၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

ကနီမြို့နယ်၊ မုံရွာ-ယာကြီး-ကလေးဝကားလမ်းတွင် မော်တော်ယာဉ်(၁)စီးနှင့် တရားမဝင်ပိတောက် ခွဲသားများ ဖမ်းဆီးရမိ

၂၉-၄-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ မုံရွာ/ယင်းမာပင်ခရိုင်၊ သစ်တောဦးစီးဌာနမှ ဦးစီးအရာရှိ ဦးဆောင်သော ခရိုင်စစ်ကြောင်းအဖွဲ့သည် ကနီမြို့နယ်၊ မုံရွာ-ယာကြီး-ကလေးဝကားလမ်း(၃၅/၅)မိုင်အနီးနေရာ၌ ယာဉ်အမှတ်(၉ဌ/၅၁၉၅၇) (လေးလုံးထိုးထော်လာဂျီ)(အနီရောင်)ယာဉ်ပေါ်မှ တရားမဝင်ပိတောက်ခွဲသား(၂၀) ချောင်း (၃.၁၄၆၆)တန်နှင့်တရားခံ(၁)ဦးအား ဖမ်းဆီး ရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

နေပြည်တော်/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ဖမ်းဆီးရမိမှုများ

နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီး ဌာနများမှ ပေးပို့လာ သောစာရင်းများအရ တရားမဝင် ကျွန်း(၂၀၄.၅၂၂၈)တန်၊ သစ်မာ(၁၅၆.၂၉၉၆)တန်၊ အခြား (၃၇၀.၁၉၃၄)တန်၊ စုစုပေါင်း(၇၃၁.၀၂၆၈) တန်၊ တရားခံ(၇၇)ဦး၊ ယာဉ်/ယန္တရား(၃၀)စီး ဖမ်းဆီးရမိခဲ့ပါသည်။
ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ရပ်စောက်မြို့နယ်၊ အင်တော(၁)ဘိနယ်၊ ကျိုင်းခမ်းကျေးရွာ မြောက်ဘက်(၇)မိုင်ခန့်အကွာနေရာမှ တရားမဝင်အင်ကြင်/အင် သစ်လုံး/ခွဲသား/ လုံးပတ်၃ပေအောက်သစ် စုစုပေါင်း(၈၀.၃၃၆၈)တန်၊ အင်ဂျင်(၃)လုံးတို့အား ပိုင်ရှင်မဲ့ ဖမ်းဆီးရမိခဲ့ပါသည်။

မရပူရမြို့နယ်၊ မြစ်ငယ်-ထုံးဘို-ပြင်ဦးလွင်ဖြတ်လမ်းတွင် မော်တော်ယာဉ်(၁)စီးနှင့် တရားမဝင် သစ် ဖမ်းဆီးရမိ

၃၀.၄.၂၀၁၉ ရက်နေ့တွင် မန္တလေးတိုင်းဒေသကြီး၊ မန္တလေးခရိုင်၊ မဟာအောင်မြေမြို့နယ်၊ သစ်တော ဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မန္တလေးမြို့တော်စည်ပင်သာယာရေးကော်မတီမှ စည်ပင်သာယာရဲတပ်ဖွဲ့ဝင်များ၊ ကျေးရွာအုပ်ချုပ်ရေး အဖွဲ့ဝင်များပါဝင်သောပူးပေါင်းအဖွဲ့သည် အမရပူရမြို့နယ်၊ မြစ်ငယ်-ထုံးဘို-ပြင်ဦးလွင်ဖြတ်လမ်း၊ မိုင်တိုင်အမှတ်(၀/၀) နေရာ၌ မော်တော်ယာဉ်အမှတ်(ဒ/၂၈၇) (အပြာရောင်) (၆)ဘီးယာဉ်ပေါ်မှ တရားမဝင်အင်ခွဲသား (၂၄၃) ချောင်း (၅.၄၄၇၆)တန်ဖမ်းဆီး ရမိခဲ့ပြီး ဆက်စပ်ပတ်သက်သော တရားခံများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။

စေတုတ္တရာမြို့နယ်၊ မုန်းချောင်းတံတားတွင်မော်တော်ယာဉ်(၁)စီးနှင့် တရားမဝင်သစ်များဖမ်းဆီးရမိ

၃၀-၄-၂၀၁၉ ရက်နေ့တွင် မကွေးတိုင်းဒေသကြီး၊ မင်းဘူးခရိုင်၊ စေတုတ္တရာမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်မျာပါဝင်သောပူးပေါင်းအဖွဲ့သည် စေတုတ္တရာမြို့နယ်၊ မုန်းချောင်းတံတားနေရာ၌ မော်တော်ယာဉ်အမှတ်(7I/6525) A6(FAW) (အဖြူရောင်) ယာဉ်ပေါ်မှ တရားမဝင်ပိတောက်ခွဲသား(၂၉) ချောင်း (၂.၁၇၆၈)တန် နှင့်တရားခံ(၁)ဦးအား ဖမ်းဆီး ရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

ကြီးအုံကြီးဝဆည်အတွင်း တရားမဝင်သစ်များ ဖမ်းဆီးရမိ

ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့သတင်းပို့စနစ်-CMRSဖြင့် သတင်း ပေးပို့ချက်အရ မကွေးတိုင်းဒေသကြီး၊ မင်းဘူးခရိုင်၊ သစ်တောဦးစီးဌာနမှ လက်ထောက် ညွှန်ကြားရေးမှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ နှင့် သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် (၂၆-၄-၂၀၁၉) ရက်နေ့မှ (၂၇-၄-၂၀၁၉)ရက်နေ့ထိ ကြီးအုံကြီးဝဆည်အတွင်း တရားမဝင် သစ်နှင့် သစ်တောထွက်ပစ္စည်းများ ရှာဖွေဖော်ထုတ် ဖမ်းဆီး ခြင်းဆောင်ရွက်ရာ တရားမဝင် ပိတောက်ခွဲသား (၁၉၀)ချောင်း (၁၃.၅၀၈၂) တန် ဖမ်းဆီးရမိခဲ့ပြီး၊ ဆက်စပ်ပတ် သက်သူများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ် ဆောင်ရွက်လျက်ရှိပါသည်။

ပေါက်မြို့နယ်၊ ကျောက်ထု-ပေါက်-ပခုက္ကူကားလမ်းတွင် မော်တော်ယာဉ်(၁)စီးနှင့် တရားမဝင် သစ် ဖမ်းဆီးရမိ

၂၆.၄.၂၀၁၉ ရက်နေ့တွင် မကွေးတိုင်းဒေသကြီး၊ ပခုက္ကူခရိုင်၊ ပေါက်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးအဖွဲ့ဝင်များ ပါဝင်သောပူးပေါင်းအဖွဲ့သည် ပေါက်မြို့နယ်၊ ပေါက်မြို့ရှောင်လမ်း၊ ကျောက်ထု-ပေါက်-ပခုက္ကူကားလမ်း ပေါက်ချောင်းဘေး ယာဉ်(MDY/RLGO-1317)ပေါ်မှ တရားမဝင်သစ် ပိတောက် ခွဲသား (၁၆) ချောင်း (၁.၃၇၂၄)တန် ယာဉ်(၁)စီးနှင့် အတူ တရားခံ(၃)ဦးအား ဖမ်းဆီး ရမိခဲ့ပြီး ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။

ကလေးဝမြို့နယ်၊ ကလေးဝ-ယာကြီးကားလမ်း(၁၁၄/၄)တွင် မော်တော်ယာဉ်(၁)စီး နှင့် တရားမဝင်သစ်များဖမ်းဆီးရမိ

၂၆.၄.၂၀၁၉ ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်၊ ကလေးဝမြို့နယ်၊ သစ်တောဦးစီးဌာနမှ သစတောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ ပါဝင်သောပူးပေါင်းအဖွဲ့သည် ကလေးဝမြို့နယ်၊ ကလေးဝ-ယာကြီးကားလမ်း (၁၁၄/၄)မိုင်အနီး ယာဉ်(MDY/9B-6589)ပေါ်မှ တရားမဝင်သစ် ပိတောက်ခွဲသား (၅၈) ချောင်း (၉.၂၃၃၈)တန် ဖမ်းဆီးရမိခဲ့ပြီး၊ ဆက်စပ်ပတ်သက်သူများအား စုံစမ်းဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်/

ဆွေးနွေးပွဲများဖိတ်ကြားခြင်း

သစ်တောဦးစီးဌာနမှ သစ်တောနည်းဥပဒေ ပြင်ဆင်ပြုစုရေးအတွက် အကျိုးသက်ဆိုင်သူများ နှင့် ဆွေးနွေးအကြံပြုချက်ရယူခြင်းများကို အောက်ပါအစီအစဉ်များအတိုင်း ဆောင်ရွက်သွားမည်ဖြစ်ပါ၍ အကျိုးသက်ဆိုင်သူများဖြစ်ကြသည့် နေပြည်တော်ကောင်စီ၊ တိုင်းဒေသကြီး/ပြည်နယ် အစိုးရအဖွဲ့၊ လွှတ်တော်ရေးရာကော်မတီဝင်များ၊ ဆက်စပ်ဌာနများ၊ အရပ်ဖက်အဖွဲ့အစည်းများ အပါအဝင် ဌာနေ တိုင်းရင်းသားများနှင့် သက်ဆိုင်ရာဒေသခံအစုအဖွဲ့ကိုယ်စားလှယ်များအား တက်ရောက်ဆွေးနွေး အကြံပြု ပေးနိုင်ပါရန် ဖိတ်ကြားအပ်ပါသည်။ (ကျင်းပမည့်အချိန် ၀၈း၃၀ နာရီ မှ ၁၈း၀၀ နာရီအထိ)

Pages

more