၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

မြန်မာနိုင်ငံဆိုင်ရာ ဗြိတိန်သံရုံးမှ တောရိုင်းတိရစ္ဆာန်တရားမဝင်ကုန်သွယ်မှုတိုက်ဖျက်ရေးဆိုင်ရာ လန်ဒန်ညီလာခံနှင့် ပတ်သက်၍ တွေ့ဆုံဆွေးနွေး

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမတွင် ၂၈-၈-၀၁၈ရက်နေ့၊ နေ့လည်(ဝ၁:ဝ၀)နာရီအချိန်၌ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နှင့် တာဝန်ရှိသူများအား မြန်မာနိုင်ငံဆိုင်ရာ ဗြိတိန်သံရုံးမှ ကိုယ်စားလှယ်အဖွဲ့မှ လာရောက်တွေ့ဆုံပြီး တောရိုင်းတိရစ္ဆာန် တရားမဝင်ကုန်သွယ်မှုတိုက်ဖျက်ရေးဆိုင်ရာ လန်ဒန်ညီလာခံနှင့် ပတ်သက်၍ တွေ့ဆုံဆွေးနွေးတင်ပြခဲ့သည်။

မောက္ကတော်ဘိနယ်အတွင်း တရား မဝင် ကျွန်း/ အင်/ ကညင်/ သစ်ယာ သစ်/ခွဲသား ဖမ်းဆီးရမိ

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ် သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း(၁၀၁.၂၉၅၁)တန်၊ သစ်မာ (၄၁.၀၁၂၄)တန်၊ အခြား(၂၃၀.၃၃၁၃)တန်၊ စုစုပေါင်း (၃၇၂.၆၃၈၈)တန်၊ တရားခံ (၆၅)ဦး၊ ယာဉ်/ယန္တရား(၃၇)စီးဖမ်းဆီးရမိခဲ့ပါကြောင်း၊ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၂၂-၈-၂၀၁၈ ရက်နေ့၌ စစ်ကိုင်း တိုင်းဒေသကြီး၊ ကလေးခရိုင်၊ မင်းကင်းမြို့နယ်၊ မောက္ကတော်ဘိနယ်အတွင်း တရား မဝင် ကျွန်း/ အင်/ ကညင်/ သစ်ယာ သစ်/ခွဲသား (၃၁၂)လုံး/ချောင်း (၅၁.၃၄၆၀)တန်ဖြစ်ပါကြောင်း။

မျိုးဆက်သစ်လူငယ်များ၏ အနာဂတ်သစ်တောကဏ္ဍ ဦးဆောင်နိုင်ရေးအစီအစဉ် သီးသန့်သင်တန်း (Customized Training Course on Young Forester Leadership Program) ဖွင့်လှစ်ပို့ချ

သစ်တောဦးစီးဌာနနှင့် ကိုရီးယားသစ်တောဌာနတို့ ပူးပေါင်းဆောင်ရွက်မှုဖြင့် AFoCO Secretariat အစီအစဉ်အရရန်ကုန်တိုင်းဒေသကြီးမှော်ဘီမြို့နယ်ရှိ အာရှဒေသသစ်တောကဏ္ဍ ပူးပေါင်းဆောင်ရွက်မှုအဖွဲ့၏ ဒေသအဆင့်လေ့ကျင့်ပညာပေးရေး သင်တန်းကျောင်းတွင် (AFoCO RETC) ၂၀၁၈ ခုနှစ်မှ စတင်၍ သင်တန်းများ ဖွင့်လှစ်ပို့ချလျက်ရှိပါသည်။

ဇီဝမျိုးစုံမျိုးကွဲ နှင့် သဘာဝထိန်းသိမ်းရေး နယ်မြေများ ကာကွယ်စောင့်ရှောက်ခြင်းဆိုင်ရာ နည်းဥပဒေ (မူကြမ်း) ရေးဆွဲရေး အကြံပြုဆွေးနွေးပွဲများ ကျင်းပခြင်း

မြန်မာနိုင်ငံသည် အာရှနှင့် ပစိဖိတ်ဒေသတွင် ဇီဝမျိုးစုံမျိုးကွဲ အကြွယ်ဝဆုံးနိုင်ငံများတွင် ပါဝင်ပါသည်။ ဇီဝမျိုးစုံမျိုးကွဲများ နှင့် ယင်းတို့ မှီခိုသော ဂေဟစနစ်များ ရေရှည်တည်တံ့ရေးအတွက် အဓိကနည်းလမ်းမှာ သဘာဝထိန်းသိမ်းရေးနယ်မြေများ သတ်မှတ်ဖွဲ့စည်းခြင်း ဖြစ်ပါသည်။သတ်မှတ်ဖွဲ့စည်းထားသော သဘာဝထိန်းသိမ်းရေးနယ်မြေများကို စီမံအုပ်ချုပ်ရန် နှင့် နိုင်ငံရှိ ဇီဝမျိုးစုံမျိုးကွဲများကို ကာကွယ်စောင့်ရှောက်ရန် ဥပဒေ ပြဋ္ဌာန်းထားပါသည်။

FAO မှ Integrated Coastal Zone Management နှင့် ပတ်သက်၍ My Coast Project တွင် သစ်တောဦးစီးဌာနနှင့် ပူးပေါင်းဆောင်ရွက်နိုင်မည့် လုပ်ငန်းစဉ်များကိုဆွေးနွေး

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမတွင် ၂၇- ၈ -၂၀၁၈ ရက်နေ့ ၊ နံနက်(၁၁:၁၀)နာရီအချိန်၌ သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နှင့်  တာဝန်ရှိသူများအား  FAO မှ Mr.Donal Machintoach နှင့် Country office မှ Daw Le Le Win တို့မှ လာရောက်တွေ့ဆုံ၍ Integrated Coastal Zone Management နှင့် ပတ်သက်၍ My Coast Project တွင် သစ်တောဦးစီးဌာနနှင့် ပူးပေါင်းဆောင်ရွက်နိုင်မည့် လုပ်ငန်းစဉ်များကိုဆွေးနွေးခဲ့ပါသည်။

ပြည်ပနိုင်ငံများသို့သွားရောက်ခဲ့ပြီး ပြန်လည်ရောက်ရှိလာသောဝန်ထမ်းများမှ အတွေ့အကြုံရှင်းလင်းခြင်း အစီအစဉ်ကို ကျင်းပပြုလုပ်

ပြည်ပနိုင်ငံများသို့သွားရောက်ခဲ့ပြီး ပြန်လည်ရောက်ရှိလာသောဝန်ထမ်းများမှ အတွေ့အကြုံရှင်းလင်းခြင်း အစီအစဉ်ကို ကျင်းပပြုလုပ်ရာ ဒေါ်ခင်ရည်မွန်လှိုင်(ဦးစီးအရာရှိ) သဘာဝတောနှင့်စိုက်ခင်းလုပ်ငန်းဌာနမှ ဗီယက်နမ်နိုင်ငံ( Regional South-south Learning Event on Country Approaches to REDD-Safeguards and Safeguards Information System(ASIA)) တက်ရောက်ခဲ့သည့် အတွေ့အကြုံများကို ရှင်းလင်းတင်ပြပြီး တက်ရောက်လာသည့် သစ်တောအရာရှိကြီးများ၊ အရာထမ်း/ အမှုထမ်းများမှ အပြန်အလှန် ဆွေးနွေးခဲ့ကြပါသည်။

မြန်မာနိုင်ငံဆိုင်ရာ ရုရှားသံရုံးမှ ဒုတိယသံအမတ် နှင့် ကိုယ်စားလှယ်အဖွဲ့မှ လာရောက်တွေ့ဆုံ၍ မြန်မာနိုင်ငံမှ ဆင်(၃)ကောင် လှူဒါန်းမည့်ကိစ္စနှင့် ပတ်သက်၍ တွေ့ဆုံဆွေးနွေး

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ ဧည့်ခန်းမတွင် (၂၃- ၈ -၂၀၁၈)ရက်နေ့ ၊ နံနက်(၁၀:၃၀)နာရီအချိန်၌ သစ်တောဦးစီးဌာန ဒုတိယညွှန်ကြားရေးမှူးချုပ်(စီမံခန့်ခွဲရေး)ဦးဇော်မင်းနှင့် တာဝန်ရှိသူများအား မြန်မာနိုင်ငံဆိုင်ရာ ရုရှားသံရုံးမှ ဒုတိယသံအမတ် နှင့် ကိုယ်စားလှယ်အဖွဲ့မှ လာရောက်တွေ့ဆုံ၍ မြန်မာနိုင်ငံမှ ဆင်(၃)ကောင် လှူဒါန်းမည့်ကိစ္စနှင့် ပတ်သက်၍ တွေ့ဆုံဆွေးနွေးခဲ့ပါသည်။

မြန်မာနိုင်ငံသစ်တောကျောင်း အခြေခံသစ်တောပညာ(၂)နှစ်သင်တန်း၊ သင်တန်းသားများ ရှေးဦးပြုစုခြင်းသင်တန်းဆင်းပွဲကျင်းပခြင်း

မြန်မာနိုင်ငံသစ်တောကျောင်း၊ ပြင်ဦးလွင်မြို့တွင် ဖွင့်လှစ်သင်ကြားပို့ချလျက်ရှိသော အခြေခံ သစ်တောပညာ(၂)နှစ်သင်တန်း၊ အမှတ်စဉ်(၁၁၄)မှ သင်တန်းသား(၅၆)ဦးအား မြန်မာနိုင်ငံ ကြက်ခြေနီအသင်း၊ ပြင်ဦးလွင်မြို့နယ်မှ ရှေးဦးပြုစုခြင်းသင်တန်းဆင်းပွဲကို (၂၀.၈.၂၀၁၈)ရက်နေ့ (၁၅:၃၀)နာရီတွင် ကျွန်းရတနာခန်းမ၌ ကျင်းပပြုလုပ်ခဲ့ပါသည်။
သင်တန်းဆင်းပွဲကို အခမ်းအနားကျင်းပဖွင့်လှစ်ကြောင်း ကြေညာခြင်း၊ မြန်မာနိုင်ငံ သစ်တောကျောင်း၊ ကျောင်းအုပ်ကြီးမှ အဖွင့်အမှာစကားပြောကြားခြင်း၊ သင်တန်းဆင်းလက် မှတ်များကို ဒေါ်အေးအေးဖြိုး၊ တပ်ခွဲမှူး၊ မြန်မာနိုင်ငံကြက်ခြေနီအသင်း၊ ပြင်ဦးလွင်မြို့နယ်မှ ချီးမြှင့်ခြင်း၊ ထူးချွန်ဆုရသင်တန်းသားများကို မြန်မာနိုင်ငံသစ်တောကျောင်း၊ ကျောင်းအုပ်ကြီးမှ ဆုချီးမြှင့်ခြင်း၊ မြန်မာနိုင်ငံကြက်ခြေနီအသင်း၊ ပြင်ဦးလွင်မြို့နယ်မှ သင်တန်းဆရာ/ ဆရာမများ အား ဂုဏ်ပြုလက်ဆောင်ပေးအပ်ခြင်း၊ အခမ်းအနားပြီးမြောက်ကြောင်းကြေညာခြင်းစသည့် အခမ်း အနားအစီအစဉ်(၆)ရပ်ဖြင့် ကျင်းပပြုလုပ်ခဲ့ပါသည်။  

Pages

more