးစားမေတ္တာထားဆောင်ရွက်ရန်နှင့်ဝန်ထမ်းများထားရှိရမည့် စိတ်ဓာတ်နှင့်ခံယူချက်ရှင်းလင်းမှာကြားပါသည်၊ ဆက်လက်၍ ပြင်ဦးလွင်မြို့စိမ်းလန်းစိုပြည်သာယာလှပစေရေးအတွက်သစ်တောပြုစုထိန်းသိမ်းခြင်းလုပ်ငန်းများအားထည့်ဆောင်ရွက်ရန်တို့ကိုလမ်းညွှန်မှာကြားခဲ့ပါကြောင်းသတင်းရရှိပါသည်။

သစ်​တောဦးစီးဌာန၊ ညွှန်ကြား​ရေးမှူးချုပ်ရုံးနှင့် တိုင်း​ဒေသကြီး/ပြည်နယ်တာဝန်ခံများ လုပ်ငန်းညှိနှိုင်းအစည်းအ​ဝေးကို (၁၂-၆-၂၀၂၅)ရက်၊ ကြာသပတေးနေ့၊ (၀၉:၃၀) နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ကျင်းပရာ ညွှန်ကြားရေးမှူးချုပ်၊ ဒေါက်တာသောင်းနိုင်ဦး တက်ရောက်၍ အဖွင့်အမှာစကားပြောကြားသည်။အစည်းအဝေးသို့ သစ်တောဦးစီးဌာန၊ ညွှန်ကြားရေးမှူးချုပ်ရုံးမှ ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း)၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် တာဝန်ရှိသူများ တက်ရောက်ပြီး တိုင်းဒေသကြီး/ ပြည်နယ်တာဝန်ခံများမှ ဗီဒီယိုကွန်ဖရင့်စနစ်ဖြင့် တက်ရောက်ပါသည်။ဦးစွာသစ်တောဦးစီးဌာန၊ ညွှန်ကြားရေးမှူးချုပ်မှ ၂၀၂၅-၂၀၂၆ ဘဏ္ဍာနှစ် ပထမ(၃)လပတ် ပြည်ထောင်စု ဘဏ္ဍာရန်ပုံငွေ အခွန်ရငွေသည် လျာထားချက်အပေါ် ( ၆၅.၈၃ )ရာခိုင်နှုန်းနှင့် သာမန်ရငွေသည် လျာထားချက်၏ (၇၄.၁၂) ရာခိုင်နှုန်း ကောက်ခံနိုင်ခဲ့ပြီး ကောက်ခံရန် ကျန်သည့်ရငွေများ အချိန်မီ အပြည့်အဝ ကောက်ခံရန် တိုက်တွန်းကြောင်း နှင့် မိုးကာလအတွင်း သစ်ပင်စိုက်ပျိုးမှု၊ လူထုဖြန့်ပျိုးပင်များဖြန့်ဝေမှုများ စနစ်တကျနှင့်အချိန်မီ ပြီးစီး​အောင်ဆောင်ရွက်ရေး ကြိုးပမ်းဆောင်ရွက်ကြရန် ​ပြောကြားခဲ့သည်။အစည်းအ​ဝေးတွင် တိုင်းဒေသကြီး/ ပြည်နယ်နှင့် ဦးစီးရုံးချုပ်ဌာနများမှ ညွှန်ကြားရေးမှူးများက ၂၀၂၅-၂၀၂၆ ဘဏ္ဍာနှစ် ရ​ငွေရရှိမှု ၊ သုံးစွဲမှုအ​ခြေအ​နေများ၊ ဂျီဒီပီ၊ ဂျီအိုဗွီ တိုးတက်မှုများ၊ ၂၀၂၅ ခုနှစ် မိုးရာသီ သစ်ပင်စိုက်ပျိုးမှု၊ လူထုဖြန့်ပျိုးပင်ဖြန့်ဝေမှု အခြေအ​နေများအား ရှင်းလင်း တင်ပြ​ဆွေး​နွေးမှုများအ​ပေါ် ညွှန်ကြား​ရေးမှူးချုပ်ကိုယ်စား ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း)က ဖြည့်စွက်ဆွေးနွေးခဲ့ကြောင်း သတင်းရရှိသည်။