ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင သဘာဝပတ်ဝန်းကျင်ထိန်း သိမ်း ရေးဝန်ကြီးဌာနသည် ၂၀၁၈ ခုနှစ်တွင် ပြဋ္ဌာန်းထားသည့် သစ်တောဥပဒေပုဒ်မ၆၊ ပုဒ်မခွဲ(င) အရ အပ်နှင်းထားသော လုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်အတွင်း ကျရောက်နေသည့် ဧရိယာအကျယ်အဝန်း (၆၀၁.၆)ဧကရှိသော နယ်မြေကို “သရက်တောင်ကြီးဒီရေတောကြိုးပြင်ကာကွယ်တော”အဖြစ် အမိန့်ကြော်ငြာစာအမှတ် (၄၇/၂၀၂၄)အရ ၁၃၈၆ခုနှစ်၊ နယုန်လဆန်း ၁ ရက် (၂၀၂၄ ခုနှစ်၊ ဇွန်လ ၇ ရက်) မှစ၍ သတ်မှတ်ကြောင်းကြေညာလိုက်သည်။

(၁၆.၅.၂၀၂၄)ရက်နေ့၊မွန်းလွဲ (၁၁:၀၀)နာရီတွင်သစ်တောနှင့်ဇီဝမျိုးစုံမျိုးကွဲထိန်းသိမ်းရေးဆိုင်ရာအသိပညာပေးဟောပြောပွဲအားသစ်တောဦးစီးဌာန၊မူဆယ်ခရိုင်၊ချယ်ရီခန်းမ၌ကျင်းပပြုလုပ်ရာ"ကျော်"ပုဂ္ဂလိကကိုယ်ပိုင်အထက်တန်းကျောင်းမှ ဆရာ/ဆရာမ(၂)ဦး၊ ကျောင်းသား/ကျောင်းသူ(၅၅)ဦး၊ စုစုပေါင်း(၅၇)ဦးတက်ရောက်ခဲ့ပါသည်။ ထို့နောက် မူဆယ်ခရိုင်၊ လက်ထောက်ညွှန်ကြားရေးမှူးဦးဇော်သက်မှ သစ်တောနှင့်ဇီဝမျိုးစုံမျိုးကွဲများဆိုင်ရာအသိပညာပေးခြင်း၊ သစ်တောများနှင့် ရာသီဥတုပြောင်းလဲမှုလျော့ချရေးအသိပညာပေးခြင်းအားလည်းကောင်း ၊ မူဆယ်မြို့နယ်၊ ဦးစီးအရာရှိဦးမျိုးစည်သူအေးမှ သစ်တောများနှင့် ရေဝေရေလဲများထိန်းသိမ်းရေး၊ သစ်တောများမှပေးစွမ်းနိုင်သောအကျိုးကျေးဇူးများအားလည်းကောင်း၊ ပတ်ဝန်းကျင်ထိန်းသိမ်းရေးဆိုင်ရာအကြာင်းအရာများအား ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လက်ထောက်ညွှန်ကြားရေးမှူးဦးအယ်လ်စိုးထန်တူးမှလည်းကောင်း ရှင်းလင်းဟောပြောခဲ့ပါသည်။ ထို့နောက် ရွှေသမင်ပျိုးဉယျာဉ်တွင် ပျိုးပင်များပျိုးထောင်ပြုစုထိန်းသိမ်းခြင်းအား တောအုပ်ဦးမျိုးသန်းထိုက်မှ လက်တွေ့ရှင်းလင်းပြသခဲ့ပြီး၊ချယ်ရီ၊ထင်းရှူး၊ခါတော်မှီစုစုပေါင်း(၃၀)ပင် အားပေးအပ်ခဲ့ကြောင်းသိရှိရပါသည်။

ရန်ကုန်တိုင်းဒေသကြီး၊ မှော်ဘီခရိုင်၊ ထန်းတပင်မြို့နယ်တွင်သစ်တောဦးစီးဌာနမှ ဦးဆောင်၍ နွေရာသီ ကျောင်းပိတ်ရက်၌ ကျောင်းသား/ ကျောင်းသူများအား “သစ်တောနှင့် ဇီဝမျိုးစုံမျိုးကွဲ ထိန်းသိမ်းရေးဆိုင်ရာ အသိပညာပေးဟောပြောပွဲ”ကို(၁၆-၅-၂၀၂၄)ရက်နေ့၊နံနက်(၀၈:၃၀)နာရီတွင် ထန်းတပင်မြို့၊ အခြေခံပညာအထက်တန်းကျောင်း၊ လှိုင်ရတနာခန်းမတွင် ကျင်းပပြုလုပ်ရာ ဟောပြောပွဲသို့ ထန်းတပင်မြို့နယ်၊ အထွေထွေအုပ်ချုပ်ရေးဦးစီးဌာနမှ ဒုတိယဦးစီးမှူး၊ ထန်းတပင် မြို့နယ် မြို့နယ်ပညာရေးမှူး၊ ကျောင်းအုပ်ဆရာကြီးနှင့် ဆရာ/ဆရာမ (၁၅)ဦး၊ ကျောင်းသား/ကျောင်းသူ (၅၇)ဦးစုစုပေါင်း (၇၃)ဦး တို့ တက်ရောက်ခဲ့ကြပြီး သစ်တောဦးစီးဌာန၊ မြို့နယ်ဦးစီးဌာနမှူး ဦးနိုင်လင်းထွန်းမှ ကျောင်းသား/ ကျောင်းသူများအား သစ်တောသစ်ပင်နှင့် ဇီဝမျိုးစုံမျိုးကွဲများဆိုင်ရာ အသိပညာပေးခြင်း၊ သစ်တောသစ်ပင်များမှ ရာသီဥတု ပြောင်းလဲမှုကို လျော့ချရေးဆိုင်ရာ အသိပညာပေးခြင်း၊ သစ်တောများနှင့် ရေဝေရေလဲဒေသများ ထိန်းသိမ်းခြင်းနှင့် သစ်တောများမှ ပေးစွမ်းနိုင်သော အကျိုးကျေးဇူးများကို ဟောပြောခဲ့ပြီး ဟောပြောပွဲတက်ရောက်လာသူများအား အသိပညာပေး လက်ကမ်းစာစောင်များကို ဖြန့်ဝေပေးခဲ့ကြသည်။ ဆက်လက်၍ သစ်ပင်စိုက်ပျိုးခြင်း အခြေခံနည်းစနစ်တို့ကို ရှင်းလင်းသရုပ်ပြခဲ့ပြီး ကျောင်းဝန်းအတွင်း ကံ့ကော်ပင်(၁)ပင် ခရေပင်(၂)ပင် တို့ကို စိုက်ပျိုးခြင်းများ ဆောင်ရွက်ခဲ့ပါသည်။ ထို့နောက် ထန်းတပင်မြို့နယ်၊ သီတာအေး(ယာယီ)ပျိုးဥယျာဉ်သို့ သွားရောက်လေ့လာကြရာ ကျောင်းသား/ကျောင်းသူများက သိရှိလိုသည်များ မေးမြန်းခြင်း၊ပြန်လည်ရှင်းလင်းဖြေကြားခြင်းများ ဆောင်ရွက်ခဲ့ကြကြောင်းသိရှိရပါသည်။