သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

စစ်ကိုင်းတိုင်းဒေသကြီး၊တမူးခရိုင်၊တမူးမြို့နယ်၊ စော်ဘွား(၁၁)ရပ်ကွက်၊ ဗောဓိ‌ေတာရဘုန်းကြီးကျောင်း၌ ‌‌(၂၄.၅.၂၀၂၆)ရက်နေ့၊ နံနက်(၈:၀၀)နာရီအချိန်တွင်သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲကျင်းပခဲ့ရာဒေသခံပြည်သူ(၄၀)ဦး၊ မြို့နယ်သစ်တောဝန်ထမ်း (၁၀)ဦး၊ စုစုပေါင်း(၅၀) ဦးတက်ရောက်ခဲ့ပါသည်။ဆွေးနွေး‌ဟောပြောပွဲတွင် တမူးခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးထွန်းကျော်စိုးမှ သစ်တောသစ်ပင်များ၏ အရေးပါမှု အကြောင်းအရင်းများနှင့်အကျိုးကျေးဇူးများ၊ သစ်တောသစ်ပင်များပျက်စီးပြုန်းတီးက ကြုံတွေ့နိုင်သည့် ဆိုးကျိုးများ၊ သစ်တောသစ်ပင်များထိန်းသိမ်းခြင်းလုပ်ငန်းစဉ်များတွင် ပြည်သူကဏ္ဍအရေးပါကြောင်းများ၊ ဒေသခံပြည်သူအစုအဖွဲ့ပိုင်သစ်‌ေတာစိုက်ခင်းများနှင့်ပတ်သက်၍ ဆွေနွေးပြောကြားခြင်း၊ဆက်လက်၍ တောမီးလောင်ကျွမ်းမှု အခြေခံအကြောင်းအရင်းများနှင့် ကာကွယ်ထိန်းသိမ်းရေးနည်းလမ်းများ၊ မီးခိုးမြူငွေ့ဖြစ်ပေါ်ရမှု အခြေအနေများ၊ နယ်စပ်ဖြတ်ကျော်မီးခိုးမြူငွေ့များကြောင့်လေထုညစ်ညမ်းမှု၏ဆိုးကျိုးများကို အသိပညာပေးဆွေးနွေး ဟောပြောခဲ့ပါကြောင်းနှင့် ဒေသခံပြည်သူများမှမေးမြန်းသော မေးခွန်းများအားရှင်းလင်းဖြေကြားခြင်းများ၊ ဆက်လက်၍ တရားမဝင်သစ်ထုတ်လုပ်မှုလျော့ပပျောက်ရေးနှင့်ပတ်သက်၍ အသိပာပေးပြောကြားခြင်း၊ သစ်တောဥပဒေ များရှင်းလင်းပြောကြားခြင်း၊ တရားမဝင်သစ်ဖမ်းဆီးရေးတွင်ပြည်သူများ ဝိုင်းဝန်းကူညီ သတင်းပေးပြောကြာရန်ပြောကြားခြင်းနှင့်
တမူးခရိုင် သစ်တောဦးစီးဌာနမှ ဆောင်ရွက်လျက်ရှိသော သစ်တောလုပ်ငန်းများ‌ေပြာကြားခြင်း၊ တမူးမြို့နယ် မြို့မပျိုးဥယျာဉ်တွင် လူထုဖြန့်ပျိုးပင်များ ဖြန့်ဝေလျက်ရှိကြောင်းသတင်းရရှိသည်။

လားရှိုးမြို့နယ်၊သစ်တောဦးစီးဌာနမှ တရားမဝင်သစ်ထုတ်လုပ်မှုလျော့နည်းပပျောက်ရေး၊ သဘာဝပတ်ဝန်းကျင်ထိန်းသိမ်းရေးနှင့် ဥပဒေဆိုင်ရာအသိပညာပေးဟောပြောပွဲကို(၂၃-၅-၂၀၂၆)ရက်နေ့၊ (၁၄:၃၀)နာရီအချိန်၌ လားရှိုးမြို့နယ်၊ ရပ်ကွက်(၁)၊ အေးချမ်းသာယာခန်းမတွင် ကျင်းပဆောင်ရွက်ခဲ့ရာ ရပ်ကွက်အုပ်ချုပ်ရေးမှူးနှင့်ရပ်မိရပ်ဖများ၊ ဒေသခံပြည်သူများ ကျား (၃၀)ဦး၊ မ(၄၁)ဦး၊ပေါင်း(၇၁)ဦး၊သစ်တောဦးစီးဌာနမှဝန်ထမ်းများ (၈)ဦး၊ စုစုပေါင်း(၇၉)ဦးတက်ရောက်ခဲ့ကြပါသည်။လားရှိုးမြို့နယ်၊သစ်တောဦးစီးဌာန၊ ဦးစီးအရာရှိမှ တရားမဝင်သစ်ထုတ်လုပ်မှု လျော့နည်းပပျောက်ရေး၊ သဘာဝပတ်ဝန်းကျင်ထိန်းသိမ်းရေးနှင့် ဥပဒေဆိုင်ရာ ခေါင်းစဉ်အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခဲ့ပါသည်။ ဆက်လက်၍ ဟောပြောပွဲတွင် တက်ရောက်လာသူများအား သစ်တောဥပဒေဆိုင်ရာ လက်ကမ်းစာစောင်များဖြန့်ဝေပေးခဲ့ပါကြောင်း သတင်းရရှိသည်။

၂၀၂၆ ခုနှစ်၊အပြည်ပြည်ဆိုင်ရာ ဇီဝမျိုးစုံမျိုးကွဲထိန်းသိမ်းရေးနေ့အထိမ်းအမှတ်အခမ်းအနားကို (၂၂-၅-၂၀၂၆)ရက်နေ့၊နံနက်ပိုင်းတွင် ရုံးအမှတ်(၃၉)သစ်တောဦးစီးဌာန၊အင်ကြင်းခန်းမ၌ကျင်းပရာသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးဆန်းဦး၊ ဒုတိယဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြား‌‌ရေးမှူးများ၊ ပါမောက္ခချုပ်၊ အရာထမ်း/အမှုထမ်းများနှင့် သက်ဆိုင်ရာဌာနများမှ တာဝန်ရှိသူများ တက်‌ရောက်ကြသည်။အခမ်းအနားတွင် ပြည်ထောင်စုဝန်ကြီးက ၂၀၂၆ ခုနှစ်၊ အပြည်ပြည်ဆိုင်ရာ ဇီဝမျိုးစုံမျိုးကွဲ ထိန်းသိမ်းရေးနေ့၏ ဆောင်ပုဒ်ဖြစ်သော “ကမ္ဘာ့ဇီဝမျိုးစုံမျိုးကွဲ ထိန်းသိမ်းဖို့၊ ရပ်ရွာဒေသမှ စတင်ဆောင်ရွက်စို့ (Acting Locally for Global Impact)” ဟူသောဆောင်ပုဒ်အရ ဇီဝမျိုးစုံမျိုးကွဲများ ပျက်စီးဆုံးရှုံးမှုကို ကာကွယ်ရန် မိမိတို့ရပ်ရွာဒေသမှစ၍ လူ့အဖွဲ့အစည်း တစ်ရပ်လုံးပါဝင်သော ချဉ်းကပ်မှုဖြင့် အခြေပြုစတင်ရမည်ဖြစ်ကြောင်း၊ မြန်မာနိုင်ငံသည် ဇီဝမျိုးစုံမျိုးကွဲဆိုင်ရာကွန်ဗင်းရှင်း အဖွဲ့ဝင်နိုင်ငံအဖြစ် ၁၉၉၅ ခုနှစ်မှစ၍ ပါဝင်ခဲ့ပြီး မြန်မာ့ဒေသရင်း အပင်မျိုးစိတ် (၈၆၄)မျိုး၊ နို့တိုက်သတ္တဝါ မျိုးစိတ် (၉)မျိုး၊ ငှက်မျိုးစိတ်(၁၀)မျိုးနှင့် တွားသွားသတ္တဝါ မျိုးစိတ် (၂၁)မျိုးတို့ကို မှတ်တမ်းတင်ထားနိုင်ခဲ့ပြီး ဇီဝမျိုးစုံမျိုးကွဲထိန်းသိမ်းရေးအတွက် သဘာဝထိန်းသိမ်းရေးနယ်မြေ (၆၂)ခုကို ဖွဲ့စည်းထားပြီးဖြစ်သည့်အပြင် ယူနက်စကို လူသားနှင့် ဇီဝအဝန်းနယ်မြေ (၂)ခု၊ ရမ်ဆာ ရေဝပ်ဒေသ (၇)ခု၊ အာဆီယံအမွေအနှစ်ဥယျာဉ် (၈)ခုနှင့် အရှေ့အာရှ-ဩစတြေးလျ ငှက်ပျံသန်းရာလမ်းကြောင်း ကွန်ယက်(၈)ခုတို့ကို သတ်မှတ်နိုင်ခဲ့ပြီး ဖြစ်ကြောင်းပြောကြားသည်။