၂၀၂၄ခုနှစ် ဖေဖော်ဝါရီလ (၂)ရက်နေ့တွင် မိုးယွန်းကြီးအင်းဘေးမဲ့တော၌ ကျင်းပပြုလုပ်မည့် World Wetland Day အခမ်းအနားနှင့် ဖေဖော်ဝါရီလ လကုန်ပိုင်းတွင် ပုပ္ပါးတောင်အမျိုးသားဥယျာဉ်၌ ကျင်းပပြုလုပ်မည့် Popa Mountain National Geopark ဆိုင်းဘုတ်ဖွင့်လှစ်ပွဲ အခမ်းအနားများ အတွက် အကြိုလုပ်ငန်းညှိနှိုင်း အစည်းအဝေးကို ၁၇-၁-၂၀၂၄ ရက်နေ့တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ကျင်းပပြုလုပ်ခဲ့ရာ ညွှန်ကြားရေးမှူးချုပ် ဒေါက်တာသောင်းနိုင်ဦးနှင့် ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ တက်ရောက်ခဲ့ပါသည်။ အစည်းအဝေးတွင် သဘာဝဝန်းကျင်နှင့် သားငှက်တိရစ္ဆာန်ထိန်းသိမ်းရေးဌာနမှ တာဝန်ရှိသူများမှ အခမ်းအနားများအလိုက် ကြိုတင်ပြင်ဆင်ဆောင်ရွက်ထားရှိမှုများအား ရှင်းလင်းတင်ပြရာ ညွှန်ကြားရေးမှူးချုပ်နှင့် တက်ရောက်လာသူများမှ ဝိုင်းဝန်းဆွေးနွေးခဲ့ပါသည်။ ဆက်လက်၍ မြန်မာနိုင်ငံ၏ သစ်တောဖုံးလွှမ်းမှု အခြေအနေ(FRA 2025) တွက်ချက် ထုတ်ပြန်နိုင်ရေး အတွက် ဆောင်ရွက်မှုအခြေအနေများကို စီမံကိန်းနှင့်စာရင်းအင်းဦးစီးဌာနမှ လက်ထောက်ညွှန်ကြားရေးမှူး ဒေါက်တာသင်းသင်းမှ ရှင်းလင်းတင်ပြခဲ့ရာ လိုအပ်သည်များ ဝိုင်းဝန်းဆွေးနွေးခဲ့ကြပါသည်။

(၂၅-၃-၂၀၂၄) ရက်နေ့၊ ညနေပိုင်းတွင် သစ်တောဦးစီးဌာနနှင့် အာရှသစ်တောကဏ္ဍ ဆိုင်ရာ ပူးပေါင်းဆောင်ရွက်ရေးအဖွဲ့ Asian Forest Cooperation Organization – AfoCo တို့ ပူးပေါင်း၍ပဲခူးတိုင်းဒေသကြီးအတွင်းတည်ထောင်ထားရှိသည့် ကျွန်းစိုက်ခင်းများတွင် ကျရောက် တတ်သည့် ဖျက်ပိုးနှင့် ရောဂါများအား ဘက်စုံကာကွယ်နှိမ်နင်းခြင်း နည်းလမ်းများဖြင့် စီမံ အုပ်ချုပ်ခြင်း စီမံကိန်းဆိုင်ရာ ဆွေးနွေးပွဲကို သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အစည်းအဝေးခန်းမတွင် ကျင်းပပြုလုပ်ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦး ၊ သစ်တောဦးစီးဌာနမှ ဒုတိယညွှန်ကြားရေးမှူးချုပ်များ၊ ညွှန်ကြားရေး မှူးများ၊ ပဲခူးတိုင်းဒေသကြီးမှ ခရိုင်တာဝန်ခံများ၊ မြို့နယ်ဦးစီးအရာရှိ များနှင့် စီမံကိန်းမှ သက်ဆိုင်ရာတာဝန်ရှိသူများ တက်ရောက်ခဲ့ကြပြီး ညွှန်ကြားရေးမှူးချုပ် ဒေါက်တာ သောင်းနိုင်ဦးမှ အဖွင့်အမှာစကားပြောကြားသည်။သစ်တောသုတေသနဌာန၊ ဒုတိယညွှန်ကြား ရေးမှူးမှ FD- AfoCo ၊ IPDN Project နှင့် ပတ်သက်၍ အကောင်အထည်ဖော် ဆောင်ရွက် နေမှုများအား ရှင်းလင်းတင်ပြခြင်း၊ စိုက်ပျိုးရေးသုတေသနဦးစီးဌာနမှ ဖျက်ပိုး/ အပင်ရောဂါ ကျရောက်နိုင်မှုများနှင့် ပတ်သက်၍ ရှင်းလင်းတင်ပြခြင်း၊ FD- AfoCo ၊ IPDN Project မှ Pest / Disease Technician များမှ ကျွန်းစိုက်ခင်း များတွင် ကျရောက်တတ်သည့် ရောဂါ/ ဖျက်ပိုးများအကြောင်း ရှင်းလင်းတင်ပြခြင်းများ ဆောင်ရွက်ခဲ့ကြပြီး တက်ရောက်လာသူများမှ သိရှိလိုသည်များနှင့် သီးခြားအကြံပြုချက်များ ဝိုင်းဝန်းဆွေးနွေးဆောင်ရွက်ခဲ့ကြကြောင်း သိရှိရ သည်။

(၁၇.၁.၂၀၂၄) ရက်နေ့တွင်သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်း ခန်းမ၌ သစ်တောဦးစီးဌာနနှင့် မီးသတ်ဦးစီးဌာနတို့ ပူးပေါင်း၍ မီးဘေးအန္တရာယ် ကြိုတင် ကာကွယ်ရေး၊ မီးဘေးလုံခြုံရေးအသိပညာပေးဆွေးနွေးပွဲနှင့် မီးငြိမ်းသတ်ရေးဆိုင်ရာ သရုပ်ပြလုပ်ငန်းများ ဆောင်ရွက်ခဲ့ရာ မီးသတ်ဦးစီးဌာန၊ ဥတ္တရသီရိခရိုင်၊ လက်ထောက် ညွှန်ကြားရေးမှူး၊ ဦးအောင်အောင်ထွန်းနှင့် ဥတ္တရသီရိမြို့နယ်၊ မြို့နယ်ဦးစီးအရာရှိ၊ ဦးစိုးသက်နောင်တို့မှ မီးလောင်မှုဖြစ်ပွားသည့် အခြေခံအကြောင်းတရားများ၊ မီးဘေး အန္တရာယ်ကြိုတင်ကာကွယ်နိုင်ရေးဆောင်ရွက်မှုများ၊ မီးငြိမ်းသက်ခြင်းဆိုင်ရာ အခြေခံ အသိပညာများကို ဟောပြောရှင်းလင်းတင်ပြခဲ့ပြီး လက်တွေ့မီးငြိမ်းသတ်ရေး မြေပြင် သရုပ်ပြခြင်းများဆောင်ရွက်ခဲ့ရာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ သောင်းနိုင်ဦး၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သစ်တောဦးစီး ရုံးချုပ်မှ အရာထမ်း၊ အမှုထမ်းများ တက်ရောက်ခဲ့ကြပါသည်။