သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

၃၁-၃-၂၀၂၆ ရက်နေ့၊ နံနက်၁၀:၀၀ အချိန်တွင်မွန်ပြည်နယ်၊ သံဖြူဇရပ်မြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ Fire Hotspot ဖြစ်ပွားမှု လျှော့ချရေးနှင့် မီးခိုးမြူငွေ့ညစ်ညမ်းမှုထိန်းချုပ်ရေး အသိပညာပေး ဆွေးနွေးပွဲကျင်းပခဲ့ရာတွင် မွန်ပြည်နယ်၊ ပတ်ဝန်းကျင်ထိန်းသိမ်းရေးဦးစီးဌာန၊ ညွှန်ကြားရေးမှူး၊ ဒေါ်မိုးမြင့်မြင့်ရှိန်မှ"မီးခိုးမြူငွေ့နှင့် Fire Hotspot ဖြစ်ပေါ်မှု လျှော့ချနိုင်ရေးနည်းလမ်းများ" ခေါင်းစဥ်ဖြင့်လည်းကောင်း၊ မော်လမြိုင်ခရိုင်ပတ်ဝန်းကျင်ထိန်းသိမ်းရေးဦီးစီးဌာန၊ လက်ထောက်ညွှန်ကြားရေးမှူး၊ ဦီးမင်းနိုင်ဦးမှ "မွန်ပြည်နယ်အတွင်း Fire Hotspot ဖြစ်ပွားမှုလျှော့ချရေးနှင့် မီးခိုးမြူငွေ့ညစ်ညမ်းမှု ထိန်းချုပ်ရေးအသိပညာပေးဆွေးနွေးချက်များ" ခေါင်းစဉ်ဖြင့်လည်းကောင်း၊ မော်လမြိုင်ခရိုင် သစ်တောဦးစီးဌာန၊ လက်ထောက်ညွှန်ကြားရေးမှူး ဦးအောင်ဇော်ထူးမှ "တောမီးလောင်ကျွမ်းမှု မဖြစ်ပေါ်စေရေးတားဆီးကာကွယ်ခြင်းဆိုင်ရာ" ခေါင်းစဉ်ဖြင့်လည်းကောင်း၊သံဖြူဇရပ်မြို့နယ်မီးသတ်ဦးစီးဌာန၊ မြို့နယ်ဦးစီးမှူးမှ "မီးဘေးအန္တရာယ်ကြိုတင်ကာကွယ်ရေးနှင့် Fire Hotspot လျှော့ချရေး" ခေါင်းစဉ်ဖြင့်လည်းကောင်း၊ သံဖြူဇရပ်မြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူးမှ "ရိုးပြတ်မီးရှို့ခြင်းမှကာကွယ်ရေး" ခေါင်းစဉ်ဖြင့်လည်းကောင်း အသိပညာပေးဆွေးနွေးပွဲကျင်းပခဲ့ကြပြီး ဆွေးနွေးပွဲသို့ သံဖြူဇရပ်မြို့နယ်ရှိ ဌာနဆိုင်ရာများမှ တာဝန်ရှိသူ(၄၀)ဦးနှင့် ရပ်ကွက်/ ကျေးရွာအုပ်ချုပ်ရေးမှူး(၇၅)ဦီး စုစုပေါင်း (၁၁၅)ဦးတက်ရောက်ခဲ့ပါကြောင်း သိရှိရပါသည်။

ကချင်ပြည်နယ်၊ပူတာအိုခရိုင်၊မချမ်းဘော့မြို့နယ်တွင်၂၀၂၆-၂၀၂၇ဘဏ္ဍာနှစ်၊ရက်(၁၀၀)စီမံချက်ဖြင့် ဒေသခံပြည်သူအစုအဖွဲ့ပိုင်သစ်တောတည်ထောင်ခြင်းဆိုင်ရာညွှန်ကြားချက်(CFI-2019) ဆောင် ရွက််ခြင်း-တည်နေရာ-ကချင်် ပြည်နယ်၊ပူတာအိုခရိုင်၊မချမ်းဘော့အိုမြို့နယ်၊ ဆင်လွမ်ဒမ်း(၂)ကျေးရွာ ၂-၄-၂၀၂၆ ရက်နေ့၊ နေ့လည်ခင်း ၁၁:၃၀နာရီမှ၁၃း၀၀နာရီထိ
ပြီးဆုံးချိန်- ၁၃:၀၀ နာရီအထိတက်ရောက်သူဦးရေ- ဒေသခံပြည်သူ(၁၃၀)ဦး၊ သစ်တောဝန်ထမ်း(၅)ဦး စုစုပေါင်း(၁၃၅)ဦး တို့တက်ရောက်ပြီးဟောပြောပွဲတွင် ဦးစီးအရာရှိ၊ဦးစောဖန်းအောင်ကဒေသခံပြည်သူအစုအဖွဲ့ပိုင်သစ်တောတည်ထောင်ခြင်းဆိုင်ရာညွှန်ကြားချက်(CFI-2019)အားရှင်းလင်းဟောပြောခြင်း ၊သဘာဝပတ်ဝန်းကျင်ထိန်းသိမ်းရေး၊တောမီးကာကွယ်ရေးနှင့်မီးခိုးမြူငွေ့လျှော့ချခြင်းဆိုင်ရာ အသိပညာပေး ဟောပြောခြင်း၊Video Clip ပြသခြင်း၊ဆွေးနွေးခြင်းများဆောင်ရွက်ခဲ့ပါကြောင်း သတင်းရရှိသည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီသည် ယနေ့နံနက်ပိုင်းတွင် တာဝန်ရှိသူများလိုက်ပါလျက် မကွေးတိုင်းဒေသကြီး၊ မင်းဘူးမြို့ရှိ ခရိုင်အားကစားကွင်းသို့ သွားရောက်၍ အားကစားကွင်းအား အဆင့်မြှင့်တင်ရန် ပြန်လည်ပြုပြင်ဆောင်ရွက်နေမှု အခြေအနေအား ကြည့်ရှုစစ်ဆေးရာ တာဝန်ရှိသူများက လုပ်ငန်း ဆောင်ရွက်နေမှု အခြေအနေများနှင့် ပတ်သက်၍ ရှင်းလင်းတင်ပြသည်။ ထို့နောက် ပြည်ထောင်စု ဝန်ကြီးက ခရိုင်အားကစားကွင်း အတွင်းပတ်လမ်းနှင့် အပြင်ပတ်လမ်း အုတ်ရေမြောင်း ၃၁၀၂ ပေ ဆောင်ရွက်နေမှုအား လှည်လည်ကြည့်ရှုစစ်ဆေးပြီး လျာထားချက်အတိုင်း အချိန်မီပြီးစီးအောင် ကြိုးပမ်းဆောင်ရွက်ရန် မှာကြားသည်။