Welcome to Forest Department
No front page content has been created yet.
သတင်းနှင့်ကြေငြာချက်များ
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်း သစ်မူရင်းဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်း လုပ်ငန်းအား (၁၀)နှစ်ရပ်နားထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့် ဆောင်ရွက် နေလျှက်ရှိသည့် အပြင် တရားမဝင်သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချ နေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချ အကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေး ဧရိယာအတွင်းမှ (၁-၁-၂၀၂၄)ရက်နေ့မှ (၇-၁-၂၀၂၄) ရက်နေ့ထိ တစ်ပတ်တာကာလ အတွင်း တရားမဝင်ကျွန်း၊ သစ်မာ၊ အခြား စုစုပေါင်း (၂၇.၃၅၁၆) တန်ဖမ်းဆီးရမိခဲ့ပါသည်။
(၇၆) ကြိမ်မြောက် ကချင်ပြည်နယ်နေ့ အထိမ်းအမှတ်အခမ်းအနားနှင့် မနောပွဲတော်ကို (၉-၁-၂၀၂၄)ရက်နေ့တွင် ကချင်ပြည်နယ်အစိုးရအဖွဲ့ရုံးဝင်းအတွင်း ကျင်းပပြုလုပ်ခဲ့ရာ နိုင်ငံတော် စီမံအုပ်ချုပ်ရေးကောင်စီ၊ ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်ဆန်းဦးဆောင်သော နိုင်ငံတော်စီမံအုပ်ချုပ်ရေးကောင်စီဝင်(၄)ဦး၊ ပြည်ထောင်စုဝန်ကြီး(၁၀)ဦး၊ ပြည်နယ်အစိုးရအဖွဲ့ဝန်ကြီးချုပ် ဦးခက်ထိန်နန်နှင့် အဖွဲ့ဝင်များ၊ ပြည်နယ်အဆင့် ဌာနဆိုင်ရာများ တက်ရောက်ခဲ့ကြပါသည်။ အဆိုပါ (၇၆) ကြိမ်မြောက် ကချင် ပြည်နယ်နေ့အထိမ်းအမှတ်အခမ်းအနားတွင် သစ်တောဦးစီးဌာန၊ ပတ်ဝန်းကျင်ထိန်းသိမ်းရေး ဦးစီးဌာန၊ သတ္တုတွင်းဦးစီးဌာနအပါအဝင် ဌာနဆိုင်ရာပြခန်း (၁၇)ခန်းနှင့် ဟင်းသီးဟင်းရွက်နှင့် ဒေသထွက်ပစ္စည်းများပြခန်းများ ဖွင့်လှစ်ပြသထားရာ နိုင်ငံတော်စီမံအုပ်ချုပ်ရေးကောင်စီ၊ ဒုတိယဝန်ကြီးချုပ်နှင့် တက်ရောက်လာသူများမှ စိတ်ဝင်တစား လှည့်လည်ကြည့်ရှု အားပေး ခဲ့ကြပါသည်။
ခရိုင်သစ်တောအရာရှိများ စီမံခန့်ခွဲမှုစွမ်းဆောင်ရည် မြှင့်တင်ရေးသင်တန်း အမှတ်စဉ်(၉) နှင့် သစ်တောနှင့် ပတ်ဝန်းကျင်ဆိုင်ရာ တက္ကသိုလ်မှ ယခုနှစ်တွင် ကျောင်းဆင်းပြီး လုပ်ငန်းခွင် ဝင်မည့် တောအုပ်ကြီး လုပ်ငန်းခွင်အကြိုသင်တန်း အမှတ်စဉ်(၂/၂၀၂၄) ဖွင့်ပွဲအခမ်းအနားကို (၁၈-၃-၂၀၂၄) ရက်နေ့၊ နံနက်ပိုင်းတွင် သစ်တောသုတေသနဌာန၊ စုဝေးခန်းမ၊ ရေဆင်း၊ နေပြည်တော်၌ ကျင်းပပြု လုပ်ရာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးခင်မောင်ရီ၊ အမြဲတမ်းအတွင်းဝန်နှင့် ဌာနအကြီးအကဲများ၊ သင်တန်း ဆရာများနှင့် သင်တန်းသားများ၊ တာဝန်ရှိသူများ တက်ရောက်ကြသည်။
သစ်တောဦးစီးဌာန၊ တနင်္သာရီသဘာဝကြိုးဝိုင်းစီမံကိန်း စီမံကိန်းလုပ်ငန်း ပေါင်းစပ်ညှိနှိုင်းရေး ကော်မတီ၏ (၃၀)ကြိမ်မြောက်အစည်းအဝေးကို (၁၈-၃-၂၀၂၄)ရက်နေ့၊ နံနက်ပိုင်းတွင် ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ကျင်းပပြုလုပ်ရာ စီမံကိန်းလုပ်ငန်းပေါင်းစပ် ညှိနှိုင်းရေးကော်မတီဥက္ကဌ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ သောင်းနိုင်ဦး တက်ရောက်အဖွင့်အမှာစကားပြောကြားသည်။ အစည်းအဝေးတွင် တနင်္သာရီသဘာဝကြိုးဝိုင်း စီမံကိန်း၏ ၂၀၂၃-၂၀၂၄ ဘဏ္ဍာနှစ်အတွင်း ဆောင်ရွက်ပြီးစီးမှုနှင့် လက်ရှိဆောင်ရွက်မှုအခြေ အနေရှင်းလင်းဆွေးနွေးခြင်း၊ တနင်္သာရီသဘာဝကြိုးဝိုင်း စီမံကိန်း၏ ၂၀၂၄-၂၀၂၅ ဘဏ္ဍာနှစ် အတွင်း ဆောင်ရွက်မည့် လုပ်ငန်းအစီအစဉ်နှင့် ရှေ့ဆက်ဆောင်ရွက်မည့် စီမံကိန်း လုပ်ငန်း များအားရှင်းလင်းဆွေးနွေးကြပါသည်။ အစည်းအဝေးသို့ မြန်မာ့ရေနံနှင့် ဘဘာဝဓာတ်ငွေ့လုပ် ငန်းမှ တာဝန်ရှိပုဂ္ဂိုလ်များ၊ သစ်တောဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနတို့မှ တာဝန်ရှိသူများ၊ မိတ်ဖက်ကုမ္ပဏီများမှ PCC အဖွဲ့ဝင်များ၊ အဖွဲ့ဝင်အသစ်များနှင့် ကိုယ်စား လှယ်များ တက်ရောက်ကြပါသည်။
သစ်တောဦးစီးဌာန၊ တနင်္သာရီသဘာဝကြိုးဝိုင်းစီမံကိန်း စီမံကိန်းလုပ်ငန်း ပေါင်းစပ်ညှိနှိုင်းရေး ကော်မတီ၏ (၃၀)ကြိမ်မြောက်အစည်းအဝေးကို (၁၈-၃-၂၀၂၄)ရက်နေ့၊ နံနက်ပိုင်းတွင် ညွှန်ကြားရေးမှူးချုပ်ရုံး၊ အစည်းအဝေးခန်းမ၌ ကျင်းပပြုလုပ်ရာ စီမံကိန်းလုပ်ငန်းပေါင်းစပ် ညှိနှိုင်းရေးကော်မတီဥက္ကဌ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာ သောင်းနိုင်ဦး တက်ရောက်အဖွင့်အမှာစကားပြောကြားသည်။ အစည်းအဝေးတွင် တနင်္သာရီသဘာဝကြိုးဝိုင်း စီမံကိန်း၏ ၂၀၂၃-၂၀၂၄ ဘဏ္ဍာနှစ်အတွင်း ဆောင်ရွက်ပြီးစီးမှုနှင့် လက်ရှိဆောင်ရွက်မှုအခြေ အနေရှင်းလင်းဆွေးနွေးခြင်း၊ တနင်္သာရီသဘာဝကြိုးဝိုင်း စီမံကိန်း၏ ၂၀၂၄-၂၀၂၅ ဘဏ္ဍာနှစ် အတွင်း ဆောင်ရွက်မည့် လုပ်ငန်းအစီအစဉ်နှင့် ရှေ့ဆက်ဆောင်ရွက်မည့် စီမံကိန်း လုပ်ငန်း များအားရှင်းလင်းဆွေးနွေးကြပါသည်။ အစည်းအဝေးသို့ မြန်မာ့ရေနံနှင့် ဘဘာဝဓာတ်ငွေ့လုပ် ငန်းမှ တာဝန်ရှိပုဂ္ဂိုလ်များ၊ သစ်တောဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနတို့မှ တာဝန်ရှိသူများ၊ မိတ်ဖက်ကုမ္ပဏီများမှ PCC အဖွဲ့ဝင်များ၊ အဖွဲ့ဝင်အသစ်များနှင့် ကိုယ်စား လှယ်များ တက်ရောက်ကြပါသည်။
နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၃၀.၀၇၁၀)တန်၊ သစ်မာ (၁၉.၀၉၃၄)တန်၊ အခြား (၈၁.၇၁၂၂)တန်၊ စုစုပေါင်း (၁၃၀.၈၇၆၆)တန်၊ ယာဉ်/ ယန္တရား (၁၆)စီး၊ တရားခံ (၂၇) ဦး ဖမ်းဆီးရမိခဲ့ပါသည်-ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၅-၁-၂၀၂၄ ရက်နေ့၊ မန္တလေးတိုင်း ဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၊ သရက်ပင်ဘိနယ်၊ ကျောက်ပုံ ကျေးရွာတောင်ဘက်ရှိ ကြောင်ချောင်းအနီး/ ရမန်းရွာအနီးဝန်းကျင်/ ကြောင်ရွာအနီး ဝန်းကျင်နှင့် ကျောက်ပုံရွာအရှေ့ဘက်၊ ဒုဋ္ဌဝတီမြစ်ဘေးနေရာတို့မှ တရားမဝင် ကျွန်း/ ပျဉ်းကတိုး/ အင်ကြင်း/ ပိတောက်/ အင် သစ်လုံး/ခွဲသား/ခွဲခြမ်း/ လုံးပတ်၃ပေအောက် သစ် စုစုပေါင်း(၃၈၀)လုံး/ချောင်း/ခြမ်း (၂၃.၀၁၆၈)တန်အား ပိုင်ရှင်မဲ့ ဖမ်းဆီးရမိမှု ဖြစ်ပါသည်-
လေ့ကျင့်ရေးနှင့်သုတေသနဖွံ့ဖြိုးရေးဌာန၊ အာရှဒေသအဆင့်သစ်တောကဏ္ဍ ပူးပေါင်းဆောင်ရွက်မှု လေ့ကျင့်ပညာပေးရေး သင်တန်းကျောင်း (AFoCO RETC) ၏ ၂၀၂၃ ခုနှစ်၊ အစီအစဉ်အရ သစ်တောနှင့် ပတ်ဝန်းကျင်ဆိုင်ရာ ပညာပေး အစီအစဉ်(Eco-School)ကို မှော်ဘီမြို့နယ်၊ မြောင်းတကာနှင့် ရွှေမြယာ ကျေးရွာ အခြေခံပညာအထက်တန်းကျောင်းများမှ ဆရာ/ဆရာမ (၆၀)ဦး ဖိတ်ကြားကာ ၅-၁-၂၀၂၄ ရက်နေ့ (၉:၀၀)နာရီမှ (၁၂:၀၀)နာရီအထိ AFoCO RETC သင်တန်းကျောင်း၌ ကျင်းပခဲ့ပါသည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံးတွင် လစ်လပ်လျှက်ရှိသော စတင်ခန့်ဝင်ပေါက်ရာထူးများတွင် ဝန်ထမ်းသစ်များခန့်ထားရန် ရေးဖြေစာမေးပွဲအား ၂၃.၁၂.၂၀၂၃ ရက်နေ့တွင် သစ်တောနှင့်ပတ်ဝန်းကျင်ဆိုင်ရာတက္ကသိုလ်တွင် ကျင်းပပြုလုပ်ခဲ့ပြီးဖြစ်သည်။