၁၁-၅-၂၀၂၄ ရက်နေ့ နံနက်ပိုင်းက ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းသည် ရန်ကုန်မြို့တော်ဝန်၊ လုံခြုံရေးနှင့်နယ်စပ်ရေးရာဝန်ကြီး၊ သယံဇာတရေးရာဝန်ကြီး၊ လမ်းပန်းဆက်သွယ်ရေးဝန်ကြီး နှင့်အစိုးရအဖွဲ့အတွင်းရေးမှူးတို့လိုက်ပါလျက် ၂၀၂၄ ခုနှစ် မိုးရာသီတွင် ရန်ကုန်ဝန်းကျင်စိမ်းလန်းစိုပြည်ရေးအတွက် စိုက်ပျိုးမည့်ပျိုးပင်များပျိုးထောင် ထားရှိမှုအခြေအနေများကို လိုက်လံကြည့်ရှု စစ်ဆေးပါသည်။ ပထမဦးစွာ အင်းစိန်မြို့နယ်၊ မင်္ဂလာဒုံ ပျိုးဥယျာဉ်သို့ ရောက်ရှိရာ ရန်ကုန်တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးလှဦးက 2024 Greening Environment Campaign အတွက်ပြင်ဆင်ဆောင် ရွက်ထားရှိ မှုများ၊ ပျိုးပင်များပျိုးထောင်ထားရှိမှု အခြေအနေများနှင့် ဒီရေတောများ ကာကွယ်ထိမ်းသိမ်း ထားရှိမှု အခြေအနေများကို ရှင်းလင်းတင်ပြရာ တိုင်းဒေကြီးဝန်ကြီးချုပ်က ပတ်ဝန်းကျင် စိမ်းလန်းစိုပြည်ရေးနှင့် ရာသီဥတုပြင်းထန်ဆိုးရွားမှုကိုလျှော့ချနိုင်ရေးအတွက် အပင်များများ စိုက်ရန်လိုအပ်ကြောင်း၊ သက်တမ်းရင့်အပင်ကြီးများစိုက်ပျိုးရန်နှင့် ဒီရေတောများ အမြဲမပြတ် စောင့်ကြပ်ကာကွယ် ထိန်းသိမ်းရန် လမ်းညွှန်မှာကြားပြီး ဒီရေတောကြိုးပြင် ကာကွယ်တောများ တိုးချဲ့ဖွဲ့စည်းမှုအခြေအနေများ မေးမြန်းကာ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးပါသည်။ ထို့နောက် မင်္ဂလာဒုံပျိုးဥယျာဉ်အတွင်း လှည့်လည်ကြည့်ရှုစစ်ဆေးကာ သိရှိလိုသည်များ မေးမြန်း၍ ပျိုးဥယျာဉ်တွင် ပျိုးပင်များ စဉ်ဆက်မပြတ် ပျိုးထောင်ပြုစု ထိန်းသိမ်းထားရန်မှာကြားပါသည်။ ဆက်လက်၍ သင်္ကန်းကျွန်းမြို့နယ်၊ ရွာသာကြီး ပျိုးဥယျာဉ်ကို သွားရောက်ကြည့်ရှုစစ်ဆေးကာ လိုအပ်သည်များ မှာကြားဖြည့်ဆည်း ဆောင်ရွက် ပေးခဲ့ပါကြောင်း သိရှိရပါသည်။

ဧရာဝတီတိုင်းဒေသကြီး သစ်တောဦးစီးဌာန၊ ဟိုတယ်နှင့်ခရီးသွားလုပ်ငန်းကြီးကြပ်မူ ဦးစီးဌာနနှင့်အထွေထွေအုပ်ချူပ်ရေးဦးစီးဌာနတို့ ပူးပေါင်း၍ မြန်မာတရုတ် ခရီးသွားလုပ်ငန်း မြှင့်တင်ရေး ရင်းနှီးကျွမ်းဝင်မူဆိုင်ရာ ခရီးစဥ်အထိမ်းအမှတ် မိုးရာသီအကြို သစ်ပင်စိုက်ပျိုး ပွဲတော်ကို(၁၂-၅-၂၀၂၄))ရက်နေ့တွင်ငွေဆောင်မြို့ Irrewaddy Fisheries Development Co.Ltd ဝင်းအတွင်းကျင်းပခဲ့ပါသည်။စိုက်ပျိုးပွဲတွင် စိန်ပန်း(၅)ပင်၊ မဟော်ဂနီ(၄၀)ပင်၊ ပျဥ်းကတိုး(၅၅)ပင်၊ စုစုပေါင်း (၁၀၀)ပင်အား ဧရာဝတီတိုင်းဒေသကြီးအစိုးရအဖွဲ့ဝင် စီးပွားရေးဝန်ကြီး ဦးဆောင်၍ တရုတ်ခရီးသွား(၄၁)ဦး၊ ဌာနဆိုင်ရာ (၁၅)ဦး၊ ရပ်ကျေးအုပ် ချူပ်ရေးမှူး(၄)ဦးနှင့် yuzana companyဝန်ထမ်းများမှ စုပေါင်းစိုက်ပျိုးခဲ့ကြပါသည်။ စိုက်ပျိုး ခဲ့သည့် အပင်များအားမိုးမကျမှီ ကာလအတွင်း အပင်များရှင်သန်အောင်မြင်စေရေးအတွက် နေ့စဥ်ရေလောင်းပြုစုသွားမည်ဖြစ်ပါသည်။

နိုင်ငံအဆင့် ပင်လယ်ကမ်းရိုးတန်းသယံဇာတ စီမံအုပ်ချုပ်လုပ်ကိုင်မှု လုပ်ငန်းကော်မတီ၏ စတုတ္ထအကြိမ် အစည်းအဝေးကို (၁၃-၅-၂၀၂၄)ရက်နေ့၊ နံနက်ပိုင်းတွင် နေပြည်တော်ရှိ သစ်တောဦးစီးဌာန၊ အင်ကြင်းခန်းမ၌ ကျင်းပပြုလုပ်ရာ လုပ်ငန်းကော်မတီဥက္ကဌ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီ၊ ဒုတိယဥက္ကဌ စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင်နှင့် လုပ်ငန်းကော်မတီဝင်များ၊ တာဝန်ရှိသူများ တက်ရောက်ကြပြီး သက်ဆိုင်ရာ တိုင်းဒေသကြီး/ပြည်နယ် သယံဇာတရေးရာ ဝန်ကြီးများက Virtual စနစ်ဖြင့် တက်ရောက်ကြသည်။